قلب الحارثي

بسم الله الرحمن الرحيم
اعزائي مشرفين واعضاء منتدانا الغالي السلام عليكم ورحمة الله وبركاته
فوجئت اليوم بعارض صحي لاحد الزملاء والذي افتخر في صداقته وهو عايض بن سعود بن عايض الشدادي الحارثي والحمد لله على سلامته وحبيت ان اشارك بهذه الابيات الكيبورديه

ما ألوم قلبك لو تعب يا بن شداد=دايم وهو مركا صدوف الليالي
يشيل هم الناس من جمع وافراد=ما هو على ما قيل داله وسالي
يعني طبيعي لو حصل بعض الاجهاد=اتعبت قلبك بالحمول الثقالي
لاباس ياقلب الكرامه والاجواد=يا شيخ بالحارث كريم السبالي
لا باس يا حر ٍ تعلا بالاشهاد=يا راس يا مبدا يا ذرب الخصالي
ما كل عايض مثل عايض ولو زاد=الهرج يبقى الفرق في كل حالي
عايض لحاله فالعرب حاضر وباد=عايض لحاله والبقيه لحالي
ابو سعود اللي له الطيب ينقاد=انشهد انه مكسب وراس مالي
واحد وحبب من يعرفه في آلاد=شداد روس المرجله والمعالي
قوم ٍ لهم فعل وتواريخ وامجاد=قوم ٍ رسوا فالارض مثل الجبالي
عرفت منهم واحد ٍ ماله ابلاد=رجال يسوى له قبيلة رجالي
الحارثي عايض عسى ايامه اعياد=والله يديمه دايم الدوم غالي

صح لسانك ولا هنت يا الذيب

وألف لا باس على الأخ أبو سعود

دمتم ودامت أيامك أفراح وأعياد

وعساك على القوووة

قصيده

جزله من شاعر جزل



وبيض الله وجهك ياقلب الذيب ويسلم ابوسعود ولا يشوف شر

ويستاهل المدح طير شلوى

ولاكن لدي ملاحظه أن سمحت لي وهي (بالحارث) ليس بأسم القبيله الصحيح الاسم الحصيح هو( بني

الحارث )أو( بنو الحارث)

أما بالحارث فتطلق على قبايل يام بالحارث وبالحارث كذالك قبايل في منطقة جيزان لايطلق على قبيلة

بنو الحارث أوبني الحارث

حبيت التوضيح ياغالي فقط

ولاهنت

ألوم قلبك لو تعب يا بـن شـداد=دايم وهو مركـا صـدوف الليالـي
يشيل هم الناس مـن جمـع وافـراد=ما هو على ما قيـل دالـه وسالـي
يعني طبيعي لو حصل بعض الاجهاد=اتعبـت قلبـك بالحمـول الثقالـي

قلب الذيب ...صح لسانك..
وسلمت يمينك...
قصيدة رائعه....

صح لسانكـ يا قلب الذيب ..


ولا هنت يا ذيبان على القصيدهـ الرآئعهـ ..!

الف سلامه على ابو سعود ومايشوف باس

صح السانك ياقلب الذيب وتسلم على القصيده

ما يشوف شر إن شاء الله أبو سعود

والله ونعم الرجل وكل من ذكره أثنى عليه بالخير

راعي فزعات وعلومٍ غانمات

بيض الله وجهك يا قلب الذيب وصح لسانك

وأنا مع شاعرنا ابن جربان فيما لاحظه .

صح لسانك ولاهنت على القصيده

الراااائعه اتمنى نشوف جديدك دايماً

لا باس على أبو سعود

وصح لسانك ياقلب الذيب

الله يبيض وجهك يا قلب الذيب وصح لسانك يا الغالي

ابوسعود يستاهل وانت ما قصرت


تحياتي لك