إصرخيْ بْعالي الضميرْ اللي عرفتي يا "منال" = يمكـن الأيـام تنصفْ | بكرا هـ الدنيا تدورْ
الليـالي السُـود لو مرّت | وعـنّاها ارتحال = باقـية بيض النوايا وبـاقيْ فيك أجمل شعورْ
لـو يجافون الحبايب | لا قْطَعَوا حبل الوصال = ما يـموت الحـبّ فينا والوفـا لا مـا يبور
لو بكينا | وانخـذلنا واخـتنقْ فينـا سـؤال: = ليه تجفانا السعادة وتوفي ضيقات الصدور؟!
لو ذبلـنا | وانطفـينا والسـهر ساد اللـيال = بكرا نِحْيِيْ هـالذبول ونسقي أرفـات الزهور
ما عرفتْ الشعرْ لكن | غنّى شاعرهـا وقال: = من متى والغصن يَنْدَهْ لاجلِ يختار الطيـور؟!
القدر لو هو فـ يدينا | كان ما اخترنا اعتلال = كاننا اخترنا الفرح وأرض السعاده والسرور
والله ما اخترنا المفارقْ والهموم الـ كالجبال = لا ولا اخترت آتكسّر وأبني من ياسي قصور
تكفى لا ترحل وخلّك | عون لي يا ابن الحلال = لا تفارقني وإنْفَـخْ داخـل النبضـات صُورْ
لا بدى في نـظرتي كلـمةْ "أحبّك" أو "تعال" = ولو يبين إن اللقا لحظـاتْ و الغيبـه شهور
إحتمال ارحل وترحلْ | والرحيل أقوى احتمال = واحتمال الغيـبة تآتي | تسرقْ أنوار الحُضور
لكن إتّـأكّد بشوفـك | بالأغـاني وفي طلال = لا تـغنّى يا حبيبـي يـا زمان الصـمت دُور
دُورْ وْنَـسّينا الحبايب | عـزّي هْمومٍ ثقـال = إرثي فينا هـالجروح ولا تبكّينـا وتُـجـور
أمطرتني هالـمواجعْ | جيـت أدوّر لي ظلال = مالقـيت إلا آتفيّى في بكـا نـزف البحـور
لـو تـعنّينا وذاك الـدرب عنّـاه المحـال = ولـو تغيب الشمسباقي داخل النبضات نُور
ما يضيع الحلم الأكـبرْ | لا ولا أصعب منال = لو نستنا هـ "الأماني" وِسْكَنَتْ جوف القبور
يكفي إنّـك ترسمين الـطهْر في أحلى خيال = ويكفي إنّك "حـالمة" ما بين أنفاس السطور