الله يديمك يا رفيقي ويرعاك
 

الله يديمك يارفيقي ويرعاك
لك عادةً من طيبها مستديمه

والله يديم اللي على الطيب رباك
مثل الجبل شامخ فعولك عظيمه

من ياصلك ماضنتي بيتعداك
غريزتك بالطيب مبطي قديمه

يفداك منهو مقفي عنك ماجاك
والمقبل االلي ماله ايات قيمه

عطيت للمحتاج يوم الله اعطاك
ويدينك الثنتين فيهم رحيمه

ماهو راياء منك لاكن نواياك
ابيض واطهر من دموع اليتيمه

في خاطري بيتين دايم لشرواك
تطري علي بكل لحظه حسيمه

اشوفها فيك انت ويشوفها ذاك
ويشوفه اللي نيته لك سليمه

انتم شعاع الشمس والنور مبداك
وانت عدو البخل وانت سقيمه

لك وجه ابيض بين ربعك وملقاك
ملقى الشيوخ العارفه والحسيمه

فعل الجميل وكلمه الطيب تزهاك
كسبتها يومنها بك مقيمه

اليا عطاك الله لاترحم اعداك
خل العلوم الطيبه لك غنيمه

ميقاعها في يدين مثل وشرواك
تفتح عيون اللي عليها غشيمه

وخل الحسود يتوه بك وبمزاياك
اللي لفعل الطيب الله عليمه

رد: الله يديمك يارفيقي ويرعاك
 

سلمت يمينك يعطيك الف عافية وننظر المزيد

رد: الله يديمك يارفيقي ويرعاك
 

امين الله يديم اصدقائنأ الطيبين http://www.shdadeen.com/vbq/images/icons/icon13.gif
كلمات جميله http://www.shdadeen.com/vbq/images/icons/icon13.gif
الف شكر ياشاعرنأ وصح لسانك http://www.shdadeen.com/vbq/images/icons/icon13.gif

رد: الله يديمك يارفيقي ويرعاك
 

صحة ابدانكم جميع وشكراً لكم ولمروركم الكريم

رد: الله يديمك يا رفيقي ويرعاك
 

ارحب يا أبو نايش
والله يبيض وجهك ويعلي قدرك
ما قصرت والقصيدة جداً رائعة
وصح لسانك ملايين