قصيدة في حفل عبدالعزيز بن مصلح الشدادي
هذه القصيدة مقدمه في
حفل عبدالعزيز بن مصلح بن سعد الحارثي سلام الله عليكم من قيا والصور مع ميسان =ومن وادي غزايل والجبوب وكل الأوطانـي وسلام الله عليكم من قيا والقاع مع شقصان=يردون السـلام وكل كلمـه شانها شانـي نهنيكم بعيد الفطر بعد صمتوا رمضـان=عسى ربي يهني كل من صاموا بالأيمانـي بعدها يا هجوسي ساعديني بأبدع الألحـان =عسى ربي يجملني مع الأقصين والدانـي ليا مني بنيت البيت ثبته على سيسـان=وانا من خلقتي ما ابنى البيوت بغير سيساني وانا في المعرفة ماني بمتردد ولا حيران=ابا أصخّر بيوت الشعر واوزنها بميزاني ابو مشعل دعاني قلت حاضر والكريم معان=ألبي دعوته واجي لها ماني بمتوانـي ليا منه دعاني ورا البحرين مع عمان=البي دعوته واجي لها ماشي وعجلاني كما انه من رجال فالمواقف تلطم الديان=أليا منه تعصوا يبعدونه بأم نيشانـي بني سعد هل القالة بني سعد طوال ايمان=ابوهم جار ابويه وهم اصحابي وصدقانـي عيال الشايب اللي منزله دايم على الحدان=واليا منه حكم بالحق يرضي كل زعلانـي وليا يا نعم يا نعمين بالشبان والشيبان=مواقفهم تشرف في الشمال وجبل دخاني لهم تاريخ سجل وانكتب بالرقم والعنوان=وصاروا كاسبين الأوله في كل ميداني موفق خير يا عبدالعزيز معرب الجدان=مدام الجد ابن محسن ومنا بن مياني وألا يا طيب جدانه مع الخوال والعمان=اهل كرم واهل فزعة وسعد الجار والعاني ذعار ابو محيسن ما قفل عن ضيفه البيبان=كما العد الغزير اللي يروّي كل ضمياني وابو محماس في خشم الوزر شرقٍ من العمدان=وتلقى منزله يم القرين ويم شرهاني شجيع وعارفه ويخلص المديون والديان=وراعي الحله اللي في ليالي العسر مزباني هذا تاريخ ربعي ثابتٍ من ماضي الأزمان=وانا والله ما اقول الا كلام الصدق بلساني انا شاعر وامثل لي قبيلة كلهم شجعان=للا تاريخ ربعي كان ما غنيت الألحاني تذكرنا فعول عجار يوم انه على الفرسان=يصبحهم ضحى وهم يشوفونه بالأعياني لكن اليوم بعد عجار معنا شيخنا سلطان=تقدم للزعامة ولك يا سلطان عواني أليا منك لبست البشت الأشقر عوّذ الشيطان=وأليا منه تكلم كلمته تشرى بالأثمانـي عسى اللي ما يبيلك عز ما يعتز يا سلطان=يعيش مع العرب طول الدهر صدمان ندماني ترى ربعك شدادينٍ لهم تاريخ في الميدان=ليا منا تعزوينا لعنا كل شيطانـي لكن اليوم تحكمنا الشريعة والملك سلمان=نقول الحمد لله كلنا في سلم وامانـي ويا كثر القصايد والمعاني ما لها عدان=لكن ابا اختصرها واعتذر من ذاه والثاني ختام القول صل الله على محمد نسل عدنان=عدد من طاف بالكعبة ومن صلى بالأركاني الشاعر عبيد بن سلطان الشدادي |
رد: قصيدة في حفل عبدالعزيز بن مصلح الشدادي
حياك الله يا أبو عيد
والله يبيض وجهك ويعلي قدرك ويستاهل عبدالعزيز كل خير ويستاهل أبو مشعل الحضور والمشاركة وصح لسانك ملايين |
رد: قصيدة في حفل عبدالعزيز بن مصلح الشدادي
لله درك ماشاءالله تبارك الرحمن
صح لسانك شاعرنا الكريم عبيد بن سلطان هلابك وهلا بحضورك وهلا بجديدك تقديري وشكري تقييمي |
رد: قصيدة في حفل عبدالعزيز بن مصلح الشدادي
صح لسانك وبيض الله وجهك
وبستاهل ابو مشعل |
رد: قصيدة في حفل عبدالعزيز بن مصلح الشدادي
صح لسانك ولا هنت شاعرنا كل الشكر والتقدير لك |
رد: قصيدة في حفل عبدالعزيز بن مصلح الشدادي
الله يحييكم ويرفع مقامكم ويعليكم
والشكر الجزيل لكم على المتابعة والله يقدرني على التواجد معكم بكل جديد ومفيد |
رد: قصيدة في حفل عبدالعزيز بن مصلح الشدادي
صح لسانك
واعتلأ شأنك لاهنت على القصيدة |
رد: قصيدة في حفل عبدالعزيز بن مصلح الشدادي
بيض الله وجهك يا أبو عيد
وعساك على القوة اليوم ودوم يستاهلون ربعنا كل خير وصح لسانك |
رد: قصيدة في حفل عبدالعزيز بن مصلح الشدادي
كفو والله يا أبو عيد
شاعر كبير ومميز وربعك يستاهلون كل خير لا فض فوك |
رد: قصيدة في حفل عبدالعزيز بن مصلح الشدادي
ارحب هنا بكل من شاركنا
قراءة القصيدة ومن أبدى اعجابه بها وأشكركم على حضوركم المشجع |
05:13 AM |
Powered by vBulletin® developed by Tar3q.com