..:.. مرحباً بك في شبكة الشدادين الرسمية ، ضيفنا الكريم يسعدنا دعوتك للانضمام والمشاركة معنا .. اضغط هنا لتسجيل عضوية جديدة ..:..


العودة   شبكة الشدادين الرسمية > المنتديات الشعبية > بحور القوافي
  [ 1 ]
قديم 11 Oct 2005, 04:57 PM
شاعر

متعب الشدادي غير متصل

مـجـمـوع الأوسـمـة : 1
المشاركة في الاحتفالية السنوية


تاريخ التسجيل : Mar 2005
رقم العضوية : 92
الإقامة : saudi arabia
الهواية :
المشاركات : 484
معدل التقييم : 58
الملف الشخصي للكاتب
إضافة تقييم
الرد على الموضوع
ارسال الموضوع لصديق
طباعه الموضوع
تبليغ عن الموضوع
قصيدة الجياشي



بسم الله الرحمن الرحيم

انقل لكم قصيدة الشاعر ثواب بن زيد الجياشي التي القاها امام سيدي الملك عبدالله بن عبد العزيز
واحب ان اشكره على هذه القصيده الجزله واقول له ( صح لسانك ).




انا البارح بعد ليلي سرا وامضى منـه ثلثيـن=طلبت الله يحقق مبتغى مـن طالـت همومـه
على هذا المكان اللي كما نوره نجـي باديـن=أنول أعلى شرف وأبدي ونار الشوق مشعومه
وتحـرك للمحبـة والـولا بقلوبنـا عرقيـن=تعبرها الحروف اللي من الأشـواق منظومـه
نجدد مـن ولانـا بيعـة الإخـلاص للركنيـن=لبو متعب وابو خالد منـار المجـد ونجومـه
نبايعهم على الدين الحنيف وعاشوا الأخويـن=سلالة من بنى الصرح العظيم ثبـت رسومـه
ولو الشعر يوفي حق أبو فيصـل كتبنـا ليـن=نوفي حق من مجّد بـلاده واتعـب خصومـه
ولكن يرحـم الله مـن تفانـا للبـلاد سنيـن=عسى روحه ما هي من رحمة المعبود محرومه
سلام الله سلام له مكان ولـه زمـان وحيـن=سلام ودام راس اللـي يعـز الحفـل بقدومـه
سلامٍ عـارفٍ منصـاه غالـي قـدر للغاليـن=بعد نور الفرح شعـش علينـا وابتـدا يومـه
منصا من صدق ذات وعلى الأقصين والأدنين=أزف اسمى تعابيرٍ عـن التقصيـر محشومـه
بعد هجرس بها الصدر الوسيع ومرحبا وأهلين=عدد وبل الغشين اللي يهل وتسبـح اغيومـه
هجوسي ما يهيضها حمام الورق لـو أيزيـن=بصوتٍ شاديٍ لحنـه وصافـي جـوٍ يحومـه
يهيضني وقوفي وامتثـال العـز بيـن أيديـن=مليكٍ ما تغيـر فـي نهـار الشـدة عزومـه
حبيب الشعب أبو متعب لاجت وحده من الثنتين=طناخة راسه الراسي تخل الـروس ملخومـه
أبو متعب ذر اللي يشكي الظلم ويشوف البيـن=مليكٍ مـا تعـداه المواقـف غيـر محسومـه
أبو متعب لاجا اليوم العبوس القمطرير الشيـن=نشوف العز بحجاجـه يلـوح وللسعـد قومـه
أبو متعب عما عين الحريب ومزبن اللاجيـن=صليب الرأي يا شر النفوس اللي بهـا زومـه
ملكنا اللي لعدوانه يكيـل الصـاع بالصاعيـن=سنام المجد عـداه ابدهـاه وحقـق أحلومـه
يمكن كل مظلـومٍ شكـا لـه مظلمـة تمكيـن=ويضفي به كما يضفى على العريـان بهدومـه
وأبو خالد بجنبك تاجده فـي عسـر ولا ليـن=أمدله كل نفس من صدوف الوقـت مضيومـه
أبو خالد تدون له مواقيـف الشـرف تدويـن=ومشاعرنا تدافع لـه وفـا ماهيـب مرغومـه
ولي العهد عدٍ مورده يقطع ضمـا المضميـن=وسورٍ للوطن حصنٍ عيـون أعـداه ملطومـه
إلهي نطلبك عونك ولا غيـرك ولـي ومعّيـن=تعـز المسلميـن ودولـةٍ بالشـرع محكومـة
وتكفينا من شرور الضلال ومن غلـو الديـن=ليا بُليت جهاهيـل العـرب بفكـار مسمومـه
بعد دارت رحى الدنيا وشفنـا فعلهـا بالعيـن=دفعنـا ارواحنـا للمـوت والأقـدار محتومـه
لجل أمن البلاد اللـي حكمهـا خـادم البيتيـن=ولا زال الوطن شامخ ينـال المجـد ويرومـه
على أرضه كم طوا البيدا قدم حافي وخف وقين=مناعير مذاهبهـا علـى العيـرات محزومـه
نعـم كنـا ولازلنـا ومـن زل تهـاون هيـن=وحنا شعب ما اختلفـت تقاليـده ولا سلومـه
على شبه الجزيرة والعروبة بالـذرا مضفيـن=نزّبن من نضانا والحريـب انضّيـع علومـه
وهل التوحيد حنا كالجبـال الشامخـة راسيـن=حقوق الرجل فينا وافيه مـا هيـب مهضومـه
نحكم الرأي لا منه غـدا رأي العـرب راييـن=نخوض البر زحفٍ لو محيط الأطلـس نعومـه
تجندنا لجل عز الوطـن يـا بنـت لا تبكيـن=من عدانا يرّبع كـل ذيـب وياجـد اطعومـه
جنود فالقسا نسمى سما مثل السمـاء ساميـن=يسمى باسمنا الاسـم وأسامينـا لهـا هومـه
رجالٍ حلمنـا دايـم وسيـع وفاللقـا صلفيـن=عوايدنا الشموخ ونعتلـي والغالـي انسومـه
لنا روسٍ يسكرها الغضـب والكايـدات اتليـن=وينعشنا هوى نجد العـذي ولفحـة اسمومـه
تربعنـا علـى دارٍ موانيهـا علـى شطـيـن=بـلادٍ مـا خذيناهـا بوزعـة ورث مقسومـه
وطن ما هو عقيم وينجب ملوكٍ تفـك الديـن=فعايلهـا نعاينهـا علـى الواقـع ومعلـومـه
مواقفنا مواقف صاملة ما هيـب بيـن وبيـن=مواقـف مـا يحرفهـا هبيـلٍ مـد حلقومـه
على فكر الضياع ومن عطو مع ساقته مخطين=وجميع أيامكم يـا عالـم التضليـل مشئومـه
ألا ياللي سريت ابمحملك يوم العرب ممسيـن=سريت ابليلـةٍ ظلمـا بهـا الأنـوار معدومـه
وقردك الله وصادمت الجبل يا الوعل أبو قرنين=توسدت الوطا وقرونـك الثنتيـن مصرومـه
ألا يا المحمل التايه بسم رب الخلايـق ويـن=سألتك وين متوجـه تـرا وجهتـك منجومـه
فجعت الطفله اللي هلت الدمعه علـى الخديـن=تخايل دم أبوها طفلةٍ فـي حضـن مضمومـه
نواياكم عرفناهـا وقلنـا يـا بشـر غاديـن=وتماديتو وطحتوا طيحةٍ مـا هيـب مرحومـه
دخلتو بين لحيان الجمل ثـم أطبـق اللحييـن=ولا زال الجمـل لمقـرد العربـان لا هـومـه
نعرفك محمل الفكر الدخيـل وزمـرة الباغيـن=وجراثيم البشر عنا تمـوت بمـوت جرثومـه
ولا يدرك عواقيب الأمـور ألا ذكـي وذهيـن=ويجهلها الغبي اللي بعدمـا فـاق مـن نومـه
يدور الوقت باحداث الزمن والخافيـات اتبيـن=وطبع النفس عن فعل الخطا ما هيب معصومه
ولكن التمادي ما له ألا السيـف أبـو حديـن=وحربة حق في فج النحر والصـدر ملحومـه
لا سار الجيل مع نهج صحيح أصبح كما هاتين=ونقـراه بعبـارة واضحـة معنـى ومفهومـه
يغيّر في معانيها السكـون وهمـزة التنويـن=وتصير حروف مسكونة محل حروف مدغومه
وبلادي ما حميناها بسورٍ مثل سـور الصيـن=بلادي سوره إرجالٍ بصدق إيمـان مدعومـه
مداغيش العيال اللي فتوق اطعونهـا شبريـن=مداغيشٍ بحب الـدار وأهـل الـدار مغرومـه
إلهي نطلبك عونك ولا غيـرك ولـي ومعيـن=تعـز المسلميـن ودولـةٍ بالشـرع محكومـه



شـعــر الـمــلازم أول/ ثـــواب بـــن زيـــد بـــن نـجــا الـحـارثــي


توقيع : متعب الشدادي
تويتــــر


https://twitter.com/moteb_9





رد مع اقتباس
قديم 11 Oct 2005, 10:58 PM [ 2 ]


تاريخ التسجيل : Sep 2005
رقم العضوية : 459
مواضيع : 136
الردود : 1034
مجموع المشاركات : 1,170
معدل التقييم : 25سعد الشدادي is on a distinguished road

سعد الشدادي غير متصل




والله والسبع انعام بك وبه


لاهنت على هالنقل ولاهان على النضم


دمت بخير

.


توقيع : سعد الشدادي
الأعلى رد مع اقتباس
قديم 11 Oct 2005, 11:36 PM [ 3 ]
عضوة متميزة

تاريخ التسجيل : Jan 2005
رقم العضوية : 3
الإقامة : kuwait
مواضيع : 772
الردود : 15974
مجموع المشاركات : 16,746
معدل التقييم : 25المستحيلة is on a distinguished road

المستحيلة غير متصل




والنعم ... وصح لسانه ..

توقيع : المستحيلة



الأعلى رد مع اقتباس
قديم 12 Oct 2005, 08:50 PM [ 4 ]
عضو متميز


تاريخ التسجيل : Mar 2005
رقم العضوية : 106
الإقامة : saudi arabia
مواضيع : 477
الردود : 33116
مجموع المشاركات : 33,593
معدل التقييم : 25عبدالله الشدادي is on a distinguished road

عبدالله الشدادي غير متصل




صح لسان ابن زيد قصيده

جزله وراااائعه وشكر لك

اخي على طرح القصيده


توقيع : عبدالله الشدادي

كان هنا
الأعلى رد مع اقتباس
قديم 14 Oct 2005, 04:02 PM [ 5 ]
مؤسس شبكة الشدادين


تاريخ التسجيل : Jan 2005
رقم العضوية : 1
الإقامة : saudi arabia
الهواية : رياضة + كمبيوتر وبس
مواضيع : 1511
الردود : 82066
مجموع المشاركات : 83,577
معدل التقييم : 4458السلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond reputeالسلطان has a reputation beyond repute

السلطان غير متصل


مـجـمـوع الأوسـمـة : 8
فعالية ضوء عدسة

فعالية طلباتك أوامر

شكر وتقدير

فعالية مجموعات المنتدى

يوميات الأعضاء

التميز في دورة الفوتوشوب

شكر وتقدير

أجمل خط 1434 هـ




والله ونعم الولد

والله اللي جابت أمه رجل

من بعد مشعل بن محماس يجي ثواب بن زيد

والله ونعم الرجال ربعنا الجياشة .... ودايم نفاخر بهم عساهم على القوة

وتسلم يمينك يا متعب على نقل القصيدة للمنتدى


توقيع : السلطان




الأعلى رد مع اقتباس
إضافة رد
الذين يشاهدون محتوى الموضوع الآن : 1 ( الأعضاء 0 والزوار 1)
 
المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة ثعاي الجياشي في ربعه الشدادين السيف المسلول فرسان الشدادين وبطولاتهم 8 24 Apr 2010 12:00 AM
قصيدة للشاعر : محمد بن ملهي الجياشي رحمه الله ( يالله إنك لاتعود العسكرية ) حنشل الجياشة قصائد مختارة 3 10 Jul 2009 08:56 PM
قصيدة للشاعر مشعل بن محماس الجياشي حنشل الجياشة قصائد مختارة 6 10 Dec 2008 05:10 PM
قصيدة "الشيخ رباح رحمه الله في محمد بن علي بن شاهر الجياشي " الذيب1 قصائد وأقوال في الشدادين 16 13 Feb 2008 10:13 PM
انا نواف الجياشي نوماس 2 الترحيب والتهاني 15 14 Jun 2006 03:08 PM
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

Loading
11:09 PM
Powered by vBulletin® developed by Tar3q.com

RSS For Network AlShdadeen official