شبكة الشدادين - شــوفــوا هالشاب كيف ضحك علي وقدر يسحبني في الكلام

( قصة )
كنت جالسة بروحي وفجاة دق التلفون

بلا الم : الو

المتصل : السلام عليكم

بلا الم :وعليك السلام

المتصل وبسرعه يتكلم وكانه مستعجل : اختي معالك ادارة الحكير سنتر لاسياحه والترفيه

وحابين نجري معكم مسابقه واذا فزتي تحصلي على مبلغ بقيمة ألفين وخمس مائه ريال او بطاقة شراء بنفس القيمه

بلاالم وانا طايره من الفرح.." هلا اخوي تفضل .."

المتصل : لو سمحتي اختي المسابقه لاطفال عندك طفل يكلمنا

بلا الم .." هااااه لازم طفل .."

المتصل : .."عادي ماهو شرط بس لازم تكون الجائزة باسمه .."

بلا الم : طيب ولدي الحين ماهو فيه عادي انا عنه " ياكبرها من كذبه "

المتصل : خلاص جاهزه

بلا الم : ايييييه اخوي

المتصل : راح اسالك خمس اسئله لو جاوبتي على ثلاثه راح تفوزي معنا

بلا الم : ان شاء الله

المتصل : السؤال الاول: كم عدد الحروف الانجليزيه ؟؟؟؟

بلا الم وهي تبلع ريقها : هاااااه وتحاول تتذكر ثمانيه وعشرون

المتصل : خطا وراح اساعدك احذفي رقمين

بلا الم : سته وعشرون

المتصل : صح ....السؤال الثاني

مااسم مخترع الراديو؟؟؟؟

بلا الم وتفتح عيونه على الاخر: وش .... مخترع الراديو

المتصل : اختي بسرعه تراك اخرتيني

بلا الم : طيب ساعدني

المتصل اكثر من كذا ماقدر

بلا الم وتعصر مخها : امممممم مااعرفه

المتصل : السؤال الي بعده ماهو اللون المفضل لك

بلا الم واستغربت من السؤال : اااااالتركوازي

المتصل طيب اختي من خلال هالسؤال اسالك عدة اسئله وبأقل من دقيقة تجاوبي

بلا الم : طيب

المتصل : ملابسك الي انتي لابستها وش لونها و من كم قطعه تتكون

بلا الم : وش هو ........... وش هالسؤال

المتصل : يوووووه ياختي خلصيني بسرعه

بلا الم : طيب وش هالااسئله الي مالها داعي

المتصله : اعذريني اختي بس هاالاسئله موجه لاصغار وانتي طلبتي تشاركي

بلا الم : طيب انا اجواب عن ولدي عاااادي

المتصل ويتافف : خلاص جاوبي

بلا الم : ولدي لابس اللون البرتقالي ويتكون من خمس قطع " عرفت ا دبرها "

المتصل طيب السؤال الي بعده حاولي تركزي زين

امي كعاده جت وجلست عندي وتطلب اعطيها السماعه

بلا الم وتحط ايده على السماعه : معدين افهمك خليني اخلص

المتصل : اختي انتي معانا

بلا الم : اييه معاك

المتصل : اختي لو حسبتي وزنك مع طولك راح تحصليه مناسب

بلا الم وفاتحه فمها على الاخر : اشوف الاسئله تتدخل بالاشياء الخاصه

المتصل : يااختي احنا شغلنا ترفيه وتسويق ولازم تكون الاسئله على هالموال

بلا الم وكبرت عقلها شوي : طيب لو سمحت انت وش اسمك

المتصل : معاك عبد العزيز من ادارة الحكير سنتر لي مكتب خاص اذا حابه تصدقي روحي واسألي

بلا الم : طيب ممكن تغير السؤال

المتصل اسف اختي وتراك اول وحده تاخذ معي وقت مثلك

بلا الم : طيب خلاص انا ماابي اشارك في هالمسابقه

ومع السلامه ..... وقفلت الخط بوجهه

امي ... وش فيك ساعه تسولفي ومين هذا

بلا الم ...هذا رجال يسوي مسابقه لاطفال بمناسبة افتتاح الحكير في مدينتنا

امي : وش لك في الخربيط هاذي

بلا الم : هديتهم مررره حلو بس اسلتهم بايخه مثل وجهم

ويدق التلفون مره ثانيه

بلا الم : نعم

المتصل : السلام عليكم ......اختي راح اغير لك السؤال وهاذي اخر فرصه لك

واتمنى الجائزه ماتروح عليك

بلا الم .. ان شاء الله .... السؤال

المتصل: كم وزنك

بلا الم :رجعنا لاسئله البايخه

المتصل : ماهو لازم وزنك الحقيقي عادي أي وزن

بلا الم : امممممم وزني ستين

المتصل طيب وزعي وزنك على باقي جسمك

بلا الم : يعني كيف ....... ماني فاهمه

المتصل : يعني يدك فيها خمسه كيلو رجلك فيها عشره كيلو وكذا

بلا الم : طيب ...اممممم شعري فيه خمس كيلو

ويدي فيها خمس كيلو والثانيه فيها خمس ورجولي الثنتين فيها عشر

المتصل صار كذا خمسة وعشرين والباقي وين راح الارداف وين راحت والصدر

وين راح والباقي .....!!!!!!!وانتم عارفين وش يقصد

بلا الم انقهرت من وقاحته : طيب لو سمحت اخوي اتصل على الهيئه واشاورهم بالاسئله
وبعدين اجاوبك

المتصل :وش دخل الهيئه واظن ان اسئلتي اسئلة اطفال وانتي الي اخترتي تجاوبي

بلا الم : طيب عادي ايش فيك خفت .........اكلمهم وارد عليك

المتصل : صدق انك ماتستحي ..بس ياليت انك ........ يا......... يا.........

" الالفاظ مقدر اكتبها "

بلا الم انصدمت من الوقح الي يكلمها واخرتها طلع كذاب وقفلت التلفون بوجه

وبسرعه فتحت الدليل وطلعت رقم الهيئه

بلا الم : الو السلام عليكم

الهيئه : وعليك السلام

بلا الم :لو سمحت اخوي حبيت ابلغ عن شخص يتصل على الناس ويدعي انه من ادارة الحكير

و يجري مسابقه لهم ويسالهم اسئله خاصه

الهيئه : طيب مثل ايش يابنتي

بلا الم : اساله كثيره منها كم وزنك وش لابسه ومن هالاسئله

الهيئه : مشكوره يابنتي على حرصك ولو سمحتي اعطينا الرقم

بلا الم وتاخذ الرقم من الكاشف تفضل********

الهيئه : الله يجزاك خير في شيئ ثاني تضيفيه

بلا الم :لا مع السلامه

الهيئه : مع السلامه

قفلت السماعة وانقهرت اول مره واحد يضحك علي ويحاول يسحبني بكلام

ثاني يوم جت اختي وخبرتني ان صديقتها اتصل عليها نفس الرجال وقال لها نفس الاسئله وهي

من غباءها صدقة واعطته بيناتها صحيحه ورقمها ورقم اختها وهي الى الان تنتظر

الجايزة

اتمنى انكم استفدت من المكالمه وتعرفوا كيف الشباب لهم الف طريق لسحب البنات

اختكم بلا الم