أنا أشهد إنه صابني ياسعود عصر اليوم عوق=واحس في صدري يابو عادل سوات الإحتراق
راقبت لي غيمه تلاعبها وتزهاها البروق=وأحسها تضحك ومليانه على البرق إشتياق
من شوفها ياسعود زادت قلبي المشتاق شوق=واللي شعى قلبي معانقة السحاب إليا تلاق
ياويل عيني يوم أشاهدها وياتل الخفوق=أحس باقي لي ثواني بس وآموت أختناق
أغيب معها مع معانقها واعانقها وافوق=وارجع واغيب عن الوعي واصحى وحالي لايطاق

يارب كثّر في وطنّا هل الدين=أهل اللحى وأهل الثياب القصيره
أهل الرضا والعفو والمنطق الزين=وأهل الوجيه المنورات السفيره
الطيبين المفرحين الأنيسين=أهل العقول المنورات البصيره
المهتدين الصادقين المنادين=للحق في نور وبيان وبصيره
أحفاد إبن عباس وابن العثيمين=اللي بعدهم كمّلوا بالمسيره

عساني ما انحرم هالصوت دايم=وعلى راعيه ما اسمع بالمضرّه
عليه أضمأ ضما عطشان صايم=نهار القيض في مبطان حرّه
عمود الشمس فوقه رمح سايم=ولضا الرمضا تحت رجله يفرّه
غلاه بخافقي قاعد وقايم=ومناي وبهجتي لله درّه
رخيم مجار من معنى الرّخايم=غليظ ولاشكى مسمع يمرّه
غليظ وباللطافه طيف زايم=هديل أسدام من بحّه يجرّه

العام يوم الغلا واقف على ساقه=ساق قدمي ماتعنا في وقوفي له
واليوم صار الغلا ماعاد له طاقه=يوقف على حيله وساقي وقف حيله
أهل الهوا صعب تلقاها على فاقه=محال دمج القلوب ولابها حيله
وابن الملوح وليلى صح عشاقه=في وقتها يوم كان الصدق تهليله
الصدق من بختها فتح لها طاقه=شباك قلبه على شباكها سيله