ياهجوسي ترجمي والوقت ساعات انتظار=ان مضت لحضات عمرك ماتعوّد بالنكايف
انتقي جزل المعاني وافتدي خير الديار=كم تلا فيها الرسول ومن كتاب غير زايف
مرّت اوقات الليالي ضمن ساعات النهار=كوكب الارض استنار بموطني زين الوصايف
ياسنا برق توهّج والفضا منه استنار=كيف ياساري بليلك ماتشوفه وانت شايف
مد شوفك في شعاعه لو تهد الطير طار=ياجلا سود الليالي ياعسى والحال رايف
في ذرا ماشاء ربي كل معدن له عيار=والسعوديه عيار المجد فالشّم النوايف
ياعسى دار تجلا زينها عن كل دار=فال همال هما بالغيث من مزن ذرايف
دارت ابيات ببالي سيرها ضمن المسار=دلّة صبّت هجوسي بن في فنجال كايف

حياك الله أخوي

صح لسانك وعلا شانك

ولاهنت على القصيدة الجزلة

المشاركة الأصلية بواسطة : بنت النشامى (المشاركة 1387145) حياك الله أخوي صح لسانك وعلا شانك ولاهنت على القصيدة الجزلة

المشاركة الأصلية بواسطة : نهى عسير (المشاركة 1388063) صح لسانك قصيده جزله سلمت يداك

المشاركة الأصلية بواسطة : السلطان (المشاركة 1388093) الله يحييك يا أبو فهد والله يمسيك بكل علم طيب راعي طيب وراعي جود وصح لسانك ملايين

المشاركة الأصلية بواسطة : رعد الجبوب (المشاركة 1388135) صح لسانك اخوي سفير وشاعر وعساك على الجزل دايم