دار الزمن والشمس تشرق لكن اتلاها الغروب=والشّوف يدرك من مدى الرؤيه على قدر الضباب
والوقت ماياقف ولا لحظه ولا نوب ونوب=والعمر ماتمهل سنينه يا هجير الاغتراب
وان طال وقتي او تحدتني مسارات الدروب=اعلم بأنّا من تراب وراجعين للتراب
اقرب وابعّد وابتعد واقرب ولا زال الشحوب=مدري غدير انهل منه او هو تمادا بي سراب
احيان يتلبّد عجاج الوقت وتهبّ الهبوب=ومرار همّال المخايل او تباشير السحاب
لو فاد قول الاه جرّيت الف اه من الندوب=ولو هو يفيد الوجد نثّرت الدموع من المصاب
صحيح احاسيس الضماير خافيه بأقصا القلوب=ولا ينجبر قلب قسى حتّى ولو بالأمس ذاب
لو دارت احداث الزمن والناس طالتها الكروب=من كان بالجنّه دله وان كان غيره في عذاب
بعض الوجيه اقبالها قبله ومنظرها محبوب=وبعض الجمل من جورها اشد من لكز الحراب
تستعصي قلوب وتلين قلوب والوقت محسوب=وتذوب قضبان الحديد وتنطحن صمّ الصلاب
الهقوه احلام واماني يانجاحي او رسوب=اجزلت من جزل القصيد الين قاف الشعر شاب

صح لسانك

وعلا شانك أخوي

ولاهنت على القصيدة الجزلة

المشاركة الأصلية بواسطة : المستغرب (المشاركة 1415237) يا أخي الوقت مجنون ! ، دعه يسيس السنين ويرمق ايامها ألست شاعر سفير وترمق الاوله؟ لله درك وصح لسانك ومش مستغرب !

المشاركة الأصلية بواسطة : سفير وشاعر (المشاركة 1415222) بعض الوجيه اقبالها قبله ومنظرها محبوب=وبعض الجمل من جورها اشد من لكز الحراب تستعصي قلوب وتلين قلوب والوقت محسوب=وتذوب قضبان الحديد وتنطحن صمّ الصلاب الهقوه احلام واماني يانجاحي او رسوب=اجزلت من جزل القصيد الين قاف الشعر شاب

صح صح صح صح لساااااااااانك يامبدع
لله درك يابو فهد