|
بيض الله وجهك يا أبو عبيد وما قصرت
وأنت راع الأوله وعطنا وعطنا وعطنا يالذيب ترى عندك الكثير ولا تنسى قصيد الشيخ سراحان بن عاضه رحمه الله وحنا متابعينك ولا تطول علينا |
هلا والله بالجميع
وهلا يابو زايد بالنسبه لقصيد سراحان كثير لكن انا مافي يدي منه الا قصيده وحده لكن ما اقدر انزلها ف المنتدى لانها تتكلم عن موضوع المفروض ننساه مانذكره لكن ان شالله ببحث عن الكثير من القصايد ولا تشيل هم راح يمتلي المنتدى من قصايد الاولين |
الله يعطيك العافيه يا عيد
على هذا الإهتمام بهاذا المأروث الثمين وبيض الله وجهك . . أخوك / فارس بن عايض |
واصل يا أبو عبيد واصل
المشوار طويل قدامك والله يطول عمرك نحن في الانتظار فلا تتأخر علينا |
بصراحه موضوع يستحق المتابعه الله يقويك أخوي الغربي موضوع متميز :) |
أبطيت علينا يا أبو عبيد الله يحفظك!!
ترى هذا الموضوع مهم وتراه متابع من الكثير ولا تبطي يالذيب وخذ هذي مجموعة من القصائد عشان ننشطك وأنت ما تقصر يابن العم الشيخ الشاعر حنيف بن مبارك بن مهرس رحمه الله قال هذه القصيدة على لسان أبنه فواز وهي موجهه لخواله الروقه من عتيبه وفيها يذكر بعض من شيوخ قبيلة ابن الحارث:
يالله ياللي مـن ترجـاك مـا خـاف=رب الحرم والبيـت عجـل ٍ ثوابـه سلم خوالـي مرذيـة كـل موجـاف=لو كـان فـي يـوم ٍ تقطـع سرابـه الاد روق متيهـة كــل مـزغـاف=نزالـت القفـر الخطـر مـا تهابـه عنوا ودنوا وأعتلـوا كـل موجـاف=واوموا كما شعف ٍ تصافـق سحابـه على المهار اللي عديمات الأوصـاف=والكل منهم فـاد مـا أخطـا شبابـه ولا يا طلق ذكرتني كـل الأوصـاف=ذكـّرت قلـب اللـي كثيـر ٍ عذابـه وقامت تشـالاه الروابـع بمخطـاف=مخلاب ٍ حر ٍ وانصرم مـن هضابـه حنا الشلاوى يوم عاسـف وعسّـاف=نرذي الحرار اللـي دقـاق ٍ رقابـه في راي ابن مهرس وللعلـم نكـاف=ينشـد شبابـه جاهـل ٍ مـا درابـه ومن غيره ابن حريش سواق الاعطاف=وابن مهلـج شيـخ معطـب صوابـه وان قلت ابن عايش عقيـد ٍ وحـواف=شيخ ٍ علـى القـالات تشبـع ذيابـه ومقبول ابن هريـس مانـي بزهـاف=لـه دلـيـم الـطـر روّح ركـابـه في سـد ضلـع ٍ للأقاذيـل ينشـاف=ضلـع البقـوم موسعيـن ٍ جنـابـه |
بيض الله وجهك يافيصل
واتمنى الاخوان مساعدتنا في جمع قصايد ابانا واجدادنا انتظرني يابو زايد |
قصيده لشاعر الكبير عبيد بن سلطان الشدادي
مهداه إلى الشيخ سلطان بن فهيد الشدادي لوقوفه مع جماعته في موقف لن ينسونه كل القبيله الشاعر عبيد بن سلطان له قصايد كثيره مشى بها مع قبيلته الشدادين وشيخهم ابن مهرس عند توجههم إلى قبايل اخرى
يالله بامطلـوب ياقاضـي الشـان=ياللي رفعت نجومها مـع قمرهـا تفرج لمن يازن كلامـه بميـزان=صخرت لي قيفانٍ محـدً صخرهـا البيض ننشرها لابو علي سلطـان=اللي وطا بالرجـل غبـت بحرهـا داس الأفاعي لين مضمونها بـان=من دون ربعـه وقفتـه ماذخرهـا أنا أشهد أنه من طويلين الإيمـان=ذوي فهيد اللي ينومـس خبرهـا من لابتن يوم المواقـف شجعـان=والناس يابوعلـي تحمـي ديرهـا سلطان يابن فهيد ياطير حـوران=ابوعلي صك العـدا فـي نحرهـا والله ياليل السبت ممسيت سهران=وعيوننا طـول عليهـا سهرهـا أشوفلي في الناس راضي وغضبان=وأهل الحسد ياليت ربـي دمرهـا جتنا فزاع القوم من كل الأوطـان=وابشـرك وأقـول ربـي عثرهـا تكفون ياربعي عمـى كـل ديـان=وفعولكـم بالطيـب كـل ذكـرهـا تحزمو من دون غاليـة الأثمـان=ولا تسمعون إللي ضعافاً شورهـا ونسمع لنا في الهرج زايد ونقصان=وعيونكـم خلّـو بعيـداً نظرهـا وقفاتكم ماتنسـى طـول الأزمـان=طول السنين أيامها مـع شهرهـا وصـلاة ربـي عـد ماهـل ودان=على شفيع الخلـق سيـد بشرهـا |
هذه القصيدة للشاعر بسيس بن سفر بن حديّد الشدادي رحمه الله موجها لأبو فوزي عيد بن مسلط الشدادي:
الله على صالون شد الوكاله = راعيه جابه عن طريق الأمارات وإن ركبه السوّاق ميّل عقاله = وفي داخل البيبان ريح الخواجات سواقه اللي ضاري ٍ بالشكاله = يمشي بأدب ما كسّره بالمطبات ومن يشتري الصالون يرتاح باله= ماهوب مثل الددسن أم الحنيات يا عبيد بن سلطان ود الرساله = حتى تسلمها مدير الجوازات عطه الكتاب وقلنا كيف حاله = ومني لأبو فوزي سلام وتحيات الشاعر اللي ما ندوّر بداله = هديته من عندنا عشرة أبيات كم من سجين ٍ يطلقه بالكفاله = يشهد له الله ما يبا له شهادات سلم ديه لعجير من حر ماله = وأطلق سراح ابنه وصارت سلامات يوم ان بعض الناس تقصر حباله = حبال أبو فوزي جداد وطويلات سعد الرفيق أليا عناله وجاله = قول ٍ على فعل ٍ وماهي خرافات نعم ٍ بأبوه ومتعبينه خواله = ماهوب خبل ٍ ضاري ٍ بالتلفات ومن لا تجمل حي عزي لحاله = ولا عاد ابا نفعت رفيقي ليا مات واللاش ما تعطي يمينه شماله = وأليا لفاه الضيف ما يذبح الشات ونبا الغداء في الطلحه أم الظلاله = اللي ورى قهوة محمد وصنات ونذبح طلي ونحط نصه فواله = والعصر تاخذ لك مع البدو جولات والبارحة في الليل سجلت حاله = حاله تجي وتروح في بعض الاوقات يا عيد أنا شايب وابا لي زماله = ودي بها واللي على البال ما جات ان رحت للدلال يبغا دلاله = وان جيت راع المال يبغا قريشات وتغرنا يا عيد بعض الزواله = وغالي الثمن ما ناجده في البقالات والناس مدّاحه لمن زان فاله = ومن شان فاله عرضوه التشمات وصلاة ربي عد منشاء خياله = وعد الحجيج اللي وقف في عرفات على النبي اللي مشى بالعداله = راع الشفاعة عند رب السماوات |
هذه القصيدة للشاعر محماس بن سعد بن بعيصيص الشدادي رحمه الله عندما كان والده سعد رحمه الله في المستشفى وهو كان عسكري وكان قائد النقليات ذلك الوقت الشيخ العميد/ صايل بن شرار بن مهرس وكان الشيخ صايل بن مهرس مرخص للشاعر محماس لزيارة والده وقال هذه القصيدة:
يامل قلب ٍ فيـه ساهـج ومسهـوج=مع البلـد ضيـّع نظـام الأشـاره امشي مع الأسياب مكثر بها الـدوج=مستعجـل ٍ ودي بفتـح الـزيـاره وليا فتحت الباب هرجـت بهـروج=وأليـاه ما يعـرف بليـل ونـهـاره وليا نبه نظـرت والبـال مفـروج=ينشد يقول انته مسكـت الخفـاره قلت له انا مرخوص من قائد الفوج=مرخوص أنا يابوي من أخوان ساره عيال عـود ٍ ما يسبـه يقـع عـوج=أنا اشهد انه قادمـاً فـي الامـاره إمارة ٍ ماهـي بختم ٍ لـه دروج=عقيـد قوم ٍ ناجبيـنـه نـمـاره وأليا نزل خلف الركايب عطـى روج=بمسلب ٍ بيـداه يقـدح شــراره ابوي حلاَل النشايب وهـن عـوج=سعد الرفيق وسِعـد ربعـه وجـاره |
| 02:27 AM |
Powered by vBulletin® developed by Tar3q.com