أعزائي أعضاء منتدى الشدادين لا يستطيع المرء أن يتجاهل من أحبهم وأحبوه
وإزاء الحاح ورغبة بعض الأعزاء وعلى رأسهم الأستاذ الفاضل السلطان لا يمكن للشعر
أن يتصف بالحرمان ولو على الأقل منح (تصبيرة) على أمل أن يجود في قادم الأيام
أرجو أن تستمتعوا بهذه التصبيرة وتقبلوا تحياتي

من هاجسٍ تطرب السامع مزاميره=ويسكر منه سامعه لو ما شرب خمره
ياحي قافٍ لفاني عقب تصخيره=من شاعرٍ صخّر المعنى على شطره
يومن قريته طلبت من الله الخيره=ورحت اجمع المفرده قطره على قطره
ياحي حطاب ليل وحي تسطيره=ترحيبةٍ خطها الكاتب على سطره
وليا نشد صاحبي واخبرته السيره=اخاف في خاطره تتغير النظره
ما يشرب الما يكون اللي ورد بيره=ولا يونس النار غير اللي وطا الجمره
استعصم الهيض برموزه وتشفيره=وحاولت بالمختصر ما انفكت الشفره
ما عاد باقي منه ياكود تصبيره=غارت مناهل هواجيسي بعد وفره
وان عوّد الغايب وغابت معاذيره=ما هو بساري وهي ما انفضت السمره
وحطّاب لو يرفع اصباعه بتأشيره=يامر ويبشر وانا حاضر وتحت امره

المشاركة الأصلية بواسطة : حطاب ليل (المشاركة 960194) استاذي الغالي ابو فيصل التصبيره كثيره على تلميذك تفضل بقبول فائق الاحترام

المشاركة الأصلية بواسطة : بندر النايف (المشاركة 960396) أهلابك يا شاعرنا الجزل الرائع بن عوض وحياك الله ومساجلات جميلة بينك وبين الشاعر الجزل المُبدع حطاب ليل وصح إلسانك أمتعتنا كثيراً ,. .

المشاركة الأصلية بواسطة : فهد بن رزيق (المشاركة 960401) من هاجس تطرب السامع مزاميره ويسكر منه سامعه لو ماشرب خمره صح لسانك مليارات يابو فيصل واظم صوتي لصوت ابو عبدالله واقول مانسمح لك ولانستغي عن امثالك من الشعرا الكبار اللى يثرون المنتدي ونستفيد من مايقدمون ونتعلم منهم ابدعت وابدع حطاب والله يعطيكم الف عافيه تقبل تحياتي,,