أمر أمير أمراء
اخواني واخواتي السلام عليكم ورحمة الله وبركاته بما أن اليوم الجمعه 13/1/1430هـ هي ذكرى أكتمال الشهر الخامس لفراق زوجتي أسال الله ان يسكنها فسيح جناته وأن يجبر مصاب قلبي بفراقها لهذا السبب كانت مشاركتي هذ اليوم عن هذا الموضوع وكلي أمل أن لاتبخلوا بصالح دعائكم كل ماجيت بكتب قاف شعر ٍ طرى=طاري ٍ لاطرالي جيت كلي قصيد جيت هم وعذاب وقاف ليل ٍ سرى=وأختلط بالمعاني دم حبل الوريد كل مافي الخيال يتل قلبي ورى=وكل ماأقدم الخطوه خيالي يعيد ويأمر القلب الافكار أمر أمير أمرى=وهي وخلج القوافي له سواة العبيد كان قافي بلوعة خافقي مادرى=غيرها وييييش أبي فيها عسى مايفيد دمع عيني يجدد كل جرح ٍ برى=والجرح يووووووم يتجدد عذاب ٍ أكيد لوعة فراقها مدري غلاها إفترى=في خفوق ٍ محد من لوعته مستفيد غير بيض الورق من سيل حبر ٍ جرى=نار ذكراه جنة هاالضمير العنيد أودعت جثته مابين لحد وثرى=وباقي ٍ قدر حبه كل يووووم ٍ يزيد طيفها يوووووم أشوفه في لذيذ الكرى=نومتي يشهد الله كنها يوم عيد تركي عبدالله الشدادي |
الله الله الله ياتركي صح لسانك وبيض الله وجهك
قصيده رائعه رغم حزنها الله يصبرك يابو غايب ويرحمها ويرحم جميع موتى المسلمين تحياتي الغربي |
الله يرحمها ويسكنها فسيح جناته صح اللسانك يابوغايب وبيض الله وجهك والف الف الف حمدالله على السلامه من طول الغيبات جاب الغنايم وانت جيت بالجواهر ودرر القصيد الله يصبرك ويعوضك انشاء الله وفي انتظار المزيد لاهنت ولانسمحلك بالغياب منت معذور |
أحجز على ماتريد حجزه وأنا أخوك وانت تمون وغالي |
اقتباس:
ألله يجزاك ألف خير وصح بدنك ياسنايدي جواهر وصرفها غالي عند النشاما شرواك وضرب ٍ في ظلي مايوجع علم الغالي ياغالي وعن طلبك ابشر بعزك غالي والطلب رخيص |
اقتباس:
|
لا هنت يا أبو عبدالله وصح لسانك
ونسأل الله العلي العظيم أن يتغمدها بواسع فضله ورحمته وأن يجعل مثواها الجنة وأن يجمعك بها في مستقر رحمته في مقعد صدق عند مليك مقتدر |
اقتباس:
إبدااااااااااااااع ياتركي بيت عن قصيده لله درك يامبدع الله يرحمها ويغفر لها ويجمعك بها في الجنه أأأأأأأأأأأأأأأمين يارب العالمين سوف أعود مره أخرى فقط للإستمتاع بما يكتب الشاعر الكبير تركي عبدالله |
صح بدنك يابو عبدالله والله يجزاك خير ويقبل منك وتقبل شكري وتقديري |
اقتباس:
كان قافي بلوعة خافقي مادرى=غيرها ويش أبي فيها عسى مايفيد الرهاوي الله يعطيك العافيه أنت شهادتك بقافي أعتبرها وسام شرف لي وله الله يجزاك بالخير ويقبل دعائك ولا يحرمنا منك ومن آرآئك الجميله |
11:33 PM |
Powered by vBulletin® developed by Tar3q.com