شبكة الشدادين

شبكة الشدادين (http://www.shdadeen.com/vbq/index.php)
-   بحور القوافي (http://www.shdadeen.com/vbq/forumdisplay.php?f=34)
-   -   ++(((بنات الهوى والحيزبونات والرٍق)))++ قصيدة موجهة للشاعر هاجوس (http://www.shdadeen.com/vbq/showthread.php?t=11411)

سعود سليمان الحارثي 14 Aug 2006 07:21 AM

++(((بنات الهوى والحيزبونات والرٍق)))++ قصيدة موجهة للشاعر هاجوس
 
هذه القصيدة موجهة للشاعر عبدالله بن عويض الشدادي ( هاجوس )

لذلك أرجو من الجميع عدم إفشاء الرقم السري للقصيدة في حالة التوصل إليه ..

ولهم التعليق على القصيدة كبناء شعري !!


مطلوب رد خلال أسبوع .. بعده الحق محفوظ لي في اسناد القصيدة لشاعر آخر ..
الرد يجب أن يكون في قصيدة تفك الشفرة وتحل اللغز ( الالغاز )!!
الهدف الأول هو تبادل الخبرات الشعرية ..وإطلاق العنان لخيال الشعر !!


بنات الهوى والحيزبونات والرٍق

يعجبني المعنى ويطربني الطرق=ويشدني سبك البيوت وبناها
ونفسي تتوق لمنهلٍ جمه أزرق=يبل صاديها ويقطع ضماها
على ضفافه جرد الأغصان تورق=وأثمارها تكبر ويكبر عطاها
لكن غدن مني بنات الهوى سرق=وبكيت ترفاتٍ تقافت خُطاها
أحلى البنات الغِيد والشُقر والطُرق=أمْرّهن ما أقدر أوصف حلاها
أعمارهن شهور مابينهن فرق=عشرين مع عشرين قفت وراها
ماباقي الا الحيزبونات والبُرق=أقبالهن شيب العيون وعماها
أدور معهن دورة الدم فالعرق=والنفس تعبت ما حصل مبتغاها
عتقت من رِقٍ وطبيت في رِق=أتبع هوى الشمطا وأدور رضاها
تسوقني للغرب واسوقها شرق=وأطلب من المولى يحقق مناها
هاجوس دوك القافية شدها وارق=صافح سحايبها وعانق سماها
اشرب سديم وشب نارك من البرق=يمكن مفاتيح الفرج في سناها
وهات النتيجة قبل لا اتوه وأغرق=في لجة بحور الهجوس وغثاها
فصل الخريف أحرق خَضَار الورق حرق=ذبح ربيع الارض وأزهق شتاها

سعود أبن سليمان

الرهاوي 14 Aug 2006 07:31 AM

ابو سليماااااان
صح لسااااانك مليوووووووووون
عزالله انها جزله من شاعر جزل
وانا كني عرفت معناهااا والله يستر هههههههه
ماباقـي الا الحيزبـونـات والـبُـرق=أقبالهـن شيـب العـيـون وعمـاهـا

.
يالله تخارجناا من ابو سليمااااااان

عبدالله الشدادي 14 Aug 2006 08:18 AM

صح لسانك اخوي سعود ولاهنت اتمنى

ان يرد هاجوس على هذيه الراااائعه

تحيتي لك

شهد الربيع 14 Aug 2006 09:42 AM

قصيده رائعه من شاعر رائع

صح لسانك وسلم بنانك

واتمني أن يتوصل للحل قبل أن نبوح بحلولنا

بدوي فاهم 14 Aug 2006 10:10 AM

اقتباس:

الهدف الأول هو تبادل الخبرات الشعريه..وأطلاق العنان لخيال الشعر!!
ياهلا بسعود

صح لسانك يا الغالي ....... قصيده رائعه جدا وننتظر رد الاخ هاجوس

تحياتي

سعود سليمان الحارثي 14 Aug 2006 10:38 AM

اقتباس:

المشاركة الأصلية بواسطة : الرهاوي
ابو سليماااااان
صح لسااااانك مليوووووووووون
عزالله انها جزله من شاعر جزل
وانا كني عرفت معناهااا والله يستر هههههههه
ماباقـي الا الحيزبـونـات والـبُـرق=أقبالهـن شيـب العـيـون وعمـاهـا

.
يالله تخارجناا من ابو سليمااااااان

حياك الله يالرهاوي..وصحت ابدانك!!!
واستر على ماواجهت!!:)

المستحيلة 14 Aug 2006 10:52 AM


http://jory20.jeeran.com/1.gif
ياسلام ياسلام يابو طارق..
في انتظار الرد ..
على
احر من الجمر......!!!......

البرنس 14 Aug 2006 12:21 PM

نتطلع لرد هاجوس

ويعطيك العافيه أخوي سعود

نجود 14 Aug 2006 02:06 PM

http://www.l22l.com/l22l-up-4/f56345d8cd.gif

صح لسانكـ ولا هنت ،،

ما ننحرمـ جديدكـ ،،



http://www.l22l.com/l22l-up-4/f56345d8cd.gif

سعود سليمان الحارثي 14 Aug 2006 02:45 PM

اقتباس:

المشاركة الأصلية بواسطة : عبدالله الشدادي
صح لسانك اخوي سعود ولاهنت اتمنى

ان يرد هاجوس على هذيه الراااائعه

تحيتي لك

وأنا لا أتمنى...بل واثق أن هاجوس سوف يرد..
بقصيدة رائعة..
حياك الله وصحت أبدانك!!


01:07 AM

Powered by vBulletin® developed by Tar3q.com