|
ههههههههههههههههه طارق وربي إنك خطير مأذون أنكحه بس طيب قول كلمتك ونصيحتك :)
|
اقتباس:
حياك ياإحساس ووقفتك مع عادل نرحب فيها :) اقتباس:
مايقدمون على هالشيء لأنه مو بالغصب فالكثير بالغالب مايستكثرونها بعوائل معينة .. اقتباس:
آباءهم تجار وتلاقي عيالهم يعتمدون على أنفسهم صح ممكن يساعده يعينه بس مايلغي شخصيته ويخليه يعتمد اعتماد جذري على أبوه أحياناً تلقى الأب بطران وولده يشتغل بوظيفة عاديه بس عشان يستقل بذاته هي عموماً ترجع ع التربية :) ومو بس التجار أحيان تلاقي لك واحد عاطل ومايبي يبحث عن أسباب الرزق ويعتمد ياعلى أبوه ياعلى أمه ويكون عاله ع الجميع بسبب عدم إرادة لتحقيق ذاته .. اقتباس:
يقدر على مهر وحفلات وشقة وأثاث ومصاريف مالها أول ولاتالي أنا ماشوف فيها شيء الأب يساعد ولده ع الأقل ع مهره خلاص مو هو تزوج وعنده عيال عادي يعطي ولده المهر لاصار بطران وإذا صار مو تاجر الله لايهينه يبيع من حلاله أو ياخذ دينه ع راتبه ماراح تنقص منه شيء ويعتبرها أجر وغنيمة أو صدقه لأقرب الناس له والولد بيعتمد ع نفسه بالشغلات الثانية .. اقتباس:
يدفعون هالمهر عادي فهنيه يقدر يناسبهم واللي يشوف نفسه والله مو قد مهور بنات هالعائلة من البداية مايقدم عليها هذا اللي قصدته وهالشيء لاصار متعارف عليه صدقني ياإحساس بيكون عند الكل عادي وطبيعي جداً لأنهم نشأو على هالشيء وصارت عادة لهم اقتباس:
بذمتك ياإحساس ممكن تنوجد بنت مثل الصحابيات أو ولد مثل الصحابة همهم بس الآخرة والزهد بالدنيا الحين كل شيء تغير حتى لو فيه قابلية للبنت لما تنظر لمجتمعها اللي حواليها وتخالفهم بشيء بتحس بالنقص ونظراتهم لها بتكون غير يعني لو بغت تتنازل عن المهر وقالت مابي إلا كذا بيقولون هذي ماصدقت على الله تعرس ولو فرضاً ماعليها من هالحكي وهي عايشه بمجتمع كله ترف سواء بلبس أو بنظام معين ضروري تكون نفس هالنظام وماتكون أقل بمعنى اللبس يحتاج ميزانية معينة لتواكب الموضة ومجتمعها وكذلك المستلزمات الأخرى يعني صعبه ماتلبس أو مايكون مظهرها يواكب اللي حواليها .. اقتباس:
أبوهن يقول للشيخ ريال وشيمة رجال والمعرس بنفسه هو اللي يعترض ويحدد المية أو المية والعشرين لاتقولون إني انهبلت بس وربي هذا الواقع يعني شبابنا يعرفون إن المهر كذا وإن الأب مايتشرط ويشتري الرجال لكن هم عارفين إن البنت لها مهر وإن مهرها غالي يعني المعروف مية ألف ولاقال الأب نشتري الرجال المعرس عارف الطبخة من أهله أو اخواته أو اخوات العروس اللي تزوجن يعني يعرفون بدون طلب أو شرط إن هالشيء مفروغ منه .. اقتباس:
ومثل ماقلت لك مافيه أصلاً اتفاقيات ع المهر وتحديد عند المملك كل الدعوة شيء تعارفوا عليه ونشأو على أساسه فماتفرق عندهم خلاص انرسم ببالهم إن المهر مية وعشرين ويتقبلونه غصب .. وبعدين أنا أتوقع حركات البيعة إذا صار الأب ياخذ من المهر شيء إحنا عندنا عيب الأب ياخذ من مهر بنته ريال المهر يكون للبنت لوحدها مية ألف مية وعشرين كلها لها هي من كيفها تعطي وبالغالب بس الأم تعطيها الأب ماياخذ شيء وبالأخييييييييييييير تعال عند أول شهر من الزواج تلاقي البنت معطيه الرجال الذهب ومتسلفه له فلوس عشان يشتري سيارة يعني يعطيها وياخذها بطريقه ثانيه ;) اقتباس:
اقتباس:
اقتباس:
لأنه مرحلة انتقال من حياة لحياة وشيء مسلم فيه وممكن يوفره لها شخص ماراح يعيّشها برغد بعد ماتنتقل من بيت أبوها له هو مجرد وسيلة لظهور الزوجة ببداية حياتها الزوجية بمظهر لائق خلال كم شهر ومن بعدها حتى لو إنها بنت أمير وخدم وحشم والدنيا ع كيفها ضروري تتأقلم على حياة جديدة بعيدة عن الماديات مهما كان ثراء من أخذت أو فقره لأن الحياة ماراح تقوم على فلوس حلاتها نعيشها بقناعة ورضا مهما كان المصير المهم يكون الزوج قادر على تسيير حياته بشكل طبيعي ومايحتاج أحد وحتى لو عاشت معاه على خبزة وماي بس يكون يقدرها ويحترمها ويحبها خير من حياتها بترف مع رجل مادي و ماعنده مشاعر .. اقتباس:
الأساس هو الرجل بمعنى أنا بالنسبة لي لو تقدم لي كذا شخص وأنا عارفه إن كلهم راح يدفعون لي مية وعشرين ألف باختلاف هالرجاجيل لكن كلهم بيقدرون يجيبون لي هالمهر بدون أصلاً ماأحدده لأن هالشيء متعارف عليه أوكيه ماراح أفكر بالمال أساساً لأنه النسبة لي حق مشروع ووسيلة مو أساس يعني ممكن ماأوافق على ولاواحد منهم لأن أخلاقهم مو عاجبتني أو لأنهم بس ثراء بدون عقل أو لإنهم مايناسبون ماأطمح له بختار واحد منهم وبوافق عليه مو عشانه يقدر يدفع لي هالمهر لا كلهم يقدرون الإختيار بيكون على أساسات كثيره دينه ,, أخلاقه ,, نسبه ,, ويكون متوظف لو حتى يكون راتبه 2500 المهم يكون شخص يعمل وغير عاطل والأهم يكون رجال مو حيّا الله والأساس الإرتياح النفسي لكيان هالشخص مو لمنصبه أو هيئته يعني لو بتكون النظرة عن الفلوس بقول لايقل راتبه عن عشر ألاف والدنيا غالية وكيف بعيش ومابي حياة فقر وصعب أتأقلم ومن هالحكي المهر لايعتبر نظرة ماديه بقدر ماهو شيء انوجد معنا وتعايشنا ع أساسه " شكراً إحساس ولاهنت بجد ماني قادرة أقتنع بوجهة نظرك لأنك أخذت الموضوع من ناحية غلاء مهور وبيعات وصفقات وهي بعيدة عن هالمنطق وعساني أكون وصلت فكرتي وماتفهمون غلط لأن صحيح فيه بيعات ومعروفة بدايتها شروط واستلام وقبض وإذا رفض المعرس يقولون ماعندنا بنت للزواج ظنتي هذا الشيء مايصير عند القبايل لأنه عيب وفضيحة على الأب ممكن عند الدول اللي ماتعرف السلوم " |
< هذي وهي ماردت إلا على إحساس راحت تشرب عصير برتقال ونشف حلقها "
<بنات وينكم بالله عليكم مخليني لوحدي أدافع وألاسن ترى تعبت هذا وعادل ماجاء توهقنا باللي فزعوا معه يالله ياصبايا تعالوا حدي لايغلبوني الرجاجيل باقي فيني كم قطرة دفاع الحقوا علي :) (( الموضوع مو لي بل هو للجميع نقاش متعدد وكل شخص يدخل يعتبر الموضوع له لأنه مجرد اقتباسات ردود تحتاج للرد وأي بنت تدخل تناقش وجة نظر الرجل وأي رجل يدخل يناقش وجهة نظر البنت ياإن الرجاجيل يحققون نظرتهم ورأيهم أو البنات يقنعون الرجاجيل بوجهة نظرهن)) |
اقتباس:
الكادية :shiny: ليتك ياحاتم تلاقي بنت بقيمة البقالة ترى لاخذيتها بالجملة بتكون 30000 ألف ماتتعداهم بس لاتاخذهم مفرّق :041: اقتباس:
أعوذ بالله وش هالفال الأقشر ياكسر ياابتلاء أذكر الله يارجال شوي شوي مو البنت اللي تحدد تسعيرتها وتطبعها ع ظهرها من ورى على رسلك يالحاتمي :marsa40: البنت مو ذنبها حرام تظلمونها ماعمري سمعت بنت تقول مهري كذا وكذا هذا الشيء انتهى من سنوات وعادات استفحلت فيهم وبعدين السبب الأول والأخير هم الرجاجيل يعني لو هم فعلاً مايقدرون يدفعون ويشوفونه مبلغ كبير ليه مايتصرفون ليه مايستغلون اجتماعات القبيلة ويحطون حد للمهور وغلاءها وربي لو يجون الشباب ويكلمون شيخ القبيلة ويقولون له ماعندنا امكانيات وضروري تنخفض قيمة مهور بنات جماعتنا كان مايلقون معارضه لامن البنات ولامن غيرهن لكن يجيك الشاب ويدق الصدر ويسوي نفسه وهيااااااط ع الآخر ولاقال أبو البنت المهر ريال وشيمة رجال دليل يعني جب اللي تقدر عليه وإحنا شارينك أنت مو المهر تلاقيه يحلف ع أبو البنت ويقول أكتب مية وعشرين ألف وماهي أقل من غيرها وهذا اللي ربينا عليه وعارفينه يعني الشاب متشبّع وعارف إن المهر بالقيمة الفلانية حتى لو قال أبوها غير ذلك يعني مافيه حل إلا تحديد المهور وخلهم يستاهلون دامهم ساكتين عن هالشيء ولاعارضوه دليل رضاهم يعني ماعندهم ألسنة يناقشون أمور جماعتهم وإلا بس هياط هذا بسبب رضا الرجل على واقعه المحتوم ويستاهل مايجيه دامه ساكت عن حقه المهضوم بيد سندريلا المستقبل :shiny: اقتباس:
اللهم آمين وينولك اللي ببالك وتكون قيمتها أرخص من البقالة :marsa40: وبتلاقي من ترضى بطريقة حياتك ومعيشتك وكثيرات ومثل ماقلت المهر مو دليل على عدم رضا بمعيشة الرجل المستقبلية بل هو حق وقتي ينتهي بصرف آخر ريال منه والرضا والإقتناع التام بوضع الزوج على أي حالة :) اقتباس:
ولاترفض ولكن كلا الرجل والمراءة على يقين تام بأن هالشيء متعارف عليه ومن حق المرأة وإذا على الدينه ياحاتم فيك فيك سواء خمسين ألف أو غيرها الله يعين كل شاب مقبل ع الزواج شكلنا بنصير مثل مصر لازم يحوّش الرجال فلوس عشان يقدر يعرس :) |
اقتباس:
اقتباس:
أغلى سعرها :nosweat: < بعدين معاكم إلا بتحشرونا وتخلونا نقتنع بالغصب :) حياك الله ياخوي وشكلي بروح في خبر كان إذا البنات ماجو وياي :tears: المهم ماعليك من الهزة العنيفة وتذبذب رأيي فماهي إلا قفزة للأمام :shiny: اقتباس:
بيعة بدون ماتقبض الثمن ؟ طبعاً مافيه وأتحدى أحد يقول فيه بيعة بدون ماتستلم فلوسها لك بمعنى الأب إذا ماأخذ من مهر البنت ولاحتى مية ريال مايكون باع بنته تكون هي اللي خذت المهر كامل البيع مثل ماهو معروف ياخذ الأب نص المهر أو ربعه أو حتى يستفيد من ورى بنته بأي شيء كذا أوكيه تعتبر بيعه غيرها مو بيعه يعتبر حق مشروع معتاد عليه عند بعض القبائل :) اقتباس:
ياعيباه إذا الأب ياخذ المهر مصيبة وكارثه وش دخله هو للبنت مو له وبعدين الرجاجيل ماينعرف لهم أوكيه أنت تزوجت ودفعت مهر جاي تتحسف بعد سنين اسمح لي ياخوي أي رجال يتزوج ولو حتى يدفع عشر ألاف ومو مقتنع بعروسته ومو مرتاح معها بيقول ياحسافة الفلوس عليك وإذا عاش بسعادة وأقتنع فيها وربي لو هو دافع ميتين ألف ولكن صار مبسوط وسعيد وأعجبته وربي بيقول يفداك راسي مو فلوسي وبس لأن السعادة والألفة والحب كنوز الدنيا ماتساوي شيء عندها والتعاسة وعدم الإرتياح والخنقه لوبتكون دافع مبلغ زهيد بتقول ليتني ماأقدمت أساساً مو وإلا أنا غلطانه :) الرجاجيل بالبند العريض مايعجبهم العجب ولاالصيام في رجب واحد من جماعتنا كان خاطب مطيرية من فخذ ثاني ومهورهن 50 ألف وبوقت الملكة يكون جايب المهر وياه على طبعهم يوم سلم أبو البنت المهر رجع له ثلاثين ألف وقال البنت تكفيها العشرين وهي موظفه ومو بحاجه تخيلوا اللي يبط الكبد إنه طلع منهم وقال والله شكل البنت دابله كبد أبوها أجل أعطيه خمسين ألف وهي مبلغ عادي جداً وأقل مايدفع من مهر ويرجع لي ثلاثين ألف وماأقتنع وتزوجها ومعه ولدين والحين خاطب وحده من جماعتنا يقول والله ماخسرت على عرسي الأول المهر ورجعولي أكثر من نصه وماتكلفت بشيء وربي جازاه خطب وحده مطلقه مامعها عيال ومهرها مية ألف لأنها جميلة وتقول أصلاً يحمد ربه إني رضيت أتزوجه ع حرمه وإلا أنا بلقى عزابي ياخذني دامي جميلة وأحسن حقه وماجاه أجل ربي ييسر له زواج بدون مايتخسّر فيه ويرفس النعمه ويعافها عشانها تنازلت له عن حقها إحنا عندنا المطلقة تتشرط بس اللي ماتزوجت قبل عيب تفاصل بالمهر وهم عارفين كم حدود كل بنت من زواجات اخواتها قبل أو قرايبها وصار شيء متعارف عليه .. اقتباس:
عند طغى بنات الكويت " (نقطة ليه تحاولون تقنعوننا إن البنت لاصار مهرها بسيط تكون سعيدة وإن كان مهرها عالي دليل تعاسة مو شرط ياكثر اللي معرسات ومهورهن عالية وعايشات أحسن عيشة وعندهن أحفاد بعد ولاأحد قال لهن مهوركم ومهوركم وياكثر اللي تزوجن بأقل من خمسين وعايشات بغثاء وتعاسة موشرط قيمة المهر تحدد سعادة الأشخاص أو تعاستهم لابكثر المهر ولابقلته قولوا نفسية الرجال هي اللي تحدد سعادته أو تحدد تعاسته وبموجبها ينقلب بيته لتعيس أو سعيد بسببه ) |
اقتباس:
ويخسى يصير رجال |
اقتباس:
حللللوه اللي جنب بيتنا بس كأنها اهانه ؟؟ البنت غصب انها تستسعر والمهر شي اساسي للبنت سواء كان 50000 او 200000 ع حسب ظروف الرجال بس احنا في البدايه يوم نقول سعر البنت وسعر البنت من باب الغشمره بس شكلكم خذيتوها جد وقلبتونا بضاعات (ماركات وتقليد ) احنا جايين ننقاش موضوع عادل يوم يقول آخذ مصريه او شاميه احسن من السعوديه وندفع المهر لها خساره (فيما معناه) يعني خير ان شاء الله يقلل من شأن البنت السعوديه يسب بنات ديرته ويفضل غيرهم وماتبونا نعارض هذا الشي والمشكله انه قوم الدنيا وقعدها وغطس ما ندري وين راح بالله اللي يعرفه يتصل عليه خلوه يجي يتفضل عندنا ^_^ نعلمه من هم بنات السعوديه :marsa40: |
اقتباس:
ابيض واسود ستوب ستوب ستوب وشو اذا زاد عن خمسين الف ابوها بايعها عسى ماشر ولو اني متزوجه وقالي زوجي نفس الكلام اللي فوق ان ابوي بايعني والله مايشوف رقعة وجهي بعد هذا اللي ناقص وابوها لو اني مكانه برجع له المهر كامل واخذ بنتي هذا اللي ناقص يتمنن علينا بفلوسه وغلاء المهور عند اكثر الاهالي سببه انتم ^_^ مثل ماقلت التجار هم اللي خلوا اكثر البنات يرفعون المهور كل البضاعات صارت غاليه ملابس خارجيه/ وملابس ... طوووط طوووط (وشف كل قطعه بكم اغلى من الملابس الخارجيه) عطورات/ فساتين/ ذهب/ شنط/ جزم الله يكرمكم/ مكاييج/ والكوفيرات/ والتعديلات اللي قبل الزوج حمام سونا، مساج ، و شسمه هذا اللي ...الخ اشياء كثيره وشف كل جلسه من التعديلات بكم لو تحسبها بتصك 20 او 15 الف هذي بس التعديلات روحوا تفاهموا مع الرياجيل اللي من نفس جنسكم وقولوا لهم لايرفعون الاسعار في هذيك الساعه اذا رفعوا البنات مهورهم تعالوا تكلموا :marsa40: |
اقتباس:
كما قال صلى الله عليه وسلم اقول لك " اقلهن مهورن اكثرهن بركة " ومو شرط تكون المهور الغالية سبب بالزواج السعيد بالعكس ياما ناس تزوجوا ببساطة وعايشين بسعادة و بركة و ألفة ما تتصورينها لكن و والقران و السنة نزلت و احامها و تشريعاتها و سننها صالحة لكل زمان و مكان لا احد يقولي زمان أول مو مثل الحين لأن هذا شي تقريبا كفري ان ننسب اي شي من القران و السنة بأنه غير صالح لهذا الزمان وقضية أنك تقولين أن ابو البنت يقول ريال وشيمة و بعدين الرجال يضرب صدره هذا سيناريوا متفق عليه علشان الأبو يخرج بالصور المطلوبة أمام الآخرين و أعطيك مثال اي شخص اقل من المتقدم يبي يتقدم حق أختها أول شي بيجي بباله أن المهر 120000 يعني مثل ما قلتي شي معروف عند الرجال الفلاني و المعرف لا يعرف يعني ما يحتاج ابو البنت يقول 120000 الف لأنه معرف من السابق وعلى قولتك أن حنا يالرجاجيل الي ساكتين على هالشي لا والله ما سكتنا و المهر عندنا 50000 متعارف عليه على قولتك وناس كثير ما يقدرون عليه يعني إذا واحد موظف راتبه ببداياته5000 ألف ريال لو فرضن أخذنا دينا وقصت نص الراتب وش أفضل للبنت تعيش مع رجل راتبه 5000 او تحول مصدر رزقهم الوحيد الى 2500 صراحة بهالنقطة انا مو مستعد اتزوج وحدة من بدايتها ما اهتمت بظروفي أنا ما انكر انكم ما تستاهلون مهور انتم تستاهلون ولو معنا أعطيناكم وما بنقصر سواء بالمرة الاولى أو على طول العمر مع الي بنتزوجهم لكن انا رجل عصامي حتى لو ابوي عنده و عنده ابي اتعب على الشي علشان احس بقيمة الحياة الزوجيه و هنا في نقطة بين اني اتعب على الشي واحصل عليه وبين اني اتعذب علشان احصل على ذلك الشي شتان بين الاثنين بلأولى بيكون عندي إحساس بقيمة الشي بالثانية بعاف الشي حتى لو كان ايش خلاصة القول ارجع واقول ان مهر بنت 120000 شي في ظلم للطرفين مستقبلا وليس حاضر ليش ما نبداء حياتنا حبة حبة مع بعض و نرقى بمستوانا المعيشي اكثر و اكثر مع مر السنين ليه من البداية ندمر اساساتنا بديون لا لها اول ولا تالي والدين على قولتهم يجر الدين وجهة نظر تعبر عن رأي شخصي ولا هو تحيز لكون عادل ذكر بيد انثى او من باب فزعة وبالأخير اريد سبب واحد منطقي وعقلاني يبرر أن الرجل لا بد أن يتكبد الكثير من العناء و التعب و الديون لأجل إكماله نص دينه يعني هو بلأخير مو الانثى مستفيدة من هالزواج بنفس قدر إستفادة الرجل ..؟ شكرا ترف :) |
بسم الله الرحمن الرحيم
الحمد لله رب العالمين وبه نستعين و الصلاة و السلام على اشرف الانبياء و المرسلين ,,,, وبعد أولا ,,, اعتذر عن هذا التاخير الخار ج عن ارادتي ,, و أشكر الأخت ترف على انشائها هذه المساحة الواسعة ثانيا ,, أشكر الأخوان و الأخوات على تفاعلهم وطرح وجهة نظرهم بطريقة رائعة وراقية جدا .. عتدما نتكلم عن غلاء المهور يجب ان نتكلم عن الواقع و المأمول و يجب نطرح وجهة نظرنا حسب ما نؤيده بينهما ,, ولا يكون كلامنا في إيجاد اعذار غير مقنعة لما هو موجود . لأن ليس كل موجود صحيح وليس كل صحيح موجود وهذا من طبيعة الكون . أنا هنا لا أتكلم عمن لديه القدرة العالية في دفع المهر مهما كان مبلغه او بمعنى آخر أن مبلغ المهر قد لا يؤثر على حياته الزوجية فيما بعد فإمكانيته المالية عالية فهذا يجب ان نخرجه من حسابتنا في هذا الموضوع وفي بقية الردود .. أنا اتكلم عن الفئة الكثيرة في مجتمعنا التي تحب تعتمد على نفسها وهم أصحاب الإمكانيات المالية الأقل و قد يضطرون إلى التدين من أكثر من مصدر أو إلى انتظار الشرهات ( الترفد ) في سبيل توفير المهر و إكمال نصف دينه و هذا مما لا شك فيه قد يؤثر بطريقة أو بأخرى على حياته الزوجية المستقبلية . دعونا نضرب مثال ,, شخص من الناس عمره 25 تخرج من الجامعة أو من دورة عسكرية برتبة جندي أو ما شابهها أو موظف في قطاع خاص براتب قليل لا يتجاوز 5000 ريال قد تزيد ألف أو تنقص ألف ,, وفكر في الزواج و من سوء حظه ان ينتمى إلى قبيلة مرموقة تتباهى بغلاء المهور لديها ,, أبيكم تعطوني أيسر الطرق اللي بإمكان هذا الشخص عملها من أجل توفير مية ألف اللي طلبها عمه من أجل تزوجيه بنته (( أو خلونا نقول أن عمه ما طلبها بس المتعارف فيه أنك تدفع هالمية ألف و انت ما تشوف الدرب حتى لو ما قالك شي أو لو قالك ريال وشيمة رجال لأنهم ممكن ينقدون عليك وتصير هرجة بين الناس !!!! )) و كذلك عطوني سيناريو بسيط للتكاليف اللي راح يتحملها و الوسائل اللي راح يتبعها هذا الشخص البسيط من أجل توفير المهر وبعد ذلك التفكير في تكملة بعض أمور الزواج من إعداد حفلة زواج و تأثيث شقة ولا يهون شهر العسل !!!! كذلك عطوني سيناريو بسيط لحالة هذا الشخص بعد زواجه و إلى متى راح يسدد في الديون وهل حياته راح تتأثر بذلك ..؟؟ عدة أسئلة ياليت ألقى لها اجوبة من الأعضاء سواء شباب او فتيات ,,, بالنسبة لرد اختي ألماسة الأخير في موضوع أخونا الأسد المقاتل ,, أقول : يجب علينا ألا نضع مقارنة بين آلة قد يميزها سعرها عن غيرها و بين الإنسان الذي كرمه الله عن غيره من بقية المخلوقات ,, و الآلة سواء السيارة او غيرها لها خصائص و مميزات و عيوب و كتالوج محدد لها لذلك يختلف سعرها عن غيرها و بذلك نفهم لماذا هي أغلى من غيرها من السيارات .. بينما الزوجة لا يحكم استمرار العلاقة بينها وبين الزوج كثرة المهر او قلته ,, إنما الأساس والحبل الوثيق هي المودة و الألفة والرحمة التي يغرس الله سبحانه و تعالى بينهما فهي التي تحدد استمرار العلاقة من عدمها ,,, ولو كان ضمان استمرار العلاقة بين الزوجين مرهونة بكثرة المهر فأنا إذن اطالب بغلاء المهور . بالنسبة لأختي ام الفزعات ,, فأنا أوافقها بأن المهر قد يرتفع في سبيل بعض الترقيعات و التحسينات ( ساونا ,, مكياج ) والتعديلات في الفتاة التي قد تصل إلى عشرين ألف >> ( مية - عشرين = ثمانين ) وهذا ما تفتقده البنات الشاميات << أنا ما قلت شي هي اللي قالت بعظمة لسانها لذلك مالي شغل بهالنقطة و اعارضها في نقطة انها انكرت على اخوي أبيض و اسود في كلمة ( سعر ) والله يهديها رجعت تناقض نفسها و تشبه مهر الفتاة بالسلعة اللي ترتفع مع ارتفاع العقار و الحديد والرز !!!! مشكورين مجددا بإذن الله بكون متواجد متى ما سنحت الفرصة |
| 01:56 PM |
Powered by vBulletin® developed by Tar3q.com