محطات الحياة
من العايدين و كل عام وانتم بالف خير
ابيات بسيطة من الأرشيف في محطات الحياة ابتديت وما انتهيت=ضحكة الأحلام تغري وأنا توّي صغير فوق صهوة نيتة الطيب ساري ما دريت=عـن مشاوير الليالي ومحفلها الكبير السؤال يموت واللي سألني وش لقيت؟=لا يقول شلون شيّب شعر راس الغرير عشت في غربة وصدمات يوم إني صفيت=بين عارف وش مصيري ومجهول المصير الخساير موجعة يوم ضحيت وعطيت=والوضع لا قلت عادي ترى جداً خطير غابة الأيام فيها وحوش وهدم بيت =لا سلمت من الوحش ما وراك الا السرير شفت جرح الذيب دامي ومن حالة بكيت =لا هو اللي عاش والا لقى المثوى الأخير شفت وجه الصدق يرمي قناعه واستحيت=كنت أحسب الماء زلال وظهر مرّ الغدير اقتربت وصار بعدي كثر ما قلت ليت =وليت ما خلت بيدّي قليل ولا كثير جيت هاقي وابتديت استشك اليا هقيت=رحـت مثل الطايح اللي يقول انه بخير جيت ظامي والظماء ما يجامل لا ظميت =وما لقيت الماء من الشيخ ابو قلب وضمير من يدور عز في راس ما يملاه صيت=راح يلقى الذل لو هو من يدين الأمير كيف أريّح شاشة الفكر لا مني غفيت=والجروح تصيح واصحى على نخوة ضرير العقل ينسى ونفسي ترد اللي نسيت=شي أكبر من دموع الرجل حزة عصير وين ابلقى لي دواء كل ما أقبلت وسريت =والدواء والله ما يجبر العظم الكسير لو جروح الناس تطوى وتبرى ما بريت=الجروح أحيان تكبر مثل جرح الفقير في محطات الحياة انتهيت وما انتهيت =ماتت أحلامي بكفّي وانا رجلٍ كبير |
رد: محطات الحياة
ارحب ارحب يا شاعرنا العزيز أبو سلطان
والله يحييك في منتداك بعد طول البعد وصح لسانك مدد بلا عدد وعسى عيدك سعيد وعمرك مديد |
رد: محطات الحياة
صح لسانك أخوي الشاعر أحمد الشدادي
وصح لسانك على هذه القصيدة الرائعة وإن شاء الله نشوف لك المزيد من القصائد ونتشرف بقراءتها والاستمتاع بها |
رد: محطات الحياة
مرحبا ملايين وصح لسانك
ولا هنت على هذه القصيدة والله يجمل حالك ما قصرت ونطالبك بالمزيد والجديد |
رد: محطات الحياة
صح لسانك أخوي الشاعر أبو سلطان
ما قصرت وأبدعت والله يعطيك العافية حضور متميز وعودة قوية بهذه القصيدة |
رد: محطات الحياة
اقتباس:
|
رد: محطات الحياة
اقتباس:
|
رد: محطات الحياة
اقتباس:
|
رد: محطات الحياة
اقتباس:
|
رد: محطات الحياة
صح بوحك وجزل الابيات ابدعت اخوي أحمد
..كن بخيرروعافيةة استمرر !! |
02:56 AM |
Powered by vBulletin® developed by Tar3q.com