يا عين هلي صافي الدمع مدرار = ومحد ٍ يلوم العين لا هل ماها
عليك يا شيخ ٍ مواقيفه كبار = عقبه نجوم الكون ظلّم سماها
الشيخ أبو يوسف كما الوالد البار = كل الصفات الطيبه قد حواها
دين وشجاعة والكرم سر وجهار = يعطي العطايا ما يدوّر جزاها
وللكايده يرسي مثل ضلع سنجار = ما حرّكه عاصوفها مع هواها
وريف ٍ لمن جاء له من الوقت محتار = يشكي من صدوف الليال وعناها
يا شيخنا اللي تحتمي الراي والشار = وفعول ربعه في القدم ما نساها
سجل لها في صفحة المجد تذكار = في صفحة التاريخ كل ٍ قراها
حر ٍ تسلسل من مواكير الأحرار = العزوة اللي دوم يذري ذراها
حمّاية التالي على قحص الأمهار = ويا ويل منهو يعترض في نحاها
ليت المنايا ما تدانا للأخيار = وتاخذ بدلهم ناس بيّن رداها
وألا نسوق المال دونه والأسعار = ويرجع لنا حب القلوب ومناها
مار القدر في يد علام الأسرار = سبحانه المعبود رافع سماها
عسى مقر الشيخ في روض وانهار = في جنة الفردوس يقطف نماها
برحمتك يا منجي نبيك من النار = وسامع دبيب الذر عالي حصاها
وصلاة ربي عد هتاف الأمطار = على الرسول الهاشمي منتهاها