الليالي مدرسة
بسم الله الرحمن الرحيم السلام عليكم ورحمة الله وبركاته أقدم لكم هذه القصيده . وأعتذر منكم على غيابي الطويل عنكم و عن هذا المنتدى العزيز بأنصحك وأسمع كلامٍ مَجَرَب وإمحسوب = نقحه شاعر يعرف الهزيل من السمين الليالي مدرسه يا نجوح ويا رسوب = وإن بغيت الأوله فأمش ممشى الطيبين الرجال إلي تدلك معا طول الدروب = رجلهم وقت الشدايد يوقف لك عوين وأختر أصحابٍ تعزك ليا حان الوجوب = المثل قال البنادم على حسب القرين رافق إلي عند الأجواد طيب ومحبوب = وأعرف إنه غالياً عند رب العالمين رفقة الطيب جبل ما تغيره الهبوب = رفقته تجعلك دايم بصف الغانمين وأحذر ترافق ردي المساعي والكذوب = الظعيف إلي ليا جاء لزومه ما يبين وإن تبعت أهل الردى فأنت غادي ومغلوب = رفقهم ما ينفعك لو تخاويتو سنين تمت الأبيات ومرتبه بأحسن إسلوب = أعتبر كان أنت عاقل ورجالٍ فطين وسلامتكم أخوكم / فارس بن عايض الشدادي . |
الليالي مدرسه يا نجـوح ويـا رسـوب
وإن بغيت الأوله فأمش ممشـى الطيبيـن انا اشهد وصح لسانك اخوى فارس ويعطيك العافيه في انتظار ابداعك |
فعلا الليالي مدرسة في الحياة
وانت ايها الفارس مدرسة في الشعر صح لسانك وبيض الله وجهك لاعدمناك يالنشمي سجل اعجابي ومتابعتي لجديدك وفقك الله تحياتي لشخصك الكريم |
بيض الله وجهك يا أبو عايض ويا هلا بك والله
أعجبتني كلمة ( نجوح ) :) فاقدينك عساك ما تفقد غاليك ونتمنى ما تغيب عنا أبداً والله يحفظك ويرعاك |
صح لسانك أخوي فارس ..
وبيض الله وجهك على هذه القصيده الروعه كل الشكر أخوي .. أحتــرامي .. |
صحت أبدانكم جميع
والله يعطيكم العافيه ومشكورين |
صح لسانك يافارس
ابيات جميلة وفيها حكمة ونصائح ثمينه. |
صح لسانك يافارس
ابيات حكم ولكن وين اللي يتعض سجل اعجابي وتحياتي لك |
صح إلسانك يا فارس وبيض الله وجهك
|
الليالي مدرسه يا نجاح ويـا رسـوب
وإن بغيت الأوله فأمش ممشـى الطيبيـن صح لسانك يا أبو عايض وقصايدك جزلة وكلها حكم وفوائد وحث على العلوم الغانمة لاعدمناك يالذيب |
04:06 PM |
Powered by vBulletin® developed by Tar3q.com