صباح الخير
اخواني الاعزاء هنا اربعه
ابيات وصلتني مسج على الجوال
من الاخ سعود عايض الحارثي تهنئه
بعيد الفطر المبارك ورديت
عليـــــها
سعود يقول

بان الهلال وفرحت الناس بالعيد=عيد الفطر يالله علينا تعيده٠
بالله ياتركي تشب المواقيد= ارب ابو تركي يجيد القصيده٠
ويفتل بيوت الشعر ويعيد ويزيد =مدام جا للشعر فرصه سعيده٠
ودي نبارك للرجال الاجاويد =ونطلب من المولى يوفق عبيده

رديت
عليه اقول

العيد حل وغرد الشوق تغريد= لعسف المهار النادرات الفريده
من هاجس اللي قال جني الدرر فيد=الغوص غبة بحرها مايكيده
اللي رضع معنى الاصاله من الديد= ليا بناها جت على مايريده
تخضع له الجزله كما العبد للسيد= وتلين له لو هي لغيره عنيده
ابني واهد القـاف والغيـه تجديـد=ميزان بنيانـه ليـا اختـل اعيـده
ادراه واصونه عن اهل المناقيد=واحوف مظمونـه بفكـره جديـده
اهلا" هلا يانسل قوم صناديد= اهل الشهامه والخصال الحميده
الله يبارك في لياليك وتعيد=عليك هالفرحه سنين ٍ عديده
شهادة ٍ لسعود وامثاله بقيد=بالمختصر خذها بجمله مفيده
العود يحرق فالمجامر ضحى العيد=ويشم عطره من مسافه بعيده

المشاركة الأصلية بواسطة : بندر النايف (المشاركة 1014366) الله الله ... وما أحلى واروع العيد وأنت فيه يا تركي وكل الشعراء الجزلين .. حياك الله وصح إلسان بن عايض وصح إلسانك .. دمتما بود .

مرحبـا يابـــو
نايـــــف
شرفني مرورك العذب
صــــح بــــدنك يالغالــي
لاعــــــــدمتـــــــك

المشاركة الأصلية بواسطة : وحي الألم (المشاركة 1014370) أقسم بالله إنك قمه ياتركي والله إنها تعجبني صياغتك للفكره وترابط صورك الشعريه الله يسعد قلبك ونعم فيك وفي اللي ارسل لك الابيات