..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


آخر 10 مشاركات وردة مِن بلاغة القران الكَريم !    <->    So2al ما هو نسب ضيغم الوارد في شجرة الشدادين؟    <->    وردة سَجلْ دُخوُلكْ / خُروُجكْ بِـ بيَتْ شِعر ♫ ( النُسخّة الثَالِثّة ) !    <->    موضوع جديد يوم المشوك مثل وبل بردية    <->    Reyadh رابطة جمهور العالمي (11)    <->    مكالمات داخل الشبكة بريال واحد بس    <->    حصرياً براويز ذهبية للتصاميم    <->    بخيل المشاعر    <->    جاء وقت الكشتة    <->    خاص يا قحطاني : اعرف نسبك    <->   
مختارات   كل شئ يبدأ صغيرا ثم يكبر، إلا المصيبة فإنها تبدأ كبيرة ثم تصغر   
مواضيع ننصح بقراءتها يا قحطاني : اعرف نسبك   <->   بخيل المشاعر
  [ 1 ]
قديم 07 Sep 2007, 12:50 AM
شاعر

زعيم الحب غير متصل

تاريخ التسجيل : Jul 2006
رقم العضوية : 1598
الإقامة : saudi arabia
الهواية :
المشاركات : 1,584
معدل التقييم : 25
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
محاورات المنتدى



بسم الله الرحمن الرحيم

السلام عليكم ورحمة الله وبركاته

هذه الصفحة وضعناها لكي نجمع

فيها محاورات المنتدى

واتمنى من اخوي الغربي

المساعده في جمع المحاورات

وتكون هذه الصفحه مقفلة للاطلاع فقط

لكم خالص تحياااتي


توقيع : زعيم الحب
تعلمت من الحياة ان اترك خلفي الكثير من علامات الاستفهام ؟؟؟؟؟؟؟..

واترك الاجابات لغيري .. من استطاع الاجابة .. وجد طريقه لقلبي .. فلسفة زعيم ..



قديم 07 Sep 2007, 04:02 AM [ 2 ]
عضو متميز


تاريخ التسجيل : Mar 2005
رقم العضوية : 106
الإقامة : saudi arabia
مواضيع : 477
الردود : 33116
مجموع المشاركات : 33,593
معدل التقييم : 25عبدالله الشدادي is on a distinguished road

عبدالله الشدادي غير متصل




محاورة متعب وفايز

متعب الشدادي

ياسلامي على اللي حبها في القلوب=حبها في القلوب ولا نـزل قدرهـا
كل هرجِ على روس الرجال محسوب=مار ستر الجنازه فـي لحـد قبرهـا

فايز الشدادي

مرحبا يالمسلم وانت راعي وجوب=والليال السعيـده مكتمـل بدرهـا
سرها لاتوصي من يعرف الدروب=والضعيفه تطيح وينهـدم جدرهـا

متعب الشدادي

البقاء يالمرحب عد مجرا الهبوب=وعد ماخطت الاقلام مـن حبرهـا
لا تناظر بثوبي وانت مكسيك ثوب=نظرت منـك بالعينيـن ياكبرهـا

فايز الشدادي

لا تخمخم جيوبي دام عندك جيـوب=اخذ عشرك وخلق الله لها عشرهـا
اشغل الناس بالحذف وصياحه طنوب=مخطي ويشتكـي يالربـع ياكثرهـا

متعب الشدادي

انت مذنب وذنبك من كبار الذنوب=تكسر الكاس ماتقدر على جبرهـا
لا تناظر شمال ولا تناظر جنـوب=بنت ابو زيد حط ايدك على صدرها

فايز الشدادي


انت مذنب وذنبك منه محدٍ يتـوب=لاتحاقر ذنوبك دوم من صغرهـا
انت ماودك احد يخاشرك فالجبوب=صار نكبة صقور الجو من وكرها

متعب الشدادي


وحشة الليل تبدا عند وقت الغروب=ليت شمسك تبين وينكشف سترها
مد كفك ليا لاحت بروق النصـوب=وشبر الارض وكفايتك من شبرها

فايز الشدادي


الرحى عانها ماتطحن الا الحبوب=كل عينٍ وشرهتها على سبرهـا
وين علمك هذا يوم النوايب تنوب=ناس غثيتها ناسٍ كسبت اجرهـا

متعب الشدادي


اختلاف المذاهب باختلاف الشعوب=شفت فيل ابرها عذبه رب ابرهـا
انت شبيت نارك يارفيقي شبـوب=مار حطيت كفينك علـى جمرهـا

فايز الشدادي


صفنا لاتوحـد مايصيـر مغلـوب=ولو تفرق صفوف القوم ضاع امرها
لاتحول بوسط النار منت مغصـوب=والعرب فالمواقيف ابخص بعمرهـا


متعب الشدادي



كان عقلك كبير وكان صدرك رحوب=خاو الابطال كان انك على خبرهـا
بقفل الباب وفتح باب كان محجوب=وامهل النفس لامنه قضـا صبرهـا

فايز الشدادي


طول عمره يخض الماء وعيا يروب=ويش عذر الليالي منه وش عذرهـا
كان صادق من الليله نشكل قـروب=وبنت ابوزيد عندي حاضرٍ مهرهـا

متعب الشدادي



لو نزف الفتاه ولو نحلب الحلوب=تتبع القوم ولا ماتجـي باثرهـا
السفينه بتبحر كان تبغا الركوب=لا تخلي السفينه لا عصف بحرها


فايز الشدادي


في تمام الكتيبه مانسجل هروب=وراية العز مكتوبٍ ترى نصرها
كانها بالفعل والا مداحم جنوب=تنكسر عظمةٍ ماينجبر كسرهـا

متعب الشدادي

مايغث المدرس غير كثر الرسـوب=ولا تموت اليهود الا علـى كفرهـا
وانت مسلم ورجلٍ في الرجال محبوب=تدخل الدايره وتضيـع فـي قطرهـا

فايز الشدادي



يرسب الطالب ان كان المدرس كذوب=ومن دعا للظلالـه يحتمـل وزرهـا
وانت مسلم ورجل فالملاعب لعـوب=مار راجع مواضيع الكتـب واقرهـا


توقيع : عبدالله الشدادي

كان هنا
التعديل الأخير تم بواسطة عيد الشدادي ; 09 Sep 2007 الساعة 03:34 PM
الأعلى
قديم 07 Sep 2007, 06:30 PM [ 3 ]
شاعر


تاريخ التسجيل : Jul 2006
رقم العضوية : 1598
الإقامة : saudi arabia
مواضيع : 135
الردود : 1449
مجموع المشاركات : 1,584
معدل التقييم : 25زعيم الحب is on a distinguished road

زعيم الحب غير متصل




محاورة ابو عماد ومن رؤس بنيوس وسعود

ابو عماد
الكلام يزين لا حل من بعـد السـلام=ردةٍ تضفي على اهل الديّر في ديارها
العرب مابينهم غير حشمه وحتـرام=لين تقدح من شراره وتالـع نارهـا

من رؤس بنيوس
الكلام يزن لاجاء الكريم ابن الكرام=مرحبا ترحيبـة عالـي مقدارهـا
والعرب مابينهم لاخلاف ولاخصـام=ولوتشب النار تقدر تدوس اخطارها

ابو عماد
اعرف انا للوفا لابسين اعلى وسام=البقالك والسوالف لهـا مسعارهـا
كان مابه نقض للفتل ماقلنا تمـام=والعرب حملة جملهم يضيم حوارها

من رؤس بنيوس
حشمتك يابوعماد ان تسلى بالكلام=وان تنقى من علوم الرجال خيارها
ما نبي في جونا لاغيوم ولاعسام=والسوالف بيننا لاتبيح اسرارهـا

ابو عماد
من بنا بيتاً بلا ساس خطراً بالهدام=والعلوم الطيبـه طبعنـا نختارهـا
الردى ماله مع الناس قدر ولا مقام=بس لابد الحقايق تبيـن انوارهـا

سعود سليمان
مايدس الراس وقت الزحام الا النعـام=أحتزم والملعبـه دوب شبـة نارهـا
انا جيتك يا أحمر العين في كفي حسام=وكل نفس تشيـل سياتهـا وأوزاهـا

ابو عماد
كنت حاسب غيبتك من تراخي في العظام=مير ياطير السعد جيـت هابـد زارهـا
ابشر إنا في الوعد والفشق مليّ الحزام=ون بغيت يمينها ون بغيـت إيسارهـا
سعود سليمان
والله أني لعقل الثلب ملعون الرسـام=والمسوح أم الحوارين أفك صرارهـا
سقتها عليك سوق الجمل والدرب شام=لو تجاهلها المطيري تجيـه أخبارهـا
ابو عماد
شب نارك ونت داخل لهبها بأنتظـام=لين يدري عنك منهو لجاء في غارها
لاتحمل نفسك الجور ياشيخ الجهـام=التجاره في البلـد حولهـا تجارهـا

سعود سليمان
لا تداحم وأنت جنبك يلين مع الدحـام=ميز عضود النشاما وطول أشبارهـا
ولاتضن الغارب يزيد عن طول السنام=كل حاجـه يالسنافـي لهـا معيارهـا

ابو عماد
صورة القسيس ماهي لنا غاية مرام=لو على راسه يحط الحُلل بأختامهـا
اعرف ان الطق يالحارثي فك اللحام=ونت عينك ليش قامة تخون اعياره

سعود سليمان
يامطير أموال حجاج بيت الله حرام=أمنوا عمارهـا وأمنـوا زوارهـا
عاهدونا وأمنونا قبل شهر الصيام=قبل لا تغضب ديركم على كفارهـا
ابو عماد
ماعلينا من صلاة المؤذن واليمـام=شوف عين الرجل يكفيه قص اَثارها
ياسعود ابعد عن اللي توديك الضلام=ليش في حفرتك حولـت ياحفارهـا
سعود سليمان
أحسب أنك شيخ .. لكن طلعت من العوام=وأحمد الله دلتـك مـا عبـرت بهارهـا
ما لكم يا شلة المهـد نهـج ولا نظـام=كـل ماقلنـا صفيتـوا يثـور غبارهـا


الأعلى
قديم 08 Sep 2007, 04:24 PM [ 4 ]
شاعر


تاريخ التسجيل : Nov 2005
رقم العضوية : 627
الإقامة : saudi arabia
الهواية : [].. اقتناص الافكار..[]
مواضيع : 695
الردود : 20477
مجموع المشاركات : 21,172
معدل التقييم : 478عيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of light

عيد الشدادي غير متصل


مـجـمـوع الأوسـمـة : 11
المشاركة في الاحتفالية السنوية

المشاركة في احتفالية العام التاسع

الشاعر المميز

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

عضو مخلص

الحضور المميز




محاوره الغربي ومن رؤس بنيوس

من رؤس بنيوس

سلام ردية جديـد مـن جديـد=ردية مثل العسـل نبـدى بهـا
ياعيد انا في المنتدى مثل الوحيد=بين الرجال اللي ترف اشنابهـا

الغربي

يامرحبا والله يدبـر مايريـد=عد الفروض وعد من صلابها
جدك قريب لجدنا منته بعيـد=وكلمت لاجتنا نحسب حسابها

من رؤس بنيوس


من شاعر المليون بطلت القصيـد=الارض تلعب دائم مع اصحابهـا
ان جات للتصويت ماعندي رصيد=وان جات للفات مانرضـى بهـا

الغربي


العارفه يمشـي بدربـه مايحيـد=ماهمه المليـون واللـي جابهـا
خلك على الممشى وقلبك من حديد=لو تحترق بعض العرب واعصابها

من رؤس بنيوس

لعب الهلال وفاز بالكأس العميد=ويقولوا التحكيم كـان اسبابهـا
الوقت خلص والحكم عود يزيد=الحاجة في النفس وهو ادرى بها

الغربي


ترى الشبك دايم يصيد اللي يصيد=وانته تعرف نمورهـا وذيابهـا
من طاح فالميدان قلنا له شهيـد=مانـي بقاريـهـا ولا كتابـهـا

من رؤس بنيوس

السمن يابن العم فرق عن الجميد=واللي معـه قرشيـن يتعشابهـا
والموت يابن العم في حبل الوريد=والناس تلقى في القبورحسابهـا

الغربي

البحر موجه يامحمـد مايهيـد=واللي معه قرشين هو اولا بهـا
اسمع كلام الصدق والعلم الوكيد=بعض البضايع خسرت جلابهـا

من رؤس بنيوس

قلبي يحبك معك يازيـن النشيـد=يابن الرجال اللي تحث ركابهـا
يم العلا تمشي على راي سديـد=ويوم اللقاء يعجبك ضرب حرابها

الغربي

قلبي يحب البيت لاشافـه مفيـد=وين البحور ووين هـو شرابهـا
ياشاعر الحرث عسى عمرك مديد=هات الحطب والنار من شبابهـا

من رؤس بنيوس

احزى العواقب ماندفع يابوعبيد=والنار يابوعبيد لاتاطـى بهـا
منته بلا شرطي ولاساعي بريد=والناس حذرى لاتشق ثيابهـا

الغربي


الصبح قرب والمعانـي ماتبيـد=بنرجع الكلمـه علـى طلابهـا
لو خصمنا يجي بسيف ابن الوليد=ترى اهل مكه يعرفون شعابهـا

من رؤس بنيوس


التمر يوجد في النخيل ام الجريد=والحنظلة يبست وجف ترابهـا
والبيت بانينه على الساس الجويد=والحيّة ام جنيـب نقلـع نابهـا


توقيع : عيد الشدادي
بيتي مشيد في قيا للمناعير=وانا على بابه وارحب واهلي..
افخر بمقدوم الوجيه المسافير=مادام قدري فالزمان امتعلي..
.
.
.
.
.
.
الفقد ..ماهو فقد من غاب يومين=الفقد والله فقد شخصٍ توفى
فارق وخلى من يحبه من سنين=ياموت هد شوي طالبك تكفى
.
.
عيد الشدادي

الأعلى
قديم 08 Sep 2007, 04:45 PM [ 5 ]
شاعر


تاريخ التسجيل : Nov 2005
رقم العضوية : 627
الإقامة : saudi arabia
الهواية : [].. اقتناص الافكار..[]
مواضيع : 695
الردود : 20477
مجموع المشاركات : 21,172
معدل التقييم : 478عيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of lightعيد الشدادي is a glorious beacon of light

عيد الشدادي غير متصل


مـجـمـوع الأوسـمـة : 11
المشاركة في الاحتفالية السنوية

المشاركة في احتفالية العام التاسع

الشاعر المميز

فعالية تذكر واتربح

الاحتفال بالعام السابع

الاحتفال بالعام السابع

الإداري المميز

العضو المميز

عضو مخلص

الحضور المميز




محاوره عواض الشلوي وفايز الشدادي


عواض الشلوي

عندالرجال اهل الكرم والمدح والقول الجزيل=يامرحبا ترحيبة الصفطان رفـرف ياعلـم
ان كان فايز ناوين ينكرلي افعـال الجميـل=ياكم وياكم تنكر العربـان رفـرف ياعلـم


فايز الشدادي

الك البقا وابا اعتبر هذي ميانه يالزميل=لوكان مافينا غريب اوطان رفرف ياعلم
مالك عليه من كثيرٍ تذكـره ولا قليـل=والهرج مايقبل بلا برهان رفرف ياعلم


عواض الشلوي

مافيه شك العلم واضح والخبر سلكه جليل=في حاحضر الايام صار وكان رفرف ياعلم
عسى البلاط يصدرونه من سليم اليا هذيل=يضيع فقصى واخر البلدان رفرف ياعلم


فايز الشدادي


انته تجيب النا الخبر لكن ماجبت الدليل=اركد وركد حبة النيشان رفـرف ياعلـم
انته مقاول والبلاط ان راح ماتلقى عميل=والبيت له طاقه وله بيبان رفرف ياعلم


عواض الشلوي


ليت الصحافه ماعطت فايز من اخباري مثيل=واقول صادق والأسد مابان رفـرف ياعلـم
ياحلوها ياطيبهـا ماكنهـا الا دقـل سيـل=تزجر وفايز ينظر الأعيـان رفـرف ياعلـم


فايز الشدادي


خل الصحافه ماوراها ياولد عمي حصيل=اهل الجرايد كلهم كذبان رفرف ياعلـم
ياحلوها ياطيبها لكن قل لي وش تخيل=السيل له وادي وله شعبان رفرف ياعلم


عواض الشلوي


تابع دروس اسبوعك الماضي وتلقى لك سبيل=نار على قمة علـم وكـدان رفـرف ياعلـم
وان كان فايز ماعرفني فالتفاهـم مستحيـل=انا ولد من هجـد الفرسـان رفـرف ياعلـم


فايز الشدادي


ماني بلومك والمسافه متعبه والوقت ليل=تبغى بوا هجدت اهل ميسان رفرف ياعلم
والنعم فيكم مالحقنا شـك مافيكـم ذليـل=والشعر مايوخذ بضرب سنان رفرف ياعلم


عواض الشلوي


اللوم مايطرى ولاله ياولد قـوال قيـل=عساك سالم شاعر وفهمان رفرف ياعلم
والى لقاءً ثاني ونلقى غير هاذيه بديل=والحمد لله ماحصل نقصان رفرف ياعلم


فايز الشدادي

عساك سالم والتمر ماطاح من روس النخيل=وحنا ترانا كلبونا اخـوان رفـرف ياعلـم
النا لقى ثاني عسى نلقـى لهاذيـه كفيـل=مسجله لكن بـلا عنـوان رفـرف ياعلـم


الأعلى
قديم 12 Nov 2007, 08:41 PM [ 6 ]
شاعر


تاريخ التسجيل : Jul 2006
رقم العضوية : 1598
الإقامة : saudi arabia
مواضيع : 135
الردود : 1449
مجموع المشاركات : 1,584
معدل التقييم : 25زعيم الحب is on a distinguished road

زعيم الحب غير متصل




محاورة الغربي وفيصل زايد

الغربي
سلامي على اهل المنتدى خص والجمهور=في اول بدايه علم والطيـب نمشـي بـه
سرى الليل يافيصل ترى في الامور اومور=ليا شـب نـار وكـل عـود بمشاهيبـه

فيصل بن زايد
عن أهل الوفاء والطيب غيّاب وألا حضور=هـلا مرحبـا باللـي عريبـه مجاذيبـه
ترانا ليـا منـا حضرنـا نسـد الشـور=وعلى الطيب كـل ٍ نوفـيّ لـه مطاليبـه

الغربي
كفى الله شرور اهل الحسد والعيون العور=بعلمـك ليـن العلـم يـارجـل تدريـبـه
احد في البشر منهي واحد في البشر مامور=وانـا نيتـي للذيـب اقطـع عراقيـبـه

فيصل بن زايد
أنا شفت لي زول ٍ يبـا يخلـف الطابـور=عسى الله يعوقـه يـوم يـذي معازيبـه
ترى الذيب يالنشمي له أحساس وله شعور=وألا ويل مـن تسطـا علاهـم مخاليبـه
الغربي
اشوف المخايل سيلها في الديار حدور=عسى العد لشراب تصفى مشاريبـه
انا اشوفلي رجال لاناصر ولا منصور=وانا قايد القوه وابا اشوف تدري بـه

فيصل بن زايد
أنا خاطري رايق وأنا خاطري مسرور=وأنت يا أبن عمي لا عاد تطول الغيبه
وأحذرّك تصحب واحد ٍ ياكل من السور=ترى اللي عشاه السور غدّار بصحيبه

الغربي
ترانا على الطالات مانتبع المغرور=ولا نتبع الا اللي عطيبه مضاريبه
ولكن يافيصل ترى منته بمجبـور=على هرجه النمام والشك والريبه

فيصل بن زايد
علامك يابن حجري توجّد على النور=وأنا خابرك ليل الغطاليـس تسريبـه
عسى ما أنته جريح ٍ ولا أنته بمكسور=وترى كل جرح ٍ عارفيـن ٍ تطابيبـه


الأعلى
قديم 26 Nov 2007, 10:08 AM [ 7 ]
شاعر


تاريخ التسجيل : Jul 2006
رقم العضوية : 1598
الإقامة : saudi arabia
مواضيع : 135
الردود : 1449
مجموع المشاركات : 1,584
معدل التقييم : 25زعيم الحب is on a distinguished road

زعيم الحب غير متصل




محاورة من رؤس بنيوس ومتعب الشدادي
من رؤس بنيوس
سلام ياربعي عمى عين الحريب=في منتدى راقي وعالي مستـواه
رفيقي السلطان يدعيني واجيب=ومتعب بن فراج يسعدني لقـاه
متعب الشدادي
يامرحبابك وانت مانتـه بالغريـب=من روس ابالحارث والك قدر وجاه
نادوك ربعـك وانتبهلـي لاتغيـب=خاو العرب لاتختلف في الاتجـاه
من رؤس بنيوس
يقلون ابه محفل عسى الموعد قريب=قلي وش اللي صار ياقاض القضاه
ياللي تخض الماء ماهومثل الحليب=ماهو برائب لو يطول فـي سقـاه
متعب الشدادي
ان كان في المحفل يابن عمي نصيب=بيجيك علمه والخبـر ياخـذ سـراه
ياللي تودي للخبـر مـدري تجيـب=خل السوالف من تحت كـم العبـاه
من رؤس بنيوس
حرب النجوم اصبح في العالم رهيب=وحنا وراء الخلفات نمشي في الفلاه
واللي يجر الصوت وهو في الشعيب=ماجاوبه غيـر الجبـل ردد صـداه
متعب الشدادي
حرب النجوم اللي تقوله يالحبيب=الله يناجينـا ويكفيـنـا بــلاه
واللي تمنا فالمنا ماهوب عيـب=يمكن مع الايـام يتحقـق منـاه
من رؤس بنيوس
ماكل من يرمي الهدف رميه يصيب=ولا كل من دور على شـئ لقـاه
وانا رفيقك ان عواء ذيـب لذيـب=ونور القمر في الليل نمشي في سناه
متعب الشدادي
يالرامي الماهر ترا المرمى تعيـب=مره يجي دون الهدف مـره وراه
مار احتزم بالسيف والرمح العطيب=حتى توردها علـى العـد الـرواه
من رؤس بنيوس
مـن شـب نـار الحرب ماسلم اللهيب = ومن لاشـرب بيداه مايروى ضماه
ومايطلع المبر سـواء شيخ وخطيب = يعرف امور الدين وشروط الصلاه
متعب الشدادي
الموت سنه ولايجيك الا النصيب = والكاسب اللي للولي يرفع يداه
جرح يطيب وجرح يبطي مايطيب = يعجز اهل الطب ماتلقا دواه
من رؤس بنيوس
ياللي جرحك الـوقت دور للطبيب = الـمـتـهـم حـاصـل على صك البراه
واللي بداء بالطيب يلقى كل طيب = واللي زرع له زرع ياكل من جناه
متعب الشدادي
علم يصيب وعلم لالا مايصيب = وعلمك ترا ماصار فيه الاشتباه
الحلم يكبر والبن ادم لو يشيب = ماوقفت احلامه ولا وقف رجاه


الأعلى
موضوع مغلق
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
محاورات صوتية قديمة ابن مهرس2008 الشيلات والمحاورات والقصائد الصوتية والمرئية 32 25 Sep 2011 06:45 AM
من أجمل محاورات صيف 1430 هـ ( لا تفوتكم ) أبو سلطان الشيلات والمحاورات والقصائد الصوتية والمرئية 3 30 Oct 2009 05:33 PM
محاورات نادرة لجلالة الملك فيصل يرحمة الله أبو نايف المحاورة والألغاز الشعرية 5 11 Jan 2009 11:01 PM
طلب محاورات صوتية أبو عايض الشدادي المحاورة والألغاز الشعرية 13 18 Aug 2007 12:40 PM
محاورات لصياف الحربي مع عدد من الشعراء الرياض المحاورة والألغاز الشعرية 4 06 Jun 2007 09:46 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Loading
12:47 AM
Powered by vBulletin® developed by Tar3q.com

RSS For Network AlShdadeen official