العسكرية ..لمن؟؟؟
يالله انك لاتعود العسكريه=النصيب اللي على البدله حداني لبسوني لبسة ٍ ماهيب ليه=درعوني باللبوس المشبهاني دربونا مثل تدريب المطيه=والصعب منا يعود مطوعاني يالله انك لاتحملنا زريه=حيث حنا للمعاصي مانداني ياوجودي وجد حمر ٍ عيدهيه=ساقط ٍ فيها الحقب ويا البطاني فوقها قرم ٍ ببا كور ٍ قويه=من ورى العارض يبي دار شهراني قطر القربه وقدمه قيهميه=مع زوال الظهر يوم الشوف داني هسها العرقوب والديره رديه=لين دم الجوف بالذرعان حاني او وجودي وجد عرب ٍ فوق طيه=في لهيب القيظ معطيت ٍ ثماني هملن عيالهن بارض ٍ خليه=واصبحن اعيالهنه ذيهباني يوم جن البير لياهي جاهليه=ما عليها لا ورود ولا محاني بركن بالشمس تصهرهن شويه=كل منهن كنها الخرص الهلالي لو بغيت ادله طرى الطاري عليه=واستحس القلب والهاجوس جاني يوم اشوف الدين مرتجدا ً عليه=والظهر عريان والجوع يحداني طالبك رزق ٍ تحطه في يد يه=ماعلى بابه شريف ولا هداني هالقصيدة الجزلة واللي أشهر من نار على علم والتي للأسف يتناقلها الناس ولا يعرفون شاعرها . |
يالمستحيله ألف شكر ولاهنتي ويعطيك ألف عافيه |
نعم يالمستحيلة
هذه القصيدة مشهورة وما أظن بقي أحد ما سمع بها لكن مانعرف قايلها ..؟؟؟ |
مشكووووووووووور يالمستحيلة على نقل هذة القصيدة الجزله
وهذة القصيدة للشاعر: عواض بن ضيف الله بن حمدان العطشاني الشــــــــــــــلوي |
مشكور يالشلوي
القصيدة متداااولة بكثرة ..من حق صاحبها ان يعرف الف شكر |
هذه القصيدة لـ ( وائل بن محماس طرطشلي )
بس اش معنى (عيد هية) ولك مني الشكر |
اذا كانت القصيدة لوائل بن محماس طرطشلي
عطني رقم جواله عشان اتأكد . القصيدة للشاعر: عواض بن ضيف الله بن حمدان العطشاني الشــــــــــــــلوي وخل ولد محماس يتاكد زين ياكديميس |
أخوي الشلوي
كديميس يحب المزح وأنت صدقت هنا الكل أخوة وأحبة وبينهم مزوح وضحك وما أحد يزعل من أحد وأنت أخو ومنا وفينا وإن شاء الله يكون صدرك وسيع وتتقبل المزوح |
القصيدة اكثر من ممتازة .. واشكر من مر ورد ..
|
أولاً : مشكـورة يالمستحيلة على هذه القصيدة ... وشكلـك عسكــــرية ثانياً : يالشلوي القصيـدة هـذي لها أكثر من خمسة عشـر سنة وأنا أسمعها وتعددت الأقوال في من قالها ثالثاً :ياعزيزي أثبت كـلامك في أن الشـاعر الذي أسميتـه هو قائل هذه القصيـدة لأن مجـرد قولك أن الذي قال هذه القصيـدة هو فلان من الناس لا يكفـي لأن ننسب القصيدة له ! فلو ذكــرت أنا هذه القصيـدة عند مجموعة من الناس ونسبتها للشاعر الذي أنت ذكـرته وسألونـي ماهو دليلك فماذا أجيبهــم ؟؟ أرجـو من الأخ الشلوي عـدم الزعل لأني أرغـب في التـوثيق فقط لاغير ! |
02:40 AM |
Powered by vBulletin® developed by Tar3q.com