فواز ابن حنيف

مساجله بين الشاعر فواز ابن حنيف الشدادي والشاعر رشيد السبيعي

وهذي قصيده رشيد يقول

ياركابلي يقطع البعد ممشاه = من وراد اليابان خيرت الاوايل
يامحلا في مقدم الليل مسراه = والا عصيراً حزت الضل مايل
منصاك رجل تذبح الحيل يمناه = الضيف يذبحله طليً وحايل
لشاف وجه الضيف يضحك محياه = راع الكرم والجود وافي الخصايل
من عاشره بالطيب مايلحق اغياه = وعليه يامسهل كبار الجمايل
فواز سعد اللي من البعد ينصاه = ياعل دارً حلها بالمخيال
ياعل وبلً من مخيله نثر ماه = جعله على البضاء وذيك النثايل
ديرة هل الناموس يوم المثاراه= اهل الشجاعه والماهر الاصايل
قوم ابن مهرس طيب الذكر والجاه = قبيلة منها تحود القبايل

ورد عليه الشاعر فواز ابن حنيف

يقول

اهلا هلا بالي لنا الجيب عناه = ترحيبةً تبيري القلوب الغلايل
احلى من شهد المصفا بمجناه = والذ من در ام اهات الشمايل
بصدق صديق باول الوقت وتلاه = كساب قولت نعم من كل قايل
من عاشره بالطيب مايلحق اقصاه = حلحيل شيال الحمول الثقيال
ورشيد شعري ماعدد مزياه = كامل ولله الوفاء والكمايل
وهيض عليه زين بدعه ومعناه = وشتاق قلبي زين بدع المثايل
وبيضاء تعم من اخر الدرا لدناه= اسبيع لعدت كبار الحمايل
رجالهم يروي من الدم شلفاه = لجات حزات الظفر والصمايل
والضيف يلقاء اذيل حيلآ مرباه= سلماً اخذوه من الجدود الاوايل
مرباعهم جعل السحاب يتقداه = ويالله عسى الوادي من الغيث سايل
من العطف لين الهضب تشبع رعاياه = فيه الخزامى والشقرا تمايل
وجعله من الخرمه الى العرق واحذاه = وتاليه لحقو اول صدوق المخايل

وهذي هي القصايد وسلامتكم

الله يعطيك العافية على الموضوع .
فواز بن حنيف من أفضل رجال المهارسه
فهو رجل مثقف بالإضافة أنه يحفظ القصص
والروايات وينظم القصيد فأشكره وأشكر من حاوره .

ونعم الرجال قصائد محنكه من رجال محنكين
الله يعطيك العافيه اخوي عبدالله

مشكور اخوي عبدالله على نقل هذه القصيده
وصح لسان فواز

مشكور اخوي عبدالله على نقل هذه القصيده

الرائعه

كفو والله في أبو عبدالله رجل بمعنى الكلمه
من رجال لهم مواقف وبطولات لقبيلتهم
صح لسان الشاعرين وسلمت يمينك أخوي عبدالله على هذا النقل

واللة والف ونعم والاخ فواز من الناس الى محبوب من جميع ربعة وجماعتة وصح لسانك يابو عبداللة

والله ونعم في فــواز وصح لسانه

ابو عابد تسلم يا الذيب على هذه المساجله الرائعه

دمت متألق لمنتديات الشدادين

		المشاركة الأصلية بواسطة : الضيغمي اقتباس
	الله يعطيك العافية على الموضوع . فواز بن حنيف من أفضل رجال المهارسه فهو رجل مثقف بالإضافة أنه يحفظ القصص والروايات وينظم القصيد فأشكره وأشكر من حاوره .

هلا اخوي ابو هندي تواجدك اسعدني تحيتي لك

		المشاركة الأصلية بواسطة : صويب الوله اقتباس
	ونعم الرجال قصائد محنكه من رجال محنكين الله يعطيك العافيه اخوي عبدالله

صويب حياك الله مشكور على تواجدك