معاصر الشعر
الاخوه الكرام اداري واعضاء (شبكة الشدادين الرسميه) اسعد الله اوقاتكم بكل خير يطيب لي ان اشارككم بهذه القصيده المتواضعه واكلي امل ان تحوز على رضاكم و والسلام عليكم ورحمة الله وبركاته الشعر هم وشعور أحداب=ومنطق يجملك بـأدابـه معاصر الشعر حب وشاب=شاب الشعر كيف ما شابه في عالم الشعر دون أيجاب=ناقص مع النقص باصحابه للشعر يا مسلمين حساب=ومحسوبه يكون بحسـابــه للشعر عدوان فوق أصحاب=وعدوانه اظمن من اصحابه ما هو بكيفك يجي ما جاب=وهو عـلـى كيـف مـا جـابـه نوعا من المغفره وعقاب=واليا رضي فيـك تشقـابـه احساس وأخلافه الطلاب=وتـأمـين لاثبـات طـلابـه ان ما حكمك الشعر غصاب=والله لتبـطـي عـن الـجابـه لا جاء بكيفك يـجي مـا ثاب=وقـولك تـقـولـه وتـعتـابـه الشعر همسة شعور انساب=وبالياف الأعصاب شبابه الهام يستقطب الأسباب=وباسبابه أستوعب أسبابه اقل ما فيه حرق أعصاب=واحلاه والشهد عنابـــه اللي يقول احكمه كذاب=واللي يقول ارفض اغتابه ومن قال امشيه بالمشعاب=دجال واخطاه ما صابه ان كان ما للقصيد نصاب=مجموع قولك فلا طابه مقال شاعر من الطلاب=وأستاذ الاشعار يرقـابه هذى الحقيقه بدون اتعاب=والشعر مدفوعه اتعابه |
رد: معاصر الشعر
كلام في الصميم يا جزل البيان
شاعر كبير وتستاهل التقدير وكل طيب وعلمك غانم وعساك على القوة وصح لسانك |
رد: معاصر الشعر
صح لسانك جزل البيان
شاعر مميز فالك التوفيق |
رد: معاصر الشعر
صح لسانك أخوي الشاعر جزل البيان
وما قصرت في طرح هذه هذه القصيدة والله يعافيك |
رد: معاصر الشعر
الله الله يا أبو محمد
شاعر جزل ومميز ومبدع وهذه القصيدة ما هي الا امتداد لهذه الجزالة ما قصرت والله يبيض وجهك |
09:19 PM |
Powered by vBulletin® developed by Tar3q.com