ياهاجسي يوم وصلتني تحيّاته=اسلم وسلّم وخذ علمي ومضمونه
من شاعر جوّد المرسول مافاته=ولشاعر ماذخرنا الجهد من دونه
مااحد وصل لو حرص لحدود غاياته=يمسي ويصبح وتتجدد به شطونه
حسبي وشفّي من النشمي عباراته=يكفيه نظم الغلا بابيات موزونه
عذب المثايل تناسبني مجاراته=على دروب الوفا مااقول يطرونه
مداهله بالطريق اسرع مساراته=في موتر سايقه ماحن طبلونه
ان طاف ماطيف وموزّن مراياته=وان مر ماشيف غير الطيف من لونه
مابين خط النهايه من بداياته=اسرع من اللي من البارود مشحونه
بيض البيارق تسامت ضمن راياته=وحسن النوايا على شرواه مفتونه
تبين من منطقه كل امتيازاته=وبالوجه كل العبر في نظرة عيونه
في حفظ ربه بروحاته وجيّاته=ومجار من كيد حساده ويفدونه

المشاركة الأصلية بواسطة : رعد الجبوب (المشاركة 1389221) صح لسانك وزان بدعك وقيفان تحياتي وتقديري

المشاركة الأصلية بواسطة : شمس المدائن (المشاركة 1389230) صح لسانك واعتلى شانك ابيات اكثر من رائعه

المشاركة الأصلية بواسطة : السلطان (المشاركة 1389310) الله الله يا أبو فهد كفو والله يا شاعرنا وصح لسانك ولا هنت على هذه القصيدة الرائعة وما هو غريب عليك التميز

المشاركة الأصلية بواسطة : ضياء القمر (المشاركة 1391255) جزاله صح لسااانك و يسعد مسا الشعر ومساااااااك