خيّل خيال ٍ من القبلـة نشـى نـوّه
خيل خيال ً من القبلـة نشـى نـوّه=على أول الليل قـام يلـوح براقـه حنت رعوده وجوي راق مـع جـوه=عقب الهوا ماأقتفاه وجـاك مستاقـه مرخ ٍ سدوله على الجيـان بمـروه=ويكفكف أطراف ثعله ريح ٍ رقاقـه كنـه يقـول الركـود وليلنـا تـوه=وأنا أتحراه وأنشد عنـه وش عاقـه على بروقه صخرت القـاف بالقـوّه=وسبحت بحر القصيد وغصت بأعماقه وأخيـّر النفـس فـي دره ولولـوه=أجيب مـن غبتـه وأبيـع بسواقـه وبعد عن النقـد كلـه ليتـه ولـوه=وهذا وش أرضاه ولا ذاك وش ضاقه يقول حي الولـد وأقـول لـه قـوّه=الـدرب قـدام والأقـدام منسـاقـه يالله طلبنـاك خيـره وإكفنـا سـوه=ياواحد ٍ كل خلقـه ترجـي أرزاقـه بمرك تمده من أسفـل نجـد لعلـوه=ومنها على الصلب والصمان وشناقه لين إن كل ٍ يشب من الطـرب ضـوه=والأرض تنعم ربيع وتشبـع الناقـه في فيضة ٍ من خضار العشب محلوه=تقول موكيت يـوم أطالـع أوراقـه ينعش فوادك ويعطي جـوك طـروه=حتى المشاعر وهجسك ياخذ لياقـه لو قد سبقني عليـه مقـدر الخـوه=أبوفهـد نايـف الحلفـي بطوراقـه لمصخراتٍ يجنـه طـوع وحمـوه=أليا ندب شاردتهـن جـات مشتاقـه تقول بينـه وبيـن الشـرّد أعنـوه=يبـدا بباقـة ورود ويختـم ببـاقـه وأنا عشقت الطبيعه والهـوا مفـوه=من حل في خافقه لايرجـي أعتاقـه لو إن شوف الحيـا سجـه وتلهـوه=للـي ليـا لاح برقـه دق خفـاقـه وحذف شماغه وصاغ البيت بالقـوه=وختار جزل القصيد وجـاك مستاقـه للشاعر سفر المطيري |
صح لسان الشاعر سفر المطيري وصح وسلم الفكر الراقي عند الأخت شموخ شدادية للانتقاء الأكثر من رائع والذائقة الشعرية المميّزة تقبلي مروري دمتِ بخير,,, |
حيّاك الله أخوي واعي
مشكور لتواجدك يعطيك ألف عافية . |
^
^ يقول حي الولـد وأقـول لـه قـوّه الـدرب قـدام والأقـدام منسـاقـه يالله طلبنـاك خيـره وإكفنـا سـوه ياواحد ٍ كل خلقـه ترجـي أرزاقـه الله ياشموخ القصيده رائعه سلمت يمينك والله يعطيك العافيه ^^ |
هلا وغلا يا شغب
منورة الموضوع الأروع تواجدك حيّاك الله . |
04:06 PM |
Powered by vBulletin® developed by Tar3q.com