وين ودّتْك الليالي ..؟
غيمه مرَّت في حياتي والرَعَد خوَّف غزال = وضاقت الدنيا بـ عيني يا بعد كل الغوالي رحت أدَوْرِك في جنوبي لين وصَّلت الشمال= والمصيبه إنَّ قلبي ما هَرَب منّك وجالي هذا آنا اللي دوَّرتك وعاااندت المُحال = ما لقيتك وينك إنت ما لقيتك يا منالي إيييه ضايق من غيابك ومات فيني الإحتمال= بس تأكَّد هذا حظي وهذا في دنياي فالي ما شكيت إلا لـ حالي يوم عذَّبني الوصال = لمَّا دمَّرني غيابك جرحي الأسود طرالي أدري إنِّك ما و " غيبتك "أكبر مثال = وشي طبيعي لو جرحني قلبك اللي ما وُفالي وتدري إنِّي مآتحرَّك شامخٍ مثل الـ جبال= وماخضعت إلا لـ ربٍ وقت هالضيقه صفالي ياللي تسأل عن جديدي و وين ودَّاني الخيال= تحسِب إنِّي بالقصايد أكتب إحساسي وأبالي ما دريت إنْهَا حرُوفي كلَّهَا ظيييم الليال= وكل قصيده في غيابك قلتَهَا وآنا لـ حالي ما سمعها غير " قلبي " والله يا ولد الحلال = وإلا أنا ما جيت أكتب وآنا في دنياي سااالي جيت إلى شاطئ خيالي زايرٍ قصر الرمال = وإنصدمت إنَّه تهدَّم لاحَرَس يحميه و والي ودِّي أكتب لك قصيده و ودِّي أرسم لك هلال= صفحتين بـ إيد شاعر مُرهف إحساسه القصايد يا حبيبي هي ترى مثل العيال = ومن رحلت بعيييد عنِّي قمت أتفقَّد عيالي وين ودَّتك الليالي هذا هو أصعب سؤال= وما لقى قلبي إجابه وين ودَّتك الليالي ترجف أيامي حبيبي وصارت الفرحه محُال = بردك اللي ما رَحَمني شوووف منّه وش جرالي ما بقى أي شي غالي وضعت في كلمة تعال = وما ذبحني غير إنِّك يا بعد دنياي غااالي لا بغى يتركني قلبك تكفى وصَّهـ بالعدال = إبعد شويَّه وإرجع وإبعد وإقطع وصالي ليه يعني في البدايه جيت يسْبقْك الدلال = وليه تتقهوى غرامي وتنثر بـ إيدك دلالي قلت لك إنَّ المحبه ما تْحشِم قَدر الرجال = لـ إستوى بعين { المحبَّه } الثقل ويَّا هبالي وقلت لك نظرة عيونك من علامات الجمال = إستغفر الله لا نظرت المُر صار المُر حالي وقلت لك ما أبي أحبك وإنثنى راس العقال = قلبي عاندني وحبِّك وطااح من راسي عقالي تَحْسِب إنَّه زال حبك لا يا عمري ما يزال = صعبه يتغيَّر مكانك وإنت لي أوَّل وتالي الغنى .. ماهُو حصيلٍ من دنانير ومال = الغنى معناه شوفك يا حبيبي وراس مالي كيف أعزِّل عن ديارك وما قوى قلبي الرحال = ما صمل قلبي فراقك وكانت ديارك رحالي كيف أجاوب من سألني وآنا في حالة ضلال = وينه عنّك من تحبه والسؤال بصوت عاالي قلت ما أسمَعوعاد الكلمه مرَّاتـٍـ وقال = لا إتّهَرَّبْ من سؤالي لا إتّهَرَّبْ من سؤالي وين ودَّته الليالي حيييل يحرجني السؤال= والمُصيبه إنِّي مدري وين ودّتك الليالي |
رد: وين ودّتْك الليالي ..؟
معزوفة الرحيل أبيات فاقت الجمال
صح لسان شاعرها وتسلم يدينك عالنقل أعجبتني في أبيات كثيره ومنها رحت أدور في جنوبي لين وصلت الشمال |
رد: وين ودّتْك الليالي ..؟
صح لسان الشاعر
قصيدة عذبة الكلمات وسلمت يدك |
رد: وين ودّتْك الليالي ..؟
الله الله
يا معزوفة الرحيل على روعة القصيدة وذوق اختياره تسلم يديك والله يعافيك |
رد: وين ودّتْك الليالي ..؟
قصيده في قمت
الروعه والله يعطيك العافيه |
رد: وين ودّتْك الليالي ..؟
معزوفه الرحيل ابدعتي بختيارك
صح لسان شاعرها وسلمت انامل نقلتها كلمات بقمه الروعه دمتي بخير |
رد: وين ودّتْك الليالي ..؟
اقتباس:
اخوي الغريق تواجدك اسعدني كل الود لك |
رد: وين ودّتْك الليالي ..؟
اقتباس:
سلمت لنا اخوي رعد وسلم لنا حضورك المتميييييييز |
رد: وين ودّتْك الليالي ..؟
اقتباس:
حينما هبت رياحك الجميلة على واحاتي سعدت بهذاالهبوب الرائع الذي اعاد لها الحياة والاخضرار فمشاركتك لي كنز واطلالتك عطر فاح في كل مساحاتي |
رد: وين ودّتْك الليالي ..؟
اقتباس:
الله يعاااااااااااااااافيك شاكرة مرورك |
02:08 AM |
Powered by vBulletin® developed by Tar3q.com