ان بحثنا عن نهايه في دهاليز الخفا=لاجديد /غير ما يلفي علينا من بعيد
وان سألنا عن مدى شدة معاناة الجفا=فالاكيد/ تنثني وتذوب قضبان الحديد
وان طلبنا منكرينا جزء من نسبة وفا=فالعديد /المشاعر برد وابرد من جليد
وان تمنينا بدنيانا فقط ساعة صفا=تقطع ايد /واحمد الله لو سلم حبل الوريد
وان تشجعنا على غفله ورددنا كفا=وش يفيد/ يستمر الحال والامر الشديد
وان صبرنا وان تجاوزنا على رمي القفا=تستقيد/ فوق ما يكفيك والزايد يزيد
وان تمادى الحال واللي عال قلنا له أفا=مايزيد /غير مايغمرك ضر ولا يفيد
وان بغينا نعزم البردان في جال الدفا=ما يريد/ غير طردتنا لكي لا نستفيد
وان غطينا الجرح لين انه تورم واعتفا=من يكيد/ زاد ترديد الملامه والوعيد
وان عطينا من سألنا حاجته لين اكتفا=ما يحيد / وان غرفنا له من اموال الوليد
وان سألتوني وش الدبره اقول اللي عفا=السعيد/ من بحبل الله على الراي السديد

صح لسانك
وعلا شانك
ولاهنت شاعرنا
على القصيدة الجزلة