ما أقول أنا راعي الحكم والتجارب=ولا أقول فيها ما مضى لى تجاريب
لكن بأسدد في كلامى واقارب=وان ثقلت الوزنة فطيباً على طيب
مرت بى الغربة ربوع ومضارب=عويت من جوعي بها عوية الذيب
اخذت لى فيها استراحة محارب=لاجل ارمى الشارة بروس المراقيب
لقيت قدر أهل اللحى والشوارب=عند اكثر العالم ضيوف ومعازيب
بالمال ثم بالمال واهل المآرب=للمال وللراعية راحوا مناديب
لو كان فوق وجيههم والغوارب=ياطا برجله زندوه التراحيب
والطيّب المعسور يا سد مارب=طيبه ومعروفه يرونه عذاريب
ولقيت أشد الظلم ظلم الأقارب=صبرك عليه الموت ومجابهه عيب
طعمه يكدر صافيات المشارب=وحمله يقص ظهور حرش العراقيب
راعى المثل قال الاقارب عقارب=واقول انا مخطى ولو انه مصيب
هذى فقط موجز لبعض التجارب=واللى بقى لا من عوى الذيب للذيب