تدري وش يجرح القلب جرحين ..!!

تدري وش اللي يجرح القلب جرحين=ويمد حبـل الحـزن فيـك ويشـدة
انك تناظر طفل مـن غيـر ابويـن=يمشي ودمعـة سايـل فـوق خـدة
منظر صعيب ويقسم القلـب قسميـن=لا قـام يمسـح دمعـة بكـف يـدة
يمش ولا يدري طريقة علـى ويـن=لين التعب من كثـر مـا تـاه هـدة
اثقل حـروف يشيلهـا فيـة حرفيـن=لا أب يـدري بـهـ ولا أم تـــردة
في خطوته رحلـة ودمعـة وسكيـن=وحـظ توسـد بالمراسـي مـخـدة
جيت اسألـة بالله قل لـي ولـد ميـن=وبغي يجاوب وختنـق صـوت ردة
أنـا يتيـم ومـا لدربـي عنـاويـن=وجزر الحزن فينـي يسـاوي لمـدة
وطعم الطفولة ما عرفته لهـا لحيـن=وثوب السعادة صـرت مانيـب قـدة
ابكي إلى من شفت غيـري سعيديـن=ليـن البكـا فينـي يوصـل لحـدة
واقفي ورحت امسح دموعي من العين=وعيني تناظـر دمعتـه فـوق خـدة
وهذا اللي يجـرح القلـب جرحيـن=ويمد حبل الحـزن غصـب ويشـدة

ياووووويلي قصيدة قووووويه وتصلح لها هالصوره

مصافحه رائعه وحضور رائع والقصيدة مختارة بذوق


صح لسانك اختي ولسان قايلها

ومختارات جميلة تبشر بنجوميه لها شان كبير

وماشارت له الشهرية من كلام قيم ولا كلام بعد ماقلته الشهريه

استمرارك سوف يضيء في سماء الشعر

ارجو منك الاستمرار ولاتبخلي علينا بمشاركاتك

تقبلي تحياتي

اخوك خوي الذيب

تامر امر ياخوي الذيب
ماطلبت إلا عزك

أميرة الشدادين

سيل من الحروف

وزخم من المعاني الخصبة

أغرقت متذوقي بتناغم كلماتها

حتى ظننت أن الأبداع هو دربك وحدك

والرقة هي ضيف سطورك في البوح

أو تعلمين عزيزتي

أحيانا نلتمس رقة الكاتب من حروفه

لو أن السطور تختار اللقيا

لأختارت لقاك

ولأحتضنت حروفك بلهفة أحبارها

علاقة خفية لا يدركها سواهما

كعلاقة الأيدي بالعيون

فكلما تأذت العيون تمسح دمعها الأيادي

وكلما تألمت الايادي تدمع لها العيون

تواصل غريب

كأن الأوراق تختار حبرك أنت

لتتمايل طربا مع كل نقاطه

تقبلي مروري

اليتيم ساير في طريق حزين
والحزن يا الله إنك تهده
ما تحمله الجبال الراسيات
بيحمله طفل غرير
يتيم والزمن ضده
والقريب والغريب كل يصده
لوعات الدنيا جعلته سهير
في الليل البهيم
و الطرق في وجهه مسودة
إن راح شمال أو يمين كل يلده
وحسرتي على اليتيم
يوم دمعه سقط على خده
ما وجد قلب رحيم
بعدما فقد الصدر الحنون


أميرة الشدادين
رائع ما نقلتي من كلمات معبرة لا يحس بها
إلا من فقد أبويه أو احدهما
ولكن ليتذكر كل منَّا هذا الحديث

عن سهل بن سعد رضي الله عنه قال :
قال رسول الله صلى الله عليه وسلم :
( أنا وكافل اليتيم في الجنة هكذا وأشار بالسبابة والوسطى
وفرج بينهما ) رواه البخاري

القصيده حلوه .. وذوق ىبصراحه


صح لسانك ولسان الشاعر .. >> مكانها منتدى القصائد المختاره

:؛:



قصيدة رائعه رغم ما فيها من الم ..

صح لسان قايلها وتسلم ايدينك يالغلا ..

ماننحرم من جديدك ..




:؛:

انك تناظر طفـل مـن غيـر ابويـن
يمشـي ودمعـة سايـل فـوق خـدة


قمة المعاناة والألم أن يكون هناك من هو بهذا الحال

فالإنسان كتل من الأحاسيس والمشاعر التي

تتأثر سلباً أو إيجاباً بما يدور حولها من أحداث

شكراً بنت المملكة

يعطيك العافيه عزيزتي على القصيده



كل التقدير لك


دمت بود