يالله عسى غر المزون المراويح=تمطر على قبرٍ سكن فيه غالي
ضلى يجيني في المسا والمصابيح=واليوم من الحي والبيت خالي
دمعي يفيح وجرح الخد تجريح=وهذي السنه ياشينها من ليالي
ظليت بين اخواني اللي طحاطيح=اللي على يمناي واللي شمالي
واليوم بين اثنين من خوف لا اطيح=على العصاء واللي مهو من عيالي
ولا أحدٍ يناديني على هبةٍ الريح=تنكروا حتى الرفيق الموالي
بيبانهم صكت بليا مفاتيح=ما عاد به مكسب ولا راس مالي
وياددسني ياللي شلحها شليويح=عطابها دربٍ من الامن خالي
اما انقلب ولا ييجي له سواميح=يقدر عليه الله عزيز لجلالي
ازريت عنها يوم مالي مشابيح=الشوف مابه شوف والعمر بالي
وانا من اول داله البال ومريح=واللي طرى لهل الردى ماطرالي

جاني رساله طيبه ومختومه=جتني على عشرين في شهر شوال
وقلب العنا يغلب دفاعه هجومه=اسلم وسلم لي على العم نفال
يابجاد بيتك بيناتٍ رسومه=مشاكل الدنيا عريضات وطوال
نرضى ولا نزعل من امر الحكومه=والميت اللي مات ما عاد ينشال
وعزي لرجال ليا اعتاز قومه=ميقافهم ساعه كم لعب الاطفال
وديارنا منا ماهيب محرومه=نفتكها من دون ملفى ومعدال
واميرنا نوٍ تظلل غيومه=يا علي بن محماس يانسل الابطال
كيف الرفيق اطالبه في سهومه=اقولها من صدق والحق ينقال
ياربنا تقبل صلاته وصومه=اميرناومخيلٍ فيك بخيال
ياعد ياللي نايفاتٍ رجومه=عينت اهلك اليا اعتزى كل خيال
وعينت طرشٍ بينات وسومه=حم الشعوف اللي من الجال للجال
عد هلةٍ تحت الثرى في حزومه=من بعدها ياربنا ترحم الحال
حنا ليا اونسنا على الكبد لومه=انرجع المكسب على روس الاموال
وكان حلو ربعنا في تنومه=حنا نزلنا وادي الفيض ونخال
بحر الشعر ظليت اطبه واعومه=واليوم مالي مع هل العرف مدخال