|
مدح الشدادين .. لا والله اللي ما نبى غيرهم جار
بسم الله الرحمن الرحيم
الحمد لله وحده والصلاة والسلام على من لا نبي بعده .. السلام عليكم ورحمة الله وبركاته .. هذه القصيدة للشيخ الفارس حبيليص بن عديس رحمه الله شيخ العمور من قبيلة الشيابين ، قالها يمتدح الأمير شرار بن مهرس رحمه الله وقومه الشدادين عندما كانوا الشيابين والشدادين متجاورين في نجد ، فلما أنتهى مرباعهم في نجد ارتحلوا جميعهم قاصدين ديارهم ومواردهم في بوادي الحجاز ، وكانوا يسيرون سوياً حتى وصلوا إلى جبل البتيله بالقرب من حضن ، عندها ودع الأمير شرار بن مهرس وقومه الشدادين جيرانهم الشيابين ، وتياسروا بإتجاه مواردهم في الحارثية ، بينما الشيابين تيامنوا بإتجاه مواردهم في عشيرة ، فلما شاهد الشيخ حبيليص بن عديس الشيباني رحمه الله هذا المنظر أنشد هذه الأبيات مادحاً قبيلة الشدادين بما شاهده من كرمهم وفروسيتهم وقال مخاطباً ابنه ناشي :-
لا والله اللي جاء الصدد في المظاهير = والجار يا ناشي تياسر عن الجار جيراننا اللي تحتمل للمخاسير = فكاكة المضهود لا أشتبت النار يتلون أخو فاحا سنود ومحادير = وإن زاد نبت الوسم في كل مخضار يا زين رفع ارباعهم للخطاطير = لا والله اللي ما نبى غيرهم جار |
رد: مدح الشدادين .. لا والله اللي ما نبى غيرهم جار
الله الله يابوزايـــــد
قصـه وقصيده في قمة الرووووعـه وعزالله انها السوالف اللي تشرح البال لاهنت وبيض الله وجهك ياسنافــي |
رد: مدح الشدادين .. لا والله اللي ما نبى غيرهم جار
ماشاء الله يابو زايد
عدة أبيات لكن أنها عن مليون بيت بدون مهايط كل من جاور الشدادين أو أحد شدادي وفارقه كتب على فرقاه قصيده منها يابو عشق يابعد دار الشدادين وعدة قصائد كثيرة الله يرحمهم جميعاً ويسكنهم فيسح جناته لآهنت يابو زايد وبيض الله وجهك |
رد: مدح الشدادين .. لا والله اللي ما نبى غيرهم جار
الله واكبر على هؤلاء الرجال
وعلى تقاليدهم وعاداتهم في الجيره وحب الجار وعلوم الوفا سلمت اخوي على ايرادها بس ياليتك جبت تكملة القصيده فأكيد لها تكمل فشاعر قال هذه الابيات مستحيل يكتفي بهالقدر البسيط ولازم يكون للقصيده بقيه وعلى كل حال ابن مهرس شيخ معروف وابن عديس شيخ ومعروف والشدادين كلهم والشيابين كلهم ونعم وسلمت على كل حال |
رد: مدح الشدادين .. لا والله اللي ما نبى غيرهم جار
بيض الله وجهك يافيصل
ولاهان راسك هذي السوالف اللي نبيها وياليت تفيدنا بالكثير من سوالف الاولين الله يرحمهم |
رد: مدح الشدادين .. لا والله اللي ما نبى غيرهم جار
فيصل
طابت ايامك بكل خير اشكرك على إدراج قصص وقصيد الأولين والله يكثر من امثالك تهتم بالقصص التي ترفع الراس عن قبيلة الشدادين خاصة وبني الحارث عامة. |
رد: مدح الشدادين .. لا والله اللي ما نبى غيرهم جار
اقتباس:
وانتم عندكم عدد من قصص القبيلة لكن ياليت تجتهدون في جمعها وتنزيلها في المنتدى واكون لكم من الشاكرين .. |
رد: مدح الشدادين .. لا والله اللي ما نبى غيرهم جار
اقتباس:
وتاريخ الشدادين ولله الحمد حافل بمثل هذه القصص الدالة على كرم الشدادين على سبيل المثال ما قاله الشيخ سعد بن قطنان السبيعي رحمه الله في الشدادين : يا ربعنا شوف الشدادين عيدي = ظعونهم لأقفت يجي القلب حسات يا طي قلبي طيهم للشديدي = والبيض في غبطانهن امخبيات يبون براق مزونه بعيدي = يرعونها في شف لقح وخلفات وما قاله الشاعر مشعان الهتيمي : يا عد عينت الشدادين يا عد = اللي ليا من جيتهم رحبوبي اهل حلة ٍ للضيف منصى ومقصد = ونجر ٍ على عسر الليالي طروبي والبيت ما يبنونه الا على الحد = ويفجون غرات الحفيف الحروبي وما قالته الشاعرة الحافية الروقية : الله يسقي داركم يالشدادين = يمطر عليها كل صبح وعشية جيراني اللي في القبايل عديمين = ويكرّمون الضيف في المعسرية |
رد: مدح الشدادين .. لا والله اللي ما نبى غيرهم جار
الله يا زين مشاركاتك رغم قلتها يا ابن مهرس
والله يرحم أبطال الشدادين ورجالهم اللي راحوا ورحلوا وألف شكر لك يا فيصل متمنياً منك التواصل معنا وعدم مقاطعتنا |
رد: مدح الشدادين .. لا والله اللي ما نبى غيرهم جار
رحم الله أجداد ورثوا أمجاداً
وبارك الله في أبناء خلدوها لهم سجل حافل لآل شداد بارك الله في الجميع . |
| 07:13 PM |
Powered by vBulletin® developed by Tar3q.com