الوقت يظهر لك عزوم الرياجيل

الوقت يظهر لك عزوم الرياجيل =لاصرت في دنياك تبغا تباري
اما تعدوا هقوتك في المقابيل =والاتخلو عنك في ضرف طاري
تسوقنا الايام سوق الفناجيل =في مجلس مافيه لشر طاري
اليا صفت الايام لاتامن الميل=وتكون قدم الوقت شخص انتحاري
لاتحسب ان لصدمت الوقت تعديل=من عادت الايام فينا تماري
وكان انكسر في الوقت خاطرك بالحيل =ترا صواديف الدهر ماتداري
نجر لاضاقت علينا المواويل =من سمعها جانا على الصوت ساري
وصوت النجر لادن بين المعاميل =يطرب لها منهو على الكيف ضاري
ويطرب لها راعي الشبب وافي الكيل =بعيد عن ازعاج البلد والبواري
وعن صحبة فيها حقوق ومعاديل=ولاخطيت مايدمح خطاي اعتذاري
يمزح معي احيان ويمون بالحيل=لاكن بعض احيان خلقة تجاري
وتضهر لك الايام روس المهابيل =مصلعه ماهيب تلقى مذاري

هلا والله بشاعرنا العزيز
أبو نايش
والله يحييك ويبيض وجهك على طيب حضورك
وجميل مشاركاتك وصح لسانك ملايين

صح السانك وعلاشأنك
اخوي فاتك
وطبت بخير
!!

صح لسانك ياشاعرنأ
ودايما مبدع ومتالق
الف شششكر على حضورك المميز ،

شاعرنا عايض

مبدع وجزل لاهنت

.



حياك الله شاعرنا فاتك حضوري صح الله لسانك و لاهنت

اشكركم على القصيد الجميل و المشاركة

عشت ولا هنت وسلمت ولا ندمت يا أبو نايش
صح لسانك واعتلى شانك وبيض الله وجهك