|
صفحة الشيخ / عايض بن شجاع الشدادي رحمه الله
|
بسم الله الرحمن الرحيم السلام عليكم ورحمة الله وبركاته ,, نقدم لكم مختصر عن سيرة الشاعر الشيخ / عايض بن شجاع بن سالم الشدادي الحارثي وعن بعض من قصائده ونسأل الله أن تحوز على رضاكم . سيرته : الشاعر الشيخ /عايض ابن شجاع سالم الشدادي رحمه الله هو علم من اعلام القبيله وشاعر كبير ومن بيت شعر وله دواوين مسموعه وكذلك بعض القصائد المكتوبه وقد عاصر فحول الشعراء والادباء في بداية نهضة المملكه العربيه السعوديه امثال الامير محمد الاحمد السديري والامير سعد الناصر السديري وابن بليهد ومنديل الفهيد وعبد الله بن خميس وإبراهيم اليوسف وبدر الحويفي ومحمد الخس وهو من أوصل أشعار القبيلة إلى هؤلاء الأدباء وقد اخذ عنه حمد الجاسر رحمه الله في انساب بني الحارث وله بعد الله الفضل في تدوين القصص والغزوات والأشعار التي تخص قبيلة بني الحارث وكذلك معروف بوجاهته وسمعته الطيبه عند مشايخ و ادباء الخليج في منتصف القرن العشرون . ولد الشيخ / عايض بن شجاع بن سالم الشدادي الحارثي (رحمه الله) في محافظة الطائف عام 1357 هـ ونشاء الشيخ في ظل والديه وتربا على الأخلاق العاليه والشجاعة وكان مضرب مثل في الكرم حيث أن بيته كان من أكبر بيوت الشعر في عصره وكان من هوايات الشيخ الصقاره والصيد . مجموعةٍ من قصائده : هذه مساجله بينه وبين الشاعر / مرشد بن سعد البذالي . وتردد هذه المساجله في مجموعة من المنتديات ومن ضمنها منتدانا ولكن بإخطاء كثير , وهاهي الان لكم من لسان الشاعر نقلتها لكم . يسرح صلاة الصبح والنور ما أنفج = على وداع الليل والصبح منباج واليا عطا مع جرهد القاع الابلج = هبط عليه ورص رجلة إلى الصاج مايمكنه شوفك إليا ثور العج = لمحة بصر دوبك تشوفه إليا لاج يقطع مثاني منحنى الدرب الأعوج = يروج روجات النداوي إليا راج ماعمر سواقه على النوم هملج = ماهوب من خطو الرياجيل دلباج مايسمعك لو صحت له كنه أصنج = في خاطره من نازح البعد وهاج قلبه عن أيسر مطلع الشمس ما سج = والجدي حطه بيسره متن وإحجاج وإليا قطعتوا مطمنن فيه عرفج = تظهر لكم مدنِ على حد الأمواج تلفون بيتٍ من لفا به تبرهج = بيتٍ يقدم فيه خرفان ونعاج دايم وبابه للمسايير منهج = وسوالفن يطرب لها كل هراج ردوا سلامي عد من للحرم حج = وعداد ماتمشي طوابير وأفواج اللي كتبته داخل الخط مدرج = مكتوب في خطٍ طوي طي ديباج عن شور مرشد ما أسمتع هرج من لج = أغديه يالقالي عن الهم مخراج أنا بقيت من الهواجيس محرج = الناس بارت والدهر يحرج إحراج وقتٍ يخلي طيب النفس مزعج = مما يشوف ويسمعه من هالأزعاج قالوا لي أصبر والشدايد تفرج = كلن يقول الصبر تاليه الأفراج الصبر زين وكل مشكل يعالج = لو إن همك كبر أبانات وسواج واللي يقاسي بيض الأيام يفلج = طول الزمان لقاسي الراس فلاج قلت أفتهم ما مقصدي هرج وحجج = الأمر لله و المعرفه لها تاج أنا ما أنصي كلمتي خطو الأهمج = الاُ اللذي من رفقته ربح وإنتاج هرجٍ مع الجاهل على ويش يهرج = وهرج مع أهل المعرفه نور وعلاج رد الشاعر / مرشد بن سعد البذالي بهذه القصيدة البارحه ذهني بالأفكار ملتج = من العشاء لين أسفر الفجر لعاج أهوم من زود الولع وأتنهج = أونست في صدري من الهم وهاج والطرس من سطوات الأقلام يحتج = يحتج من ضغط البناني والأسراج ياللي بذربات المعاني تلهج = أسمع جواب اللي صعد عسر الأدراج أبيات مافيها كلامٍ معروج = ماصاب كاتبها عن الوزن سوهاج قم يا نديبي فوق زين المدرج = فرتٍ لعسرات المطاليع دهاج يا زين مسراحه مع الحزم الأرتج = مع سهلةٍ فيها من المرو رتاج من الكويت أسرح وممشاك مفرج = نفدٍ صحاصيحٍ بها خط مطناج والصبح مع لغف النفود إيتدهج = ظهر بعزمه ما طلع حدره الصاج إليا من ويلك بأخر العرق عجعج = وام الجماجم عنك يسرى بالأهباج أبتل ترى ذهنك عن الوصف ما سج = وأضن طيارات للويل مدهاج لا شفت خشم الغاط من بعد حجج = إنشد اليا طالعت بالقاع دواج عساك تلقى الوصف من خطو الأبلج = له مع عرب عايض معرفه ومنهاج يقول شوف ديوان عايض مبرهج = مشرعن ماصك قفله بمزلاج تلقاه في صف الدلال أيتزعج = حرص على رد الرساله بالأرواج سلم عليه وقل ترى الوفد ما دج = لايستوي في خاطره شك وإحناج قله ترى صاحبك بالحمل دفلج = لو إن وزنه ثقل ضلعان الأفلاج |
اخوي السلطان
لاهنت يالغالي على هذا المجهود الطيب ابو شجاع غالي على الجميع فهم صاحب القصايد الجزله وانا اتذكر له قصيده اسندها لشاعر الكبير / مرشد البذالي رحمة الله عليهم جميعٍ ياهل الونيت اللي يسـج الوطـا سـج=تـوه جديـد لابعـد البعـد سـجـاج يسرح صلاة الصبح والنور ما انفـج=علـى وداع الليـل والصبـح منبـاج واليا عطا مع جرهـد القـاع الابلـج=غطط عليه ورص رجلة الـى الصـاج مايمكنـه شوفـك اليـا ثـور العـج=لمحة بصر دوبـك تشوفـه اليـا لاج يقطع مثاليلن هـل الـدرب الاعـوج=يـروج روجـات النـداوي اليـا راج ماعمر سواقـه علـى النـوم هولـج=ماهوب من خطـو الرياجيـل دلبـاج مايسمعك لـو صحت له كنه اصنج=في خاطره مـن نـازح البعـد وهـاج واليا قطعتـوا مطمنـن فيـه عرفـج=تبغوالكم مـزن علـى حـد الامـواج تبغون بيـت مـن لفـا بـه تبرهـج=بيـت يقـدم فيـه خرفـان ونـعـاج دايـم وبـابـه للمسايـيـر منـفـج=وسوالفـن يطـرب لهـا كـل هـراج ردوا سلامي عـد مـن للحـرم حـج=وعـداد ماتمشـي طوابيـر وافـواج اللـي كتبتـه داخـل الخـط مــدرج=مكتوب في خـط طـوي طـي ديبـاج عن شور مرشد ما اسمتع شور من لج=اغليه يالقالـي عـن الهـم مخـراج انـا بقيـت مـن السوالـف محـرج=الناس بارت والدهـر يحـرج احـراج وقت يخلـي طيـب النفـس مزعـج=مما يشوف ويسمعه مـن هالازعـاج قالوا لـي اصبـر والشدايـد تفـرج=كلن يقـول الصبـر تاليـه الافـراج الصبـر زيـن وكـل مشكـل يعالـج=لو ان همـك كبـر ابانـات وسـواج واللي يقاسـي بيـض الايـام يفلـج=طول الزمان يقاسـي الـراس فـلاج قلت افتهم مامقصـدي هـرج وحجـج=الامــر معـرفـه لـهــا تـــاج انا ما انصيٌ كلمتـي خطـو الاهمـج=الاُ اللذي مـن رفقتـه ربـح وانتـاج هرج مع الجاهل علـى ويـش يهـرج=وهرج مع اهل المعرفه نـور وعـلاج وقد رد عليه الشاعر الكويتي مرشد البذالي بهذه القصيده البارحه ذهني بالافكـار مـا انتـج=من العشا لين اسفر الفجـر لعـاج اهـوم مـن زود الولـع واتنهـجا=ونست في صدري من الهم وهـاج والطرش من سطوات الاقلام يحتـج=يحتج من ضرب البناني والاسـراج ياللـي بدربـات المعانـي تلـهـج=اسمع جواب اللي صعد عسر الادراج ابيـات مافيهـا كــلام مـعـروج=ماصاغ كاتبها عن الوزن سوهـاج قم يا نديبي فـوق جـول المـدرج=فـرت لعسـرات المطاليـع دهـاج يا زين مسراحه مع الحزم الارتـج=مع شلعة فيها مـن المـرو رتـاج من الكويت اسرح وممشاك مفـرج=بيد صحاصيـح معـا خـط مطنـاج والصبح مع لغف النفـود ايتدهـج=وظهرأ معزبه ماصعن حدره الصـاج اليا من نورك بآخر العرق عجعـج=وام الجماجم عنك يسـرى بالآفـاج عساك تلقى الوصف معا خطو الابلج=له مع عرب عايض معرفه ومنهـاج لا شفت خشم الغاط ابـه ايتحجـج=انشـد اليـا طالعـت تلـقـاه دواج وتشوف ديـوان عايـض مبرهـج=مشرعٍ ماصـك قفلـه بمـزلاج تلقاه فـي صـف الـدلال ايتزعـج=حرص على ضبط الرساله بالارواج سلم عليه وقل ترى الوقـت مـا دج=لايستوي في خاطره شـك وحـلاج قله ترى صاحبـك بالحمـل دلفـج=لو ان وزني ثقل ضلعـان الافـلاج |
ولهُ أيضاً من الدُرر النادرة
أنا سود الليالي علمتني = عرفنا الميل منها والعدالي مشيت بدربها لين تبعتني = وجربت الدهر مرٍ وحالي أعاملها بطيب وعاكستني = مبانيها على جرفٍ هيالي سنت حبل الشدايد فوق متني = مثل سني الرشا فوق المحالي خذة لبس الجمال و وافقتني = تزين وأكملت لبس الجمالي أنا أحسبها صدوق و وهقتني = وأثرها كل يوم إلها عيالي من المّي المغثرب قد سقتني = ونوبٍ شربنا صافٍ زلالي أنا كان الليالي طاوعتني = نزلنا في الطويلات العوالي لاشك إن كان عن رايي عصتني = صبرنا وأرتكانا للحمالي لحّر الشمس بالقيظ إحددتني = لاشك الله فزعلي بالضلالي تحسب إني بخاف وهددتني = وأنا لي خالقٍ يلطف بحالي عن الانذال جمله حذرتني = تقول عن الردى تلقا البدالي وعلى شخوص القبايل ودعتني = تقول أحرص بماضين الفعالي أنا قد بعتها مير أشترتني = ورضيت السوم يوم السوق غالي وأبا أرخصها إن كان أرخصتني = على أول سوم لو إنه ريالي أبا أسبقها ولكن سبقتني = خذة عنتر وأبو زيد الهلالي وردت من المضامي وأطردتني = سقتني من غزير الجم تالي وفعلت بها الجمايل وأنكرتني = مبادي قولها يا هملالي من أهل الغي والمكر نصرتني = وسمحت لها وزال الغيض زالي وسلامتكم |
وله أيضاً من الشوامخ
بديت بالخلاق قبل أتكلم = أشكي عليه مصيبتي وأستعينه عساه يفرجها لنا فارج الهم = إلي له المخلوق يرفع يدينه إلي عن أسرار المخاليق يعلم = رب العباد إلي حباله متينه سامع دبيب النمل بالليل الأظلم = المقتدر مجري بنوح السفينه إلي يطوف بكعبته كل مسلم = ويفرح ليا زار الحرم والمدينه وإلي تكل رزقه على الناس يندم = أخطاء وضيع منتهاه ويقينه الناس ما تنفعك لو هم بني عم = وصيحتك قدام الأراذل غبينه كم من صبياً بالمراجل تقدم = اليوم كل إلي فعل منكرينه حزام الرقيق إذا أرتخا كل محزم = تجاهلو فعله وهم خابرينه ناسٍ تجازي فاعل الطيب بالذم = الله يجزاهم بفرقا الضعينه بحق أية الكرسي وطاها ومريم = وجاه الذي ما يدخل النوم عينه أرزاقنا عند العظيم المعظم = ما هي بمن عند الوجيه المتينه رب السماء رب الوطا لا ومر تم = يوم القيامة قبضته في يمينه أحصى البحر والبر و أنشاء به أمم = والكل منهم له كلام ورطينه رب الخليل إلي مقامه بزمزم = إلي بنا هاك الركون الأمينه رب الفلق رب الصمد مجري الدم = إلي جميع الخلق بين أصبعينه يا خالقٍ المولود من نطفه و دم = يحس بالهرجه وهو بربعينه رب العرب رب النصارى و الأعجم = جميع ما يشهى البشر هو ومينه يا باسطٍ بالدار خيرات ونّعم = يا عالمٍ بالسر زينه وشينه سبحان من بيديه الأرزاق تقسم = يوصل ويقطع عالياتٍ يدينه يا رب عيسى رب هارون وأدم = إلي عصم يعقوب وأكمل يقينه رجعت له يوسف سليمٍ مسّلم = من بعد ما أبيضت من الحزن عينه يا مخرجٍ يونس من البحر الأظلم = من بطن حوتِ ما درى عنه وينه يا مهلكٍ من شيت بالريح واليم = ويا مفرقٍ فرعون مع مشركينه جتهم عصاء موسى حنيشٍ لها فم = وقضت على سحرٍ لهم صانعينه وخاب العنيد إلي بالأوهام يزعم = ومن أعترف بالله رجع له بحينه إلي كتابه في شماله يحاكم = ويفوز من صار الكتاب بيمينه يا لله يا رب المكلم و الأبكم = أنت الذي تعلم خفي الضغينه يارب تغفر لي ذنوبي وترحم = جميع مجهد في صلاته ودينه وختام قولي عد من زار و أحرم = صلوا على المبعوث ومجاورينه وسلامتكم |
وله أيضاً من الحّكم النادرة
ما كل من قال لك قولٍ على صح = كم كلمةٍ تهرج على غير روحي ولا كل من تبدي له النصح ينصح = ولا كل من جاب النصيحه نصوحي ولا اكل من تبذل له الجهد يسمح = ولا كل من يطري السموحه سموحي ولا كل من حاول طريقٍ بينجح = كم مرةٍ يصعب عليه النجوحي ولا كل فايت بالمعاليق يجرح = بعض الفوايت منه تبرى الجروحي ولا كل من يعرض على النفس يصلح = ولا كل نفسٍ للمعالي طموحي ولا كل من حاول على الذبح يذبح = به ساعةٍ يذبح خطاة الذبوحي ولا كل شرايٍ وبياع يربح = كم مرةٍ عنه المرابح تزوحي ولا كل مداحٍ على الحق يمدح = ولا كل وأحد يستحق المدوحي ولا كل من يقدر على الطرح يطرح = لابد يظهر للمطارح طروحي ولا كل منهو يشتهي المزح يمزح = وأنا لزلات الرفاقه دموحي ولا كل وأحد للقرابات يدمح = ولا كل مزاحٍ يعرف المزوحي ولا كل صياد ٍليا راد يسرح = يمكن يفوتنه قنوصٍ سروحي الصيد عن دربه يولي وينزح = ويبقى يطرد له حمامٍ بدوحي يرجع تقلبه الهواجيس ما أمرح = وأما الحمام بروس دوحه ينوحي ولا يكسب الطولات والمال من شح = الموت ما جنب خطاة الشحوحي كم واحدٍ غره سرابٍ بصحصح = سراب قيضٍ بالمهامه يلوحي كم واحدٍ في غبت الموج يسبح = وقت العواصف ما يفيد السبوحي كم واحدٍ في غمرة الجهل يمرح = سود الليالي يطوعن المروحي الطيب واجد والردى غيره أرجح = من كثر خلان الردى به رجوحي وإن مال وقتك وإنهزع لا توحوح = لك خالقٍ ينظر و يقدر ويوحي أصبر ولابد الموازين ترجح = الخير يقبل والندامه تروحي لا بد كل إنأٍ بما فيه ينضح = كلٍ إناه بحسب رايه نضوحي قلته وأنا ما أحب أطول ولا أشرح = لو نكمل المعنى تطول الشروحي إيضاء وأنا من عرض من شاف وأفلح = بعض المكاسب ما تجيبه شبوحي وسلامتكم |
وله أيضاً
قال الذي بالقول يذكر ما طرى = يختار له معنى مثل لقط المحار يقول في حسب التجارب ما يرى = الفرق بين الطايلات عن القصار إلي بتجريب الدهر باع وشرى = التبر ما يوصف على صم الحجار الناس من غيري صيارف وخبرى = لا شك أنا بذكر من الواقع قرار أنا لقيت الهون والطيب قصرى = مير إن بعض الناس ما يبغى الخيار يا بعد ضلع كميت عن طلعة كرى = الفرق بيّن مثل ليلٍ عن نهار يومٍ بعض الناس حي ولا درى = ما يفهم الحاضر ولا إلي قبل صار ما يخبرك عن وقته إلي قد جرى = يرجع ورى والوقت في مجراه مار يشبه لمن بالليلة الظلمى سرى = معبرٍ وقته على عيش الدبار أنا أعرف الرجال لو هو ما قرى = أعرف عنه لو كان بأسمٍ مستعار إلي يخلي المرجله قصده زرى = الناس تقبل منه تقديم العذار أما الذي يضرب على الشين جهرى = أحذرك عن درب شرواه الحذار عسى شجرةٍ ما يحصل به ذرى = تقطع ولا يبقاء لها حتى المدار يا رجل وين المعرفه ياهل ترى = ترضى بعد هاك المراقي بأنحدار أنا أعرف إن الناس للناس نظرى = لاشك ضني في كثير الناس حار يالله ياعلام ما تحت الثرى = وبالليل تسمع مشيت النمل الصغار تفزع لمن هو للفزع منك أحترى = في يوم ما تفزع يميني لليسار الرجل ما بينه وبين الله ذرى = سبحان علم السراير والأجهار وحده وهو ماله شريكٍ و وزرى = خالق جميع الخلق قباض العمار وسلامتكم |
وإليكم عقداً من جواهر الحكم العديمة ما كل من قال المثايل فعلها = ولا كل من شال التفق صار تفاق ولا تنبدي الشكوى على غير أهلها = ولا ينزرع زرعٍ على شال مطراق ولا كل من عمر بيوتٍ نزلها = ولا كل طيرٍ لأبرق الريش لحاق ولا كل من هام المراجل فتلها = ولا كل من شد الدركسون سواق وجبالها ماهي بتشبه سهلها = ولا كل سيفٍ بالمحاظير فتاق ولا تستوي عقبانها مع حجلها = ولا كل رجالٍ على الطيب مشفاق وشخوص القبايل ما تساوي سفلها = ما بين جمع صفوفهم شت وأفراق ولا يشبع الحنضل لصافي عسلها = والرمث ما يصلح على الهجن معلاق والذيب ما يصلح يخاوي ثعلها = ولا كل من يحكي لك القيل صداق ولأحدٍ يميت النفس قدام أجلها = نفس الفتى والرزق في كف خلاق والناس دايم ما تخلي جدلها = والكامل الله والمراجل بالأوفاق دنياك ما يدريبها إلي جهلها = وإلي مجربها للأمرار قد ذاق دايم على العربان يدرج عجلها = مرٍ عدال ومر فيها تصلفاق والنفس عالجها بحزة زعلها = بصبرٍ على الشده وتحسين الأخلاق وأطلب من المعبود يصلح عملها = في ساعةٍ لألتفت الساق بالساق وصلاة ربي عد مأمطر هللها = على نبياً عد ما لاح براق وسلامتكم |
وله في الرفاقة
يا عنك ما كل الرفاقه رفاقه = لو كان قالوا لك ترانا بني عم ترى الرفيق إلي يشيل الوساقه = وإن قلت ذا درب السنع قال لك تم رفيقي الواقف على عظم ساقه = إلي يصوب الصوب قبل أتكلم هذا الرفيق إلي بملك الصداقه = لو هو من الصيعر وهمام و وهم وإلا الردي يظهر رداه ونفاقه = ماله ضمير ولا ملازيم تلزم إن زاد ماله شال كل الحماقه = وإن قل مالك حملك جملة الهم العفن إذا أمّنته على السر باقه = مار إنتبه لا عن خفاياك يعلم أدنات ما خرب مزاجه وعاقه = يكفيك شوف العين والخافي أعظم أبعد عنه ما دام تقوى فراقه = تراه دايم جمع الأنذال يهزم ناسِ يحطون الرذاله عشاقه = ولا حسبوا للطيب والمدح والذم يا عنك ما حطيت معهم علاقه = وإلي قنص بالبوم والتبع يندم البيت ما يصلح بليا رواقه = والثوب ما يصلح لباسه بلا كم الرجل تنفع قومته وإنطلاقه = يعطيك أشارات الوفاء في المقدم شوفه عزيز وشوفتك له شفاقه = وإن جاك من ظيم الزمن ظيم ساهم رفقت وفاء ما هي برفقت ملاقه = قرماً لحزات الصعوبات سلم أوصيبه أهل الفهم وأهل الخذاقه = وألا القلوب العمي ما تنتعلم ولأحدٍ ومن وقته عن الاصطفاقه = كم وأحدٍ عقب الحلا جرع السم وكم وأحدِ منها تثالع فلاقه = وكم من مباني شامخاتٍ تهدم منها يجوز العبد يطلب عتاقه = من من يحل الكود ويفرج الهم يا رب ما للعبد قدره وطاقه = إلا بفظلك يالعظيم المعظم وسلامتكم |
هذه القصيدة للشاعر الشيخ عايض بن شجاع الشدادي ويوصي بها أخوه معيض بن شجاع رحمهم الله جميعاً يا معيض ابا اهديك النصيحة واودعك=اسمـع كلامـي كـان قلبـك تكانـه حاذور خـلان الرخـاء لا تضيعـك=والرجل يفطن في مشـورة اخوانـه إن قلت لك هرج ٍ ترى الناس تسمعك=ترى الرجل يا معيض قفلـه لسانـه لا تتبـع الخايـب لـو أنـه يتابعـك=يطرحك من مرقـا العـلا للطمانـه وإليا جهلت الناس طالـع باصابعـك=والفرق بين الحـر والحـدر جانـه انزل بمنزال عـن الهـون يرفعـك=جاك الخبر والهـرج يكفـي بيانـه أبوك من خالك عـن الجـد ناعتـك=والعـود ينبـت فـي محلـه مكانـه وأليا ترديت العـرب مـا تطاوعـك=ويوصفونك مثـل عشـب الدحانـه الله على الـدرب الموافـق يسنعـك=علـى طريـق المرجلـة والديانـه |
هذه إحدى قصائد الشيخ عايض بن شجاع رحمه الله
بغيت أنصح رفيقي للمواقف والنصيحة ذوق=يجنب واحد ٍ مالـه جمـل عنـده ولا ناقـه ترى من يطلب الحقين للعالم عليـه حقـوق=وترى العربان لو طال المدى للحـق لحّاقـه ردي العرف صدره ما يخليه الزعل والضوق=ولو طابت سنينه بالرخا ما طابـت أشواقـه عجايب كيف معتق ما يبرق في خطا معتوق=تحاموا وأصبحوا قدم الملا بالشيـن سبّاقـه لقينا بابهم مـن يـم بيبـان السنـع مغلـوق=يخلون السنع والشيـن جايينـه علـى فاقـه تعبنا مع رجال ٍ ما تعرف العذب والمطروق=يضيع الطيب معهم والردى مرغوب وشفاقه |
هذه القصيدة للشيخ عايض بن شجاع الشدادي موجهها لصديقه الشاعر المعروف نمر بن صنت الحافي العتيبي رحمهما الله جميعاً
يا نمر يوم أنك للأمثال دليت = وأخذيت من زين القصيد الحلاوي عز الله أنك من مبيعه تنقيت = أبيات يصلح عدها للمهاوي سبقتنا يا نمر وش عاد خليت = حنا بعيد ولا وصلنا الحراوي قدامنا تختار بيت ٍ ورى بيت = نقيتها نقي الشطير القصاوي وعالجت في وصف المحبي وأبريت = وأخذت من معنى الطبيب المداوي وذبحت لك ناس ٍ مشافيق وأحييت = وأحميت في بعض القلوي المكاوي يا نمر لو جت لي على الكيف سجيت = لا شك ما تنفع كثير المناوي أنا لو أني داخل السوق طبيت = أن كان لي يا نمر مثلك براوي يا نمر خف وأرجع لربك ليا أخطيت = خذ راي من يعطيك شوره شفاوي ذكرتني شي ٍ بعد ما تشاويت = القحويان اللي بحد المطاوي رجعتني مع جرتي عقب ما أقفيت = أنا بصنعاء والهوى بالصداوي أودعتني مالي جدى كود ياليت = رمح الهوى في بسرة القلب هاوي وأسلم ودم بالخير يا طيب الصيت = وأوصل سلامي طيبين الهقاوي |
هذه القصيدة للشاعر عايض بن شجاع الشدادي يوصي بها أخوه معيض بن شجاع رحمهم الله جميعاً:
يامعيض أنا بوصيك مني وداعه = وصاة من خاطب زمانه بتجروب أعنز على ربك بعزم وبتاعه = أقبل عليه وجنب الناس بالنوب هو الطمع كانك تريد الطماعه = وهو الذي فرج للقمان وأيوب حاذور عن درب الرداء والقطاعه = قبل الدهر يأخذ لك اللبس مقلوب أوصيك لا تتبع خطَات التباعه = وألا السفيه اللي من العقل مسلوب المجرم أبعد عن بلاده وقاعه = تبا المكاسب والطمع وأنت مكسوب من طابع الخايب كسب من طباعه = وأحذر ترى النمات والكذب عذروب ترى القمر بيّن يدلك شعاعه = شخوص الرجال إلها طواريق ودروب والوقت لا يشغلك كثرة نزاعه = مالك ومال الخلق طالب ومطلوب ومن طاب مفعوله يطيب إستماعه = ترى الذي يجري على العبد محسوب وترى الردى سهلٍ تناله بساعه = وألا الظفر دونه معاريظ وصعوب وأحذر ترى الأنذال عدوان قاعه = قربك لهم مثل الدنس يطبع الثوب والرجل يعرف منطقه وإندفاعه = فعل الجميل ويحتمي كل ماجوب رجلٍ على البتعه طويلٍ ذراعه = ما ينثني في صوب والعز في صوب ورجلٍ معه مالٍ سوات الوداعه = لو كثر ماله عايشٍ عيشة الدوب ورجلٍ بلا ربع ٍ شقين رعاعه = لو كان يركض دايم الدوم مغلوب الله يوفقنا الهداء والقناعه = الدهر له حلال والرزق مكتوب وصلوا على المختار راع الشفاعه = إعداد ما ذعذع من الريح دالوب |
هذه القصيدة للشاعر عايض بن شجاع بن سالم الشدادي رحمه الله:
البارحه نوم الكرى ما قربني = بان السفر وأنا أتقلب تقلاب من هاجسٍ حدر المناكب نسبني = كنه يدق بداخل الجوف منساب الأمر لله كيف خلي نهبني = نهب السروق إللي للأطماع نهاب جود معاليق الفواد ورتبني = رتب الشطير إلي يجره بمجذاب صبرت لين إن الحبيب ضربني = ضربت عديمٍ ما تفيد إبه الاطباب بغيت أخفي ضربته لو ضربني = جارة علي ولا حدٍ شاف مضراب ورد سهومه في الضمير وشذبني = كنه يحرك ثومة القلب مشذاب ودي بغلبه مير خلي غلبني = ما أظن لك يا ناعم العود غلاب العفو من بد القبايل كسبني = زين الوصايف صار للروح كساب على هواه إن باعني وإن جلبني = أنا معه في سوق شاري وجلاب هو شاربٍ حبي وحبه شربني = وش لون يرضى صاحبي حكم الأرهاب أقفيت عن عنق المهاة وطلبني = ما يسلم الجاني وقافيه طلاب غديت له مثل القضيب وقضبني = طاوعت له ما عاد يحتاج قضاب عنق الغزال إللي بشوفه صلبني = إلي يقود الريم تلعات الارقاب خلي على شوك الهراس أستحبني = سحب الحضير الهمد من فوق الاطناب إن كان مجلي الرهايف غصبني = ماني فرير إليا بلت بأم غصاب قعد يعمر في ضميري ويبني = عمر ودمر وأستلم ضبة الباب حسبي على إللي عن عشيري حربني = لو كان ما ينفعك كثر التحساب أنا أنذر الجاهل ترى الود غبني = قدام يدرع في المشاكل والأنشاب |
هذه القصيدة للشاعر عايض بن شجاع بن سالم الشدادي رحمه الله
سمحنا منك يالصاحب سمحنا = خلصنا منك مخلاصٍ وكادي عن الأنذال بالعشره طمحنا = معلم تايه الخبلان غادي نصحنا العفن كم مره نصحنا = ولكن لا حياة لمن تنادي بدرب المرجله قمنا وطحنا = على ما قال الاول بأجتهادي خسرنا بالرجاجيل وربحنا = لقينا النار تاليها رمادي يضيع المزح لو إنا مزحنا = يزيدون مغداهم بالعنادي تعلمنا التجاريب ونجحنا = أخذنا مع هل الخبره مبادي مشينا البر والبحر وسبحنا = سبحنا فالبحور بلا عتادي هل التقدير والمعروف نحنا = ليا من ضيعه خطوا الربادي ليا لزمة بنا اللزمه نطحنا = بالأنفس دون واجبنا نفادي مع الطيب على طيبه صلحنا = كما إن الطيب له طرقٍ جدادي مسكنا درب الأمجاد وسرحنا = ودرب المجد مرقابه سنادي إشغلنا بالمعاني و إتضحنا = عرفنا فرق خطلان الايادي |
هذه المساجلة بين الشاعر عايض بن شجاع الشدادي رحمه الله وصديقه الشاعر ناصر بن بليهيد يقول عايض بن شجاع:
ياهل الونيت إللي تنوون للجوف = تريضوا يا طيبين الحظوظي وإليا كتبت مسطر الحبر بزروف = تيسروا جعل النديب محفوظي حقي عليكم ياهل الجود معروف = خطٍ خفيفٍ وصلوه أخو موظي ثم أرشدوا في جيرة الله عن الخوف = إللي تصلى له جميع الفروظي مير الوكاد إليا لفيتوهم ظيوف = لزم إنكم تلقون فعلٍ عروظي أول يباشركم تراحيب وحلوف = ومقابلٍ عقب المسافه يعوظي في مجلسٍ دافي وبالقيض نفنوف = قدم الغداء يعدالكم بمعروظي راعيه في نطح المواجيب مشعوف = لو كان تثنيه الليالي ينوظي قرمٍ يساوي مشترى المجد بأولوف = إن كان مأدرك شي ياخذ قروظي كنه من الحاكم على حد مصروف = ولاهوب من كثر الخساره جظوظي أنا أعرف أهل المجد في رفقهم نوف = لاجو بصفك ينهظونك نهوظي والناس ماني عن بعضها بمكلوف = عيني عن أنذال القبايل غظوظي فرد عليه الشاعر ناصر بن بليهيد يقول:
يا مرحبا ترحيبة البدو بالشوف = شوف السحاب إللي مباديه توظي بأهل الونيت إلي لفوني بمظروف = في داخله تعبير قلبٍ حفوظي الرفقه إللي مالها غير ملفوف = رفقت وفاء ما يعترظها عروظي لأبن شجاع إللي على الطيب مألوف = ما تخلفه شهب السنين العظوظي يمنى وقلب وطيب منطق ومعروف = وين الرفيق إللي بعايض يعوظي وقصيدة الرد أطول من ذلك لكن هذا ما نعرفه منها |
هذه القصيدة للشاعر عايض بن شجاع بن سالم الشدادي رحمه الله:
أنا مالي مع الأنذال لا سمعٍ ولا طاعه = مدام إن المراجل تنوجد ماني لهم سماع أزاويلٍ يغرونك خواتمهم على الضاعه = متاهه والمتاهه من يروح مع المتاهه ضاع تغرك رفقة الخايب ولا ينفعك مفزاعه = خساره كيف ترجي الفزعات من قصير الباع رجالٍ ينكرون العرف والمعروف في ساعه = تبعد عن طرفهم كان عندك للمراجل ناع يغرونك ويرمونك ببيرٍ مالها قاعه = يحبون الطمان ولا لهم في الطيبات أسناع إذا سويت طيبٍ من رداهم نقصوا صاعه = وهم عند الأمور الخاطيات يكملون الصاع إذا شان الوطن خل الدجن يبقى لزراعه = ولا تصبر على دار المهونه والدروب وساع أنا أعرف الرجال إللي بهم معروف وطماعه = أنا معهم على سلم الوفاء والمرجله مطواع ليا منك زبنت أزبن جبال طويق وأفراعه = ولا تركي على جالٍ هيالٍ ينهدم في ساع عيال العاهل إللي عزهم ربي على الطاعه = بنوا سور الجزيره والعرب صاروا لهم تباع مقر المجد كامل شيدوا مبناه وشراعه = يثنون العنيد المعتدي بمصقلٍ قطّاع كلام ٍ يوم أقوله عارفٍ وزنه ومطلاعه = غشيم إللي دخل له مع طريقٍ ما معه مطلاع |
بيض الله وجهك يالامير/فيصل بن مهرس الشدادي
وياليت تزودونا بقصائد الشاعر وانا من رايي انكم يالشدادين تتكلفون وتسوون للشاعر/عايض بن شجاع الشدادي رحمه الله شريط قصائده وشيلات باصوات احدى الشعراء امثال فايز العوني ومهنا العتيبي ...............الخ |
هذه القصيدة للشاعر المعروف بدر الحويفي الحربي مرسلهل لصديقه الشاعر عايض بن شجاع الشدادي رحمه الله:
سلام من دافع وفـاء قلـب ولسـان=ياللي كسبت الطيـب طبـع وهيبـه ياللـي محلـك للمشاكيـل ديـوان=ما يدهلـه غيـر الرجـال الأديبـه ولك مع رجال العرف منهج وميـدان=ومن لا تبنـا المرجلـه مـا دريبـه يا بن شجاع اللي على بدر شرهـان=تسمـع المـعـذار وش يبتديـبـه والله مـا صديـت جفـوا وهجـران=ولاني بمن يسهج صداقـة صحيبـه سبة غيابي يعلمـه عالـي الشـان=عـلام مكنـون الضمايـر وغيبـه اللي حصلي لو بغيـت اجحـده بـان=شـئ يشـاف وش مـا يندريـبـه شفت الحليف اللي معاصر حميـدان=وابن جعيثـن شـاف منـه الغليبـه اللي يخلـي وافـي البـاع جابـان=لو هو رجل في كـل حـال تعديبـه لا عاكسه راحت مساعيـه مجـان=وحده على التقصير لـو ما رضيبـه اشوف له في بعض الأشخاص نيشان=وليا قصر شبح الفتـى بـان عيبـه يرسل عليه من السلاطيـن سلطـان=فـض غليـض وقاسـي يندعيبـه يفتح على وضع المحاويـج بيبـان=وما حل بأحوال الفتى مـن نصيبـه ماله عن المقسوم ملجـا ومزبـان=إلا علـى رب الخلايـق حسيـبـه لو ضاق صدر اللي مباريه كسـلان=يرضى القدر برضـاه والا غصيبـه يا ما ويا ما من طويليـن الأيمـان=اللي لهـم بالطيـب طبـع وذهيبـه اللي ليا من الـردي خاطـره شـان=يـذري ذراهـم بالليـال الصعيبـه ولهم على الجـودا مواريـث جـدان=والرجل من طيب المجاذيـب طيبـه والرزق عند اللي ليا قال كـن كـان=ولا خلـقٍ الا خالـقـه معتنيـبـه هذي ظروفي يـا سلايـل كحيـلان=اشـوم للجـال المـلاوح واهيـبـه وانته رجل عقلـك دليلـك وميـزان=والعارفـه راع النـظـر يقتديـبـه اشرح لك المعذار من قلـب ولهـان=ولا مقصدي تـردف لخطـي نجيبـه لو كان صدرك يدحـم فيـه بركـان=وعليك مـا فتـل المعانـي صعيبـه ولك بالجواب الزين مقدور وامكـان=وطرايـف عنـد النشامـا عجيبـه وعندي مناظيمك جواهـر ومرجـان=وبحـرك سبـاح البحـور يغديـبـه غبة بحر ما انته ضحاضيح غـدران=لا خضـة السبـاح طلـع سريبـه ساني ومسني يا السنافـي بليهـان=ومسن من عرض الجمـال المنيبـه حكمي على عرفي ولانيـب غلطـان=انك حملـت مـن المعرفـه حقيبـه ولا قول ماغيرك من الناس فهمـان=كم شاعـرٍ ينقـض معانـي لعيبـه والشعر مبني له قواعـد وسيسـان=ماهوب هـرج مـن بغـاه يهذيبـه الشعر فقـد ونقـد معنـى ومليـان=مثل الهـدف ماكـل رامـي يصيبـه ماهوب كثر وقـل تلفيـق والحـان=تفـرق معانيـه العقـول اللبيـبـه قـد قالهـا حـام الونيـات راكـان=القيل يكفـي عـن كثيـره مصيبـه الفرق بالمعقـول والـزود نقصـان=وغيب الضماير مطلـع بـه رقيبـه قلتـه مثـل والا فـلانـي بـديـان=ولا ضاع حق ليـا ادعيـت ادعيبـه مالي هدف قلت المثايل على شـان=اقنع صديقٍ شـاف طـول المغيبـه حيث الثقه بيني وبينه لهـا اركـان=على نقـا واخـلاص مافيـه ريبـه لو لا الثقه ماصاروا الناس صدقـان=ولا صـارت الـدار البعيـده قريبـه تمت وصلى الله على نسـل عدنـان=نبينـا الـلـي دينـنـا يهتديـبـه وهذا هو رد الشاعر عايض بن شجاع بن سالم الشدادي على قصيدة الشاعر بدر الحويفي:
البارحه ما طبـق الجفـن سهـران=وعيني غدت للنوم مثـل الحريبـه ماهو زعل لا شك راضي ومشتـان=أفرح بمرسـول الرجـال الرتيبـه قول الأديب اللـي يطـري حميـدان=اللي لنـا جـاب الرسالـه نجيبـه يا مرحبا ترحيب مشفـق لشفقـان=مرسـال بيطـار القوافـي طبيبـه عداد ما يمطـر علـى القـاع ودان=ومازاف نبت بالفيـاض الخصيبـه بمرسول من صاغ القوافي با الإتقان=اختار من زيـن الزهـور الذويبـه عن طلعة المرقاب ماهوب عجـزان=وافـي ويستافـي ويوفـي طليبـه يرسي كما يرسي على القاع عرنان=حيث الجبـل ماكـل شـئ يجيبـه يا بدر انا في سابق الوقت شرهـان=وعادتك تشتـال الحمـول التعيبـه اشره على مثلك واسامح ليـا بـان=عـذر صحيـحٍ واضـحٍ نكتفيـبـه والا الردي لو هف هفـة قهيـدان=اللـي عتابـه للـردي مـا يثيبـه ماني من اللي يدخله شـك رغبـان=ومنحا شعيبي مقفي عـن شعيبـه ما نتخذ من هاك الأجناس صحبـان=ولا بيع في سوق الردى واشتريبـه أنا مع الطيب علـى مـر الأزمـان=شـرواك مـن للطايـلات نغزيبـه هذا وانا لـه كـل الايـام منـدان=راع الوفـاء لـه واجـبٍ ينجزيبـه حيث ان له في صفحة المجد عنوان=حـرٍ مربّـه نايـفـات الجذيـبـه يا بدر منك الذنـب يجـزا بغفـران=والعذر يقبـل منـك قبـل تحكيبـه ياجب يجازى راع الإحسان بحسان=ومبنى الصداقه ما يجـوز إتخريبـه ما يختفي يا بدر عن علم الإنسـان=الله عن المنصاب يجلـى المصيبـه هـو الـذي للعبـد حنـان منـان=اللي صغار النمـل يسمـع دبيبـه سبحان رفـاع السمـوات سبحـان=منجي العباد مـن الليـال الرهيبـه نرجي منه يا بدر رحمه وسمحـان=في وقت ساعاتٍ شـداد وعصيبـه والا طويل الوقـت لـو زان خـوان=سقي المراره عقب صافـي حليبـه تلـون الدنيـا علـى عـدة ألـوان=وتبـدل المشـي الهويـن بهذيبـه كفاك ربي شرها يـا بـو سلمـان=وشر المصايب والوجيـه الغضيبـه الله يكافينـا سبـب كـل شيطـان=نستعصـم الله بالحبـال القطيـبـه يا بدر ما انتـه للتماثيـل جوعـان=ليا جيت بالمرمى كسرت الضريبـه لاشـك خطـك مانخليـه مـجـان=مردود مكتـوب الوفـي نشتقيبـه نبـي ليـا جـا للرياجيـل ديـوان=وقتٍ بـه المذهـب يـدوّر ذهيبـه صار المجال وقالوا فـلان وفـلان=وسالوا عن امثال الرجال العجيبـه تظهر طرايف عند ذربيـن الأيمـان=مثـل المثـل راع النظـر يقتديبـه يا بعد فرق الفجر عن ضوح فجران=والبدر في وقـت الدجـى ينسريبـه يا بدر سامحني ترى الفكـر تعبـان=فـلاح زرع مـا يفاخـت ركيبـه بلشت بالعمال صاحـي ومرضـان=واصبح عزيبي مقفيٍ عـن عزيبـه الشعر عنـي راحـلٍ يـم نجـران=حتى الذي تطريـه هـو والحقيبـه لاشك سامحني ليا صـار نقصـان=الموجب ان الشعـر كلـش يعيبـه يوم انت من ربعٍ على الخيل ظفران=مجرب من روس حـرب الحريبـه من لابةٍ بالكون تروي شبا الـزان=سقم المعادي فـي نهـار الحطيبـه هذا ومن عندي لما قلـت ختمـان=ما غرد القمـري بـراس العسيبـه على نبي خصـه الله بـا الإحسـان=نبينـا اللـي بالـهـدى نقتديبه |
هذه القصيدة من روائع الشاعر عايض بن شجاع الشدادي رحمه الله:
يالربع انـا ما اشـوف للشـور قيمـه=لا صار ما قدمـك امقابـل وسمـاع ناس ٍ تحـد نفوسهـا للهزيـمـه=ويجمعون الهـرج بالمـد والصـاع أن جيت تنصـح بالسلـوم القديمـه=راحو على حد السماء وانـت بالقـاع الشـور يصلـح للرجـال الفهيـمـه=اللي لهم بالجـود مدخـل ومطـلاع اهـل المراجـل والوفـا والعزيـمـه=شخوص الرجال اللي يعرفون الاسناع رجـال ياخـذ حقتـه مـن خصيمـه=بأحسن كلام ٍ ماحصل زجر ونـزاع ورجـال مايفهـم سـوات البهيـمـه=واليـا هديتـه للدواليـل مـاطـاع الا تـجـره بالـرسـن والشكيـمـه=(مثل الحصان اللي يقديه مصـراع) ياعزتـي لـلـي ردي ٍ نديـمـه=وهرج السنع عنده مثل ضايع ٍ ضاع أن طبت كنـك فاعل ٍ بـه جريمـه=تقول له مخلـص وياصفـك خـداع تعطيه هرجة ناصحـن مـن صميمـه=ورده عليك امن الزعل طق الاصباع ما ينفـع القلـب المريـض أتعليمـه=وقدوة بن آدم كلهـا بيـن الاضـلاع |
رد: صفحة الشيخ / عايض بن شجاع الشدادي رحمه الله
هناك بعض القصائد للشاعر عايض بن شجاع رحمه الله أحببت أن يقرأها رواد المنتدى ويستاهل أبو عبد الله كل خير وكذلك يستاهل شعراء منتدى الشدادين الإطلاع على قصائد الشاعر رحمه الله رحمة واسعة لعلي أذكر بعض من أبيات القصيدة القادمة إن شاء الله للشاعر وهي أنذرك عن رفقة الوجيه المصدة *** ماينفعونك مثل لمح السرابي أبوحقب ماينفع اللــــي يهـــــده *** مثل السفيه اللي صقل الغرابي ومن يعتزي بأفعال خالــه وجــده *** يبغى الفخر من فعل ناسٍ غيابي |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله يقول من عاصــــــر زمانه وضــــده *** وذاق القراح وذاق مرَ السرابي ما شاف من ميل الليالــي يعـــدَه *** يبديه للـــي يفهمون الآدابي يصبر بزود الحمـــــــل لو مال بده *** لو طالت أيام السفر والوجابي أخذت مع دورات الأيــــــــــــــام مده *** وصفيت من كدر الليالي حسابي الوقت جاله ميلة بعد جده *** لا شك خلاق العباد أعتنابي ما يورد البريت من غير عده *** ولا يصلح الطرقي بليا زهابي أنذرك عن رفقة الوجيه المصده *** ما ينفعونك مثل لمح السرابي أبو حقب ما ينفع اللي يهده *** مثل السفيه اللي صقل بالغرابي ومن يعتزي بأفعال خاله وجده *** يبغى الفخر من فعل ناس غيابي اللي خلا القاله المجرهده *** ويعرض الواجب أمتان العلابي أخطو حبل الطيب وفاخت مشده *** وحول من جال العلا للترابي الطيب يباله رجال توده *** تفعل جميل ولاتحب الخرابي مار المكر والكذب البخل ضده *** ولا كل من يطرى له الطيب طابي ما حوش الطولات من قل مده *** الطيب سندا والمراجل صعابي ولا كل مجهد حصل اللي يوده *** والله اللي يعلم بالخطأ والصوابي وأنا ما أحب أقوال هاته ووده *** من خلقتي ما صار رزقي هبابي خير رجالٍ فصل ثوبه بقده *** اللي تبع قول النبي والكتابي والعبد لله منتهاه ومرده *** مجري سفينة نوح وسط الغبابي ــــــــــــــــــــــ وأذكر بعض من أبيات القصيدة القادمة إن شاء الله وين الرجال اللي يذري ذراها *** اللي تسر لا حصل خوف وزحام أهل العلوم الطيبة وزبناها *** عز الرفيق لا حصل فتل وإبرام اللي عز جارها في حماها *** تشري المراجل لو يزيدين الأقيام |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله قال الذي شاف الرموز وقراها *** يبدي مع أهل المعرفه كام لزام لشفت لك ناس تزايد عماها *** يزداد ما بين الليالي والأيام مرضى قلوب ما يحصل دواها *** صاحين مار قلوبهم عمي ونيام بالهرج دايم ما تطابق شفاها *** لا شك ما بهروجهم دم وعظام ناس تقصر ما توافق هواها *** لو كان في نطح المواجيب مقدام ما تستمع هرجت صديق نهاها *** يسعى بواجبهم وهم ضد وخصام غلطان ياللي بالشدايد رجاها *** اللي يحسَبهم بني عم وأرحام يركض لهم بالمشي وتقصر خطاها *** فعل الوفاء معهم خرافات وأحلام ناس تقدم للخصوم سفهاها *** شوف النظر بعقولهم ظن وأوهام ناس تزوم ودايها في رداها *** وتوصف الحاضر على ميت العام ناس توجه حشدها لصدقاها *** وتشجع أعمالك لصرت نمام من جهلها بالمشي ترجع وراها *** والناس تمشي يمت الدرب قدام الحكي فرقها وشتت عصاها *** واضدادهم داسو عليهم بالأقدام لا وخسارت بالمجالس لحاها *** ولبس يمثلبه على هاك الاجسام ما تجتنب هرج القفا من خناها *** للزين جحاده وللشين خدام لعاد ما تنكر نوايا عداها *** وتجازي الطيب بتقدير وإكرام وين الرجال اللي يذري ذراها *** اللي تسر لا حصل خوف وزحام أهل العلوم الطيبة وزبناها *** عز الرفيق لا حصل فتل وإبرام اللي عز جارها في حماها *** تشري المراجل لو يزيدين الأقيام من جد في درب المراجل لقاها *** ومن راح في درب الردى طاح ما قام واللي يبي رأس الطويلة رقاها *** ولا ظنتي يرقى العلا كود عزام والنفس ما ظني ما تحصل مناها *** وطلب الرجاء والرزق في كف علام يا باسط الدنيا ورافع سماها *** تلطف بناء ياذا الجلال والإكرام وصلوا عدد رمل السهال وحصاها *** على نبيه عد ماصام صوام ـــــــــــــــــــــــــــــــــــــــــــــ أبيات من القصيدة القادمة إن شاء الله ترى المراجل بيَنه للفهيمين *** والله ليا حبك على الخير قداك وترى كثير المال لو هو ملايين***مالك سوى ما أعطيت كان الله أعطاك |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله :ـ [/COLOR][/COLOR]صاحب اللي صحبته بس يومين *** ما غير يقضيبك لزومه وينساك تفعل جميل وهو يجازيك بالشين *** دب الدهر دايم يحسب خطاياك يكره ليا شافك على المستوى الزين *** ولا شافك على الجرف درباك عز الله انه ما يعرف القوانين *** مثل الحمار اللي لكرمته أذاك ترى الردي يطرب بقرب الرديين *** والديك يطرب لسمع صوت الأدياك وترى الرجال لها فروع وعناويين *** اللي يعينونك بدينك ودنياك جماعة تصبر على العسر واللين *** اللي عن الميلات والكود ترفاك وان كان ما تدري ترى الناس دارين *** ما يغتبي فعلك ترى الناس تلقاك لا صار ما يسوى رفيقك ريالين *** لا تتبع الخايب يتيهك مسراك لجاء نهار ترجع العشر ثنتين *** لو تندبه بالليل والصبح ما جاك لا تشتكي حالك على الربع الأدنين *** اشتك على عَلام سرك ونجواك ترى المراجل بيَنه للفهيمين *** والله ليا حبك على الخير قداك وترى كثير المال لو هو ملايين ***مالك سوى ما أعطيت كان الله أعطاك والواشي يبنيلك على العلم علمين *** وان جيتله من منهج الخبث باراك يقدمونك عند روس النياشين *** لا جاك رمَاي التفافيق مخطاك إن كان ما تسمع كلام الموصين *** اللي عن التيه تحنك وتنهاك تراك حيوان بوصف الحياوين *** ما تفتهم ومقيط برشاه دلاك ــــــــــــــــــــــــــــــــــــــــــــــــــ ــــــــــــــــــــ القصيدة القادمة للشاعر رحمه الله اسمها قصيدة ( المرقاب ) وهي من النوادر أذكر منها بعض الأبيات تخير رجال تمتنع بك وتمعنك *** لا قام سيَال المنايا يكيلها رجال يهاب الضد منهم ويقتنع *** حصن يكفي صقرها عن صهيله رفيقٍ يساعدني على اللين والقسى *** لجرجرت سيف الذيابه عويلها سلاح نهار الضيق تنطح به العدى *** سيف شطير للجماجم يشيلها |
رد: صفحة الشيخ / عايض بن شجاع الشدادي رحمه الله
هذه القصيــدة من الشــآعر عايض بن شجـآع موجهه لحجر بن نــآحل
البارحه كني على الجمـر مسـدوح آخذ من اهـل المعرفـه مشتورهـم والقلب من كثر الهواجيس مجـروح والربع عندي شاركوا فـي سهرهـم غديت مثل اللي من الحمل مفـدوح والا مناطـح سـربـةٍ ماقـدرهـم كني من الهاجس غريقٍ على لـوح من عرض اهل ساجٍ طبع في بحرهم وارسلت من هو لي نصيحٍ وناصوح ربـعٍ تصقـر والعـدو ماصقرهـم عسى لهم بالسير صالـح ومصلـوح لدار الكـرام اللـي بعيـدٍ ديرهـم يلفون شيـخٍ بيـن الذكـر ممـدوح هو حجر ابن ناحل نهاية سفرهـم حجر اللذي في مطلب الجود مشفوح ارجي عسى حجر المسمى عذرهـم ذخر آل ناحل قدمه الدرب مبـروح اثنوا عليه بوردهـم مـع صدرهـم ياطروش تلفون السوالم ومسـروح ودوا مكاتيبـي وهاتـوا خبـرهـم الدرب عنهم مايجـي فيـه سامـوح من قـو همتهـم ورفعـة نظرهـم لاجيتهم صدرك على الطول مشروح كرام الوجيه اللي تناديـي سفرهـم تلقى لضيان الوفاء عندهـم ضـوح ويتابعـون الجيـل الاول بأثـرهـم جيلٍ جعل درب المـودات مفتـوح يوم الجموع اللـي تلامـع شهرهـم جيلٍ دفع دون الخوي غالي الـروح وحمى الخويه سيـرةٍ مـن سيرهـم الوجه حقـه عندهـم مابـه مـزوح افطن لربع نويشي اللـي دمرهـم في واحدٍ من ساير النـاس مذبـوح سبعة رجـالٍ غيبـوا فـي حفرهـم وفعل الذويبي بالتواريـخ ملمـوح يوم اغبرت شهب السنين وجهرهـم وقتٍ يخلي قاسي الـرأس مطـروح وطى زعانيـف الرجـال وقهرهـم وقف لها حجرف على عالي الصوح وخسر الحـلال ولابتـه ماخسرهـم قدم كبيرات المثانـي علـى الفـوح واطعم بها الشيبـان حـزة كبرهـم لين اصبحت شداتهم عذر وامـزوح ولان الزمان اللي من اول عسرهـم على العدو سمٍ سقطـري وذرنـوح وبالجود والمعـروف كـلٍ شكرهـم للصاحب احلى من قـراحٍ بلحلـوح ويضفي على الجمع المعادي خطرهم مني عـدد مانـاح ورقٍ علـى دوح بيضاء تعم شيوخهـم مـع جبرهـم |
رد: صفحة الشيخ / عايض بن شجاع الشدادي رحمه الله
شكرا يالغالي
الله يجزاك كل خير على ما قدمت |
رد: صفحة الشيخ / عايض بن شجاع الشدادي رحمه الله
السلطان
اشكرك على اهتمامك بكل مايخدم القبيلة وهذة الصفحة اللتي دونت من اجل شيخ كبير رحل رحمة الله عليه وصارت تحت عنوان عايض بن شجاع من شعر وقصص وهذا شيء كبير وتشكر عليه |
رد: صفحة الشيخ / عايض بن شجاع الشدادي رحمه الله
قال الشاعر عايض ين شجاع رحمه الله في قصيدة المرقاب سار القدم من هاجس الصدر وانتوى *** وتنصيت من روس المبادي طويلها تركت الطمان ورحت في عالي الحجى *** وطيرت قرناس الوحش من مقيلها عسى قمةٍ يزمي على كل ما زمى *** إلا كود رقَيَلَها وتحويلها تلافتني الأفكار وابديت ما خفى *** أمثال ما يصعب علي تعديلها بوصف الأيام ولو في حد نظرتي *** وتحيرت في عدل الليالي وميلها تقلب الدنيا على البطن والظهر *** كما الداب يرجع راسه عند ذيلها دنياك ما دامت لحي ترحلوا *** ولا ينعرف شدادها من نزيلها على الرغم لو تصفي لجيل تغرهم *** لو كان تصفي يوم تنكر بليلها مكارةٍ لو كان تنديلك الرضى *** على جملة العربان يومي شليلها تزَين لشبان تقفت جدودهم *** خذتهم وبقيت بنت تمشط جديلها لمن لقيت مصوب من سهومها *** لا تامنه بالغد يصبح قتيلها أقوله ومن عرض ناس مجربه *** سمعنا مواثرها لقانا مواثرها ونسمع بقيلها سبقنا الخلاوي بالتجارب ومن معه *** وحنا اختصرنا من عددها قليلها على كثر ما نعرف ونُعرف مع الملا *** من ا لشرق إلى القبله لشط نيلها عجزنا نحصل بالمئه كود واحد *** وواحد من المليون نفال جيلها ألا يا خسارت بعض ناس نعدهم *** علطنا بجمع سبعها مع ثعيلها وأنا ودي اجهد مع أهل الجود وأجتهد *** واجنب عن الأنذال واترك سبيلها أوصيك ياللي تفهم النصح والسنع *** تخير من أمثال المصنف حصيلها صن النفس عن كل التلصق وعزها *** تنال من حلو المطامع جليلها وخلك خيرا القوم ليا وافقوا القدى *** وإن جنبوا درب القدى صر دليلها وراع الخطأ ودك تجازيه بالخطأ *** وتدني عليه من الرواسي ثقيلها ترى فيه ناس يشبه لغير وصفهم *** لا شك لا تسأل ولحدٍ يسيلها تحذر تصير بضف قوم هزيلها *** الأنذال لا تمنع ولا ينعنيلها تخير رجال تمتنع بك وتمنعك *** لقام سيال المنال يكيلها رجال يهاب الضد منهم ويقتنع *** حصن يكفي صقرها عن صهيلها تذكرت في الخلان خل ٍ يسرني *** نهارن به الأنذال تنكر خليلها يسامح خطايه كما صار زله *** وجموع الحمول الكايده يرتكيلها رفيقٍ يساعدني على اللين والقسى *** لجرجرت سيف الذيابه عويلها سلاح نهار الضيق تنطح به العدى *** سيف شطير للجماجم يشيلها لذيذ على الأصحاب والجار والخوي *** مركي على كبد المعادي مليلها يرد النكد لليل ثم يا جب النكد *** ويجازي الرجال أهل الجميل بجميلها فتال ما يفتل ونقاض ما صعب *** حَلال من صعباتها مستحيلها وليا حصلك ما أنت باين موقفه *** موقف جنب عنك لا تستخيلها ــــــــــــــــــــــــــــــــــــــــــــــــــ ــــــــــــــــــــ أذكر بعض من أبيات القصيدة القادمة إن شاء الله يا الربع بعض الحكي غادن دليله *** واللي يريد يفرق الشمل غلطان ضعاف البخوت مشاورين الحليله *** يعطونك الهرجه على غير ختمان يسعون بالنمات بين القبيله *** يبون زود وعود الزود نقصان |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله يا الربع بعض الحكي غادن دليله *** واللي يريد يفرق الشمل غلطان ضعاف البخوت مشاورين الحليله *** يعطونك الهرجه على غير ختمان يسعون بالنمات بين القبيله *** يبون زود وعود الزود نقصان بيس العميل اللي يجازي عميله *** اللي يجازي بالردى راعي الإحسان الهرج اللي يجلبونه فشيله *** لا صار ما جاله دلائل وبرهان على القريب يولعون الفتيله *** تفاقةٍ ترمي على غير نيشان مجمعة هرج قليلٍ حصيله ***قالوا وقلنا وأصبح الكل زعلان تكفون ياللي تكسبون الجميله *** قوموا وخلوكم على الحق عوان تخلصوا منهم بحال وحيله *** وابنو لكم في مدخل المجد بنيان الحمل يباله رجال تشيله *** وانتم من السابق بني عم وأخوان عاداتكم شيل الحمول الثقيله *** وأنتم جمال ولا تصيرون حشوان كانك تريد المرجله وتعنيله *** أفعل وتذكر به ترى الطيب ميدان واللي يريد من النمايم نشيله *** عز الله انه ضايع الرأي خسران عنه المراجل شدةً وتحويله *** ابعد من اللي بين صنعاء وعَمان بليس جار له والآخر زميله *** وشين الصنايع عندهم شانها شان ترى الردى عند الرجال الهزيله *** والطيب غالي ما تهيأ بالأثمان وإن ما خذيتُ من كلامي قليله *** وجزتُ وخليتُ فلان وفلنتان جنبت عن جيل ترك درب جيله *** ونصيت درب كنه الصبح لا بان الحق بيَن والفعول الجليله *** ما يختلف بنيه على مرَ الأزمان وحنا ليا عفنا خطانا طويله *** الدار مثل الدار والناس خلان ولا جفانا دار نلقى مثيله *** ما ني باللي يقنع كما ظبي رمان ودك ردي العقل تترك سبيله *** يكفيك ما قال التميمي رميزان ما كل من يدعى للحق يجيله *** ولا كل من يقرأ المكاتيب فهمان ولا كل براق حقوق مخيله *** ولا كل خلان الفراغات صدقان وأزكى صلاتي عد ما أمطر هميله *** على نبي الرشد من قلب ولسان ــــــــــــــــــــــــــــــــــــــــــــــــــ ـ بعض من أبيات القصيدة القادمة إن شاء الله هات الكتاب اللي به القول منظوم *** قول يبين كل زودٍ بزوده قولٍ تزود من الاخيار تعلوم *** عنه قلوب الغافلات محسوده نصايح يدفع بها غالي السوم *** أبيات شعر مثل غالي قوده |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله هات الكتاب اللي به القول منظوم *** قول يبين كل زودٍ بزوده قولٍ تزود منه الأخيار تعلوم *** عنه قلوب الغافلات محسوده نصايح يدفعبها غالي السوم *** أبيات شعر مثل غالي قوده فيها طريق الحق بين ومرسوم *** للي على العليا ضميره يقوده لسمعه للي في حلا النوم *** يجلس لين الصبح يبدي عموده يطرب له العارف لكان مهموم *** لا زم على سمعه يكرس جهوده يبي يعالجبه من الصدر مكتوم *** ممن تضمن وانتظم في بنوده قلته وأنا ما ني على القول ملزوم *** مار أذكر أفعال الوفاء في حدوده من جاد ساد وموقف المجد مدعوم *** واللي الردي ما يرفعنه عضوده ما كل من يبدي النصف يسلم اللوم *** ولا كل من واعد صدق في وعوده للناس ميزات وعادات وسلوم *** يفرح بها العاقل ويخسر لدوده الفرق بين الناس معطى ومحروم *** واللي فعل خير يحصل ردوده قال المثل كم طاح في الحبس مظلوم***ولا ينعرف ميل الدهر من ركوده كم من صديق بالوفاء يدرج الحوم***وإن شاف ميل الوقت يعطي صدوده لا باس كل له من الرب مقسوم *** لا شك اعرف الغير واعرف فهوده الحق زين ولا من الحق مثلوم *** تفرق به خيار الملا عن قروده والبطل شين وراعي البطل ما ثوم *** بين الهوى وإبليس حط طروده عليك بالطيب لصرت ملزوم *** وأعنز على اللي ما تشين وكوده . ــــــــــــــــــــــــــــــــــــــــــــــــــ ــــــــــــــ أبيات من القصيدة القادمة إن شاء الله أحدٍ على طيب النبأ يدعاله *** حشيم مع العالم رفيق حشام وأحدٍ يكفيك النبأ عن شوفه *** بخيلٍ عن الواجب قليل أرحام يا بين فرقى الناس كانك تفتهم *** الرجل بيَن والخمام خمام |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله في قصيدة الاجواد والأنذال طرى طاري بقصى الضماير هام *** تكدر منامي يوم كل نام تذكرت خلان تبين بها الخلل *** وفاهم من الوزن الثقيل غرام قليلين ليا صابك من الوقت ضده *** كثيرين وقت الضحك والكلام بحلنابهم من كثرهم وابحلونا *** عجزنا نحصل للزمان عصام خلصنا بعد وقت طويل وتجربه *** الازوال واجد والطبوع أقسام من الألف كان الحظ حالفك واحد *** رفيقٍ لجار الزمان وضام يعينك على عسر الليالي ويسرها *** ويصير للضد العنيد خزام مرور الليالي ما تغير مسيرته *** جسور على مرقى العلا جزام تراه النجيب اللي يوصى برفقته *** وممشاك مع غير النجيب حرام وكانك تعرف اللي يضرك وينفعك *** تعاف المذلة لو عطيت وسام تبعد عن اللي تلتجيله وينكرك *** تحذر تحط من النكوث حزام إن قمت له بالطيب قدم الردى *** يجي عنده الفعل الصحيح أحلام من قدم المعروف في غير صاحبه *** مثل جايب الماء للطعام يدام ترى المدح في غير المديحين ضايع *** كما ضايع من جاب للثمام طمام أحد على طيب النبأ يدعاله *** حشيم مع العالم رفيق حشام وأحد يكفيك النبأ عن شوفه *** بخيلٍ عن الواجب قليل أرحام يا بين فرقى الناس كانك تفتهم ***الرجل بيَن والخمام خمام من قدم السيئة يجازى بمثلها *** علشان يونس لطمة اللطام ومن قدم الحسنة يجازى بمثلها *** حق وما جوب وزود إكرام الاجواد يشكرهم خويهم وجارهم *** والأنذال ما ترفع جميع مقام الاجواد ما تظلم ولا تشتري بالقفا ***والأنذال تنهض مستوى النمام الاجواد لا قالوا كلام وفوبه *** والأنذال مخلفت العهود دوام الاجواد بالمعروف تبني قصورها *** والأنذال تكسب موقف هدام الاجواد عند العرف يبدي جميلهم *** لهم في الجمايل موقف وسهام والأنذال يسبق شينها قبل زينها *** إلا إذا يرجون منك مرام الاجواد تبرز كلما جت لزومها *** لجاء ساعة فيها فتل وإبرام الأنذال تبرز بالنمايم والحيل *** يحطو في الزبد اللذيذ عظام الاجواد لعرفت المراجل تسومها *** تسوم المراجل قدام هي تنسام والأنذال حتى فاعل الطيب تنكره *** غشاهم على هاك الوجيه ملام الاجواد مثل النور يصفهم المثل *** والأنذال موصوفين ليل ظلام قدامنا قال المهادي بوصفهم *** فعله جميل والمعاني جسام من خلقت الدنيا وركزت عنوزها *** والكرش كرش والسنام سنام الاجواد تبذل قبل الأيام تنصرم *** ولا زرع ألا مقتفيه صرام أنا أشوف عشب زاف في مقدم الشتاء *** غداء عقب لفاح السموم رمام يا نفس جوزي عن خطاياك قبل ما *** تفوت الليالي بين عام وعام تفوت الليالي مثل ما قيل بالمثل *** كما فات لقاف العصير نعام وأنا أثني من يثني على شدة الزمن *** عدد ما كشف برق وسط غمام وعدد ما سجى ليل وأسفر نهاره *** وعدد ما تغنى فوق الغصون حمام كلام على حسب التجارب نضمته *** على حد عرفي والرجال فهام والمعذره يا سامعين نصيحتي *** ومن بعدها ذكر الكريم ختام ختام ما قلته صلاة على النبي *** عدد من حفظ خمس الفروض وصام ــــــــــــــــــــــــــــــــــــــــــــــــــ ــــــــــــــــ أبيات من القصيدة القادمة إن شاء الله تجنب هذور كل هرجه يروح سفاح *** يلم الكلام وينشره للعريضيه يسوي الخراب ويزعم أنه سعى بإصلاح***يساعد إبليس اللي غوى الحراميه يحب الطمان وفي يده للردى مفتاح *** ولا له ضميره ينكر الشين موليه |
رد: صفحة الشيخ / عايض بن شجاع الشدادي رحمه الله
يقول الشاعر عايض بن شجاع رحمه الله رماني عدو مغرض مبغض ذباح *** فرجلي عظيم الشان ما لونت فيه يبغي ذبحتي شين السجايا بدون سلاح *** نفاقه تبين واصبحت خيرةٍ ليَه وأنا أخذت حذري منك يا الصاحب المزاح ***يدور بي الحيله علشان مبغيَه أنا احسب رفيقي مخلصٍ والقلوب صحاح *** وأثر نيته فيَه الردى خارب النيَه يبني قصوره بالزخارف ومساح *** لا شك جنس لسانه على العين مبنيَه تجنَب هذور يروح كل هرجه سفاح *** يلم الكلام وينشره للعريضيَه يسوي الخراب ويزعم أنه سعى بإصلاح *** يساعد إبليس اللي غوى الحراميَه يحب الطمان وفي يده للردى مفتاح *** ولا له ضمير ينكر الشين موليَه ولا تامن الجاهل يعاتبك بأول فاح *** كبير بسنه مار الأفكار دونيَه يفاجيك غيظه قبل لا تنهض المرواح *** يخلي حسانيك القديمات ممحيَه عجيب العجايب وين رفقه وعرفه راح *** يبيع البخت والعرف بأقوال وهميَه أنا ما أقبل اللي كل ما أقعدت راسه طاح *** شذوذ عن الواجب بخيل على شيَه سريع على المضوى ولا يبعد المسراح *** لو أنك تطيعه يذبح النينه الحيَه يعرف المعايب مار ما يكسب الامداح *** حريصٍ على التخريب تسعين بالميَه وأنا أشوف لي ناس عن الواجبات شحاح *** يشرون كبره بس الأعمال عكسيَه لشفت واحدهم يجيب الكلام القاح *** تقولٍ في جيبه على الطيب ملكيَه يحقر العرب في حد رايه وهو ضحضاح *** ومن يارد الضحضاح ما حصل الريَه لقيت الجمايل مالها في العفون مراح *** العفن عفن وناجبه واحدٍ زيَه ــــــــــــــــــــــــــــــــــــــــــــــــــ ــــــــــــ أبيات من القصيدة القادمة إن شاء الله إن كان الأنذال تفخر في مواقفها *** أنا تراي أفتخر عنها بميقافي ناس شذب القفا ربي مكلفها *** تترك طريق السماح وتقضب القافي |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله إن كان الأنذال تفخر في مواقفها *** أنا تراي افتخر عنها بميقافي ناس شذب القفا ربي مكلفها *** تترك طريق السماح وتقضب القافي ما تنعسف للمراجل لو تعسفها *** تحثها للقدوم وتنكس خلافي أنا أفتهم في رجال المجد وأعرفها *** أنا لف معهم وصفي عزة أولافي ورفقتك للنذل مع ربي مخالفها *** عرفك للنذل ما معها أربعه صافي بعض من الأبيات القادمة إن شاء الله يا حيف يا بعض اللحى والزواله *** يا للي بغرزات الحمايل تهدون خسران اللي شوفته دوب حاله *** يبى العرب من جنس فعله يسوون تقول معطى عليهم وكاله *** على رداه يحاول الناس يردون سبَ الكرم وأهل الجمايل ضلاله *** لا صار عن فعل الجمايل يعجزون |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله قال الذي قزاه طاراً طراله *** أسباب ناس في المعاني يخوضون ناس يسبون الكرم والجماله *** ويقدسون الجبن والبخل والهون اللي دفع في المراجل رأس ماله *** وشلون له عميس الأريا يلومون يا حيف يا بعض اللحى والزواله *** يا اللي بغرزات الحمايل تهدون خسران اللي شوفه دوب حاله *** يبى العرب من جنس فعله يسوون تقول معطى له عليهم وكاله *** على رداه يحاول الناس يردون سب الكرم وأهل الجمايل ضلاله *** لا صار عن فعل الجمايل تعجزون أم أفعلوا والرجل يفطن بحاله *** ولا استريحوا جعلكم ما تقومون البخل للرجال بيسز ماله *** حتى عياله من جنابه يملون ما ينفع الرجال كثرت حلاله *** لا صار ما عرضه على الناس مصيون يا أهل السوالف هرجكم وش مجاله *** لا فاتكم مرقى العلا وش تريدون الطيب بيَن ما يباله دلاله *** فعل وعمل ما هو قول يقولون أنا بعاكس قولكم بالعماله *** واثني على أهل المجد تسعين مليون اللي بنوا ساس الوفاء من جباله *** اللي على أطراف النواجذ يعضون اللي يسب أمثالهم من هباله *** يخسر كلامه والعرب ما يطيعون من فارق الأخيار حاز الجهاله *** مع شلة الحساد واللي ينمون الكدر ما يوصف بصافي زلاله *** والناس عما يفعل الرجل يدرون من جاد ما تقصر عن الماء حباله *** وأهل النمايم لو حكوا ما يضرون أبيات من القصيدة القادمة إن شاء الله القول ما ينفع ولو قلت ما قلت *** ما ينفع إلا الله وتوفيق الإنسان أنا أحسبني يا خويي تجملت *** يوم اجتهد لك بالوفاء سر وإعلان عديت بك رأس الطويله وحولت *** حولت أبغى في الشخاتيق مسكان |
رد: صفحة الشيخ / عايض بن شجاع الشدادي رحمه الله
قال الشاعر عايض بن شجاع رحمه الله القول ما ينفع ولو قلت ما قلت *** ما ينفع إلا الله وتوفيق الإنسان أنا احسبني يا خويي تجملت *** يوم اجتهد لك بالوفاء سر وإعلان عديت بك رأس الطويله وحولت *** حولت ابغى في الشخاتيق مسكان وأنا عرفت اللي تريده وبتلت *** على اللي مضى من رفقتك صار مجان بغيت أردك للسنع كل ما علت *** واركبتني درب الغلط وأنت غلطان يا كثر ما ضنيت في الناس وأملت *** وبانت لي الهسات في فلان وفلان وكم مرتٍ بالزين والطيب عاملت *** وبار الرفيق اللي نعده كحيلان عالجت ميلات الليالي وكملت *** عانيت ما عانى التميمي وراكان لا شك في بعض ناس تهولت *** ناس تجازي بالردى راعي الإحسان وبقيت أنا محتار في الوقت لا زلت *** لا زلت أنا في بعض هالجيل بحلان أنا على رب الخلايق توكلت *** اللي برايه لا أمر كاينٍ كان أبيات من القصيدة القادمة إن شاء الله هرج النميمة عندهم تقول قرآن *** وهرج الصراحة والوفاء عنه يغضون ما ينبني في ديرة المكر بنيان *** بنَايهم واحد وعشرة يقضون واللي زرع بارض الصبخ زرع خسران *** أنا انذره وأهل التجارب يعرفون |
رد: صفحة الشيخ / عايض بن شجاع الشدادي رحمه الله
يقول الشاعر عايض رحمه الله يا لربع أنا في بعض هالجيل بحلان *** تفعل جميل وكنهم ما يشوفون لو كان تعطيهم طويلات الأثمان *** لا زم عليك بغير واجب يعينون فعل الردى يجزون به راعي الإحسان *** إن كان مالحقوه لا زم يحذفون وإن جبت صدق وجبت للصدق برهان *** جابوا بدل قولك خرافات وظنون وأنت إن حلفت بربهم خمس مرات *** ما يؤمنون برب موسى وهارون هرج النميمة عندهم تقول قرآن *** وهرج الصراحة والوفاء عنه يغضون ما ينبني في ديرة المكر بنيان *** بنايهم واحد وعشرة يقضون واللي زرع بارض الصبخ زرع خسران *** أنا انذره وأهل التجارب يعرفون ما ينبني بيت على غير سيسان *** ولا تنقضي حاجات من يتبع الهون حاذور من طيرٍ مثل طير برمان *** طير الفلس يوم الصقاقير يدعون عليك بالطيب ولوا كان ما كان *** وخل الأراذل عن طريقك يولون رافق أهل العادات في كل ميدان *** اللي لا جت المحاضير يشفون ولو تنصح الجاهل يقول أنت غلطان *** أفطن ترى في الناس عاقل ومجنون الله يوفقنا للهداية والإحسان *** والكود له حلال والرزق مضمون وختامه صلوا على نسل عدنان *** عداد ما حجوا حجيج يلبون انتظروا رائعة من روائع الشاعر رحمه الله تعالى أبيات القصيدة القادمة إن شاء الله ترى الرجل في يومين تقدر تميزه *** مثل ما تميز طعمة الليمون ولا جهلة الرجل برق في منطقة *** يظهر لك الصاحي من المجنون |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله مرور الليالي علمتني خفيها *** ونظمت من زين الكلام لحون صحيح إن شوف العين ما أحدٍ يكذبه *** وشلون يا أهل المعرفه وشلون أنا قبل ما أصدق لو إن الناس صدقوا *** أنا ما أتوقع للرفيق يخون ليا صار تمل فيه بالجود والوفاء *** وإنه على غالي الحلال يمون قدايمك عنده بالمعاريف تملكه *** ودونه سوات مصَقلن مسنون لو إن بعض الناس قالوا إنك مخطئ *** تقول أنا في خدمته ممنون تقوم له لو أنت تمشي على العصا *** كل شيء لحاجات الرفيق يهون وليا قدر نفسه وحصل مطالبه *** صارت أموره كلها في دون سبوقن على الجحدان حريصٍ على الزعل *** وهو عند نطح الواجبات حرون وشلون يجزى موقف الطيب بالردى *** ومن العداه يدقق المطحون يا الله يا للي جملت الخلق تطلبه *** يا عالم ما ينخفي المكنون إنك تجازي صاحب السوء ما فعل *** يا باخص الجما من أم قرون وتنصر أهل المعروف والجود والوفاء *** مثل ما انتصر موسى على فرعون ولا تنصر أجسام على الكذب والنكد *** على جرومٍ فاضيه وعيون يا الآسف من بعض ناس لقيتها *** ما تفرق الميه من المليون أوادم لا شك الطيب فيهم خسارة *** أزوال تبرقلك على ما لون بالك لا ضاقوا تحاول رضاهم *** عساهم ليوم البعث ما يرضون أنا ما اتأسف حاسبٍ حسبت الردي *** لحيث إن تاليت العفون عفون لا شك أتاسف لناس يغرهم *** يغر ناس قبل ما يدرون لا صار لك مع طيب الناس منزله *** تبعد عن اللي بالردى مقرون ذليلٍ يذلله الثعل لو يعارضه *** على القرابه والبصير فتون تبون عن الواجب شذوذٍ عن السنع *** والأضداد عن شرواه ما يدرون وإن قال يا رجال ودي برفقتك *** قله بدى مالك عليَ ديون عسى ما هو برفق المهادي مهمل *** عساها مجافاةٍ وفرق ضعون دام الفرص تعطيك جنب مسيرته *** خذ شور من ذا المستفيد حنون ترى الرجل في يومين تقدر تميزه *** مثل ما تميز طعمة الليمون وليا جهلت الرجل برق في منطقه *** يظهر لك الصاحي من المجنون عارضنا الجمايل واعترضنا لردها *** وعجزنا نحصل للجميل زبون زبون يسوم الطيب بغالي الثمن *** ويشري مع اللي للوفاء يشرون في ما مضى ناجد من الأف واحد *** لا شك وقت اليوم صاروا ظنون أنا لو خسرت الظن في ساير الملأ *** أبا أعنز على الله والفرج مضمون وصلوا على المختار ما ذعذع الهوى *** وما بين فعله بين كاف ونون أبيات من القصيدة القادمة إن شاء الله ما همني عالم تنكر مصالحها *** ناس تبيع الثمين وتشتري الدوني ما تفتهم للخسارة من مرابحها *** ولا عطيت النصيحة ما يطيعوني |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله ما همني عالم تنكر مصالحها *** ناس تبيع الثمين وتشتري الدوني ما تفتهم للخسارة من مرابحها *** وليا عطيت النصيحة ما يطيعوني لو عندها عرف سمعت نصح ناصحها *** لا شك عميان لو قالوا يشوفوني الشله اللي عسى ربي يذبحها *** اللي على الراية العميا يعكفوني تظهر لعدوانها مطارف مذابحها *** وتملل الأصدقاء حتى يملوني وقال أيضاً يا طيب بعض الناس ما دام راضين *** حاجاتهم عندك ولا أنت محتاج يواعدونك لو تريد الملايين *** ويلبسونك من لبس الثناء تاج وليا بدت حاجتك راحو بعدين *** أبعد من المشرق على عين هداج زينين في زين الزمان وخبيثين *** ليا صكت الحاجه وجاء مس الأتراج وقال أيضاً يقول اللي لمنه تكلم *** يحب أن يعبر عن نصيحه يعالجبه نفوس ما تألم *** يعالجها معالجة القريحه ولا شمل بإذن الله يلم *** ولا يسمع من الصياح صيحه لا شك الشمل بإذن الله يلم *** وعمر ابن البشر كله مليحه ترى القلب العمى ما ينتعلم *** ولا بالكون نفس مستريحة ولا ترقى العلا من دون سلم *** ولا بالهون تغنم بالمديحه بعض ها لناس للطيب يتولم *** ولا يفهم خياله من صحيحه |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله أقول كل ما جيت اقول الناس تفهم وتقرأ *** شفت لي شلة ما ينخلص من نشبها شفت ناس يحقرون أجمل الهرج حقرا *** ما يعرفون راس السالفه من ذنبها إن اعطيت النصيحه قالوا النصح دقرا *** وإن سكت الخطيئه حملوني سببها يا معلم قبيلن كأن في أذنيه وقرا *** كل ما تنصحه عن مخطيه يرتكبها أنت غلطان ياللي تقر الضلع نقرا *** الليالي تبذ اللي يحسب عتبها مسكن العز عز ومسكن الفقر فقرا *** كل نار يبين ضوحها من حطبها الأبيات الباقيه من رد الشاعر ناصر بن بليهيد يمنى وقلب وطيب منطق ومعروف *** وين الرفيق اللي بعايض يعوضي ما مون مقدام جسور وعاروف *** محنك يسقي على كل حوضي الطيب في مثله تجاره ومخلوف *** طيَب بطيب مثل زراع روضي تزهابه الأثمان طوف ورى طوف *** يربح وزراع الصباخ مغموضي أبيات من القصيدة القادمة إن شاء الله الحر يسكن في عوالي هضابه *** والبوم يسكن في الخرايب والأغوار والعفن ما يعنى ولا ينعنابه *** لا مكرم ضيف ولا نافع جار |
رد: صفحة الشيخ / عايض بن شجاع الشدادي رحمه الله
قال الشاعر عايض رحمه الله قال المعبر عن ضميره جوابه *** اللي تجرع في الدهر حلو ومرار نصيحه للمستمع يقتدابه *** أهل العقول اللي لهم سمع وأبصار ترى على المسلم عيون ورقابه *** الله بخلقه يعلم سر واجهار واللي تبع درب الجهل يا سفابه *** خسر الحياة الطيبة والفلك دار وليا وقف عوده وقضى شبابه *** أفلس ودرب المرجله عنه مشوار حاذور من قيض يغرك سرابه *** ترى سراب القيض بالقيض غرار ما ينومن ميل الدهر وانقلابه *** الله وعدك الخير وأعطاك الإنذار أنذرك عن رفقة مقر الخيابه *** اللي يجازي موقف الطيب بإنكار يومين والثالث يبين الردى به *** احذر ترى الخايب على الطول بوار ترى الصبخ ما ينَزل في جنابه *** ولا عمر ينبت به بختري ونوار والطيب له ناس وناس تهابه *** وترى الردى ماله مع الطيب معبار الحر يسكن في عوالي هضابه *** والبوم يسكن في الخرايب والأغوار والعفن ما يعنى ولا ينعنا به *** لا مكرم ضيف ولا نافع جار عليك بأهل المجد في كل بابه *** ياللي تبي بالطيب القوم تختار اللي لهم جزل المراجل كسابه *** ربعٍ يسرونك صفيين الأشوار ترى الردي يشبه لبيت الخرابه *** على وشك عند أول المس ينهار من لا بذل جهده بعزم وصلابه *** ترى حليف الذل ما يامن العار والواشي لا يعجبك ضحكه بنابه *** اللي يقول الهرج لو كان ما صار زود الحكي من ردي عقله وآدابه *** مرات وجهاً للقفى وسط منشار الرجل يدري عن خطاه وصوابه *** والطيب له مبنى وتاريخ وآثار أرجوك عفوك يا مرسي سحابه *** يا منتها شكواي يا خير غفار يا للي جميع الخلق ترجي ثوابه *** أنت الكريم الماين النافع الضار أبيات من القصيدة القادمة إن شاء الله ترى وقت الرخاء كلٍ رفيق *** ومع الشدات تبدي كل غايه تبين لك عدوٍ من صديق *** ويصفي لك من المليون مايه أنا مالي على الهزله سبيق *** هذا تأديب ربعي وزملايه |
| 10:17 AM |
Powered by vBulletin® developed by Tar3q.com
