الشعر له عند الرياجيل قيمه=سموا الرجال اللي تعرف المعاريف

وألا المهبّل ناقلين النميمة=تحرم عليهم طيبات السواليف

لو البكى بيرد ذربين الافعال= والله لبكي لين تعمى عيوني
لكن سميّ الموت قصّاف الآجال= واللي خذاهم حق ما يرجعوني

والله ما اداني الضعيف= راعي الحكي والنقنقه

عساه للسيف الرهيف=وألا لحبل المشنقه

قالوا علامك ما تثور لفلسطين= قلت الله أكبر ما يفيد الكلامي
لا صار ما ننطح وجيه المعادين= ونردعهم بسيف ٍ يقص العظامي
وألا ترى القيفان ما تقضي الدين=ومهايط الشعار في كل عامي
وأما العرب عزي لهم فالهم شين= حكامهم راحوا سوات النعامي

دنياك يابن آدم تراها مغره= لها على غبن الرجال إرزام
إن أقبلت يا حلو بارد نسيمها= وإن ادبرت شر وبلا واسقام
والعمر مهما طال لابد ينتهي= سوات زرع ٍ مقتفيه اصرام

لا واهنيك يابن شبّاب= ما ولعوك المزاييني

تاكل وتشرب ونومك طاب= وأنا هوى البال مشقيني

اللي بكفه يحط اخضاب= والعين عين الشياهيني

أنا صابني ما صاب نايش وعمي حنيف= عسى الله يرحمهم وأنا يلطف ابحالي
تولعت في حي ٍ غدا لي عذاب وريف= وأنا قبل اشوفه كنت داله ولا ابالي
شعاني بخد ٍ كن وصفه بروق الصيف= وعنق ٍ مثل عنق الغزيّل ليا انجالي
ملكني غلاه وشفت منه الشقاء والحيف=ولا غيره احد ٍ يا فهد مشغل ٍ بالي

المشاركة الأصلية بواسطة : أميرة أبوها (المشاركة 1170244) http://im29.gulfup.com/2012-07-31/1343713789282.gif