شبكة الشدادين

شبكة الشدادين (http://www.shdadeen.com/vbq/index.php)
-   المحاورة والألغاز الشعرية (http://www.shdadeen.com/vbq/forumdisplay.php?f=35)
-   -   ألغاز و حجايا شعرية للأذكياء فقط 5 (http://www.shdadeen.com/vbq/showthread.php?t=34063)

البرينيسي 18 Nov 2008 05:44 PM

ألغاز و حجايا شعرية للأذكياء فقط 5
 
بسم الله الرحمن الرحيم

أخواني أعضاء منتديات الشدادين

أطرح لكم هذه الألغاز والحجايا الشعرية

في جزئها الخامس

وعليكم معرفة الحل الصحيح والأعضاء الشعراء

لا نقبل حلولهم ولو كانت صحيحة

ألا بأبيات شعرية00







اللغز الأول :







أنا بأنشدك عن رجل ٍ بناته وسط بطنه نار=وله عينٍٍ ٍ تشوف أحيان وألاّ أحيان عميانه
تحت دبرة خويّه لا بغاه يمين وألا يسـار=وبناته هن بلى عينه ويكوي عينه لسانه






اللغز الثاني :

ويش نقص للبعض أصبح ملاذ=الحلال اللي يجي طبعه أخـوذ
له سمي تقصده نـاس ٍ شـواذ=والخطا زوّد بهم طبع الشـذوذ







اللغز الثالث :







بانشد هل العرف عن رجال ماله نفوع =مامنه نفعه كلام الصدق مابه جدال
هذا ليا صار بارد كبد عمه تلوع=ولا احتر خده فعوله تضرب ابها مثال
تسوية ما في طريقه شغلته و الطبوع=معروف عند البشر مختص في ذا المجال
أربع حروف اسمه و يجيك من كل نوع =فعله من اسمه ويأخذ منه كل الخصال






فكروا زين في هالألغاز

ومعاكم أسبوع من تاريخه00

ودمتم بود0

البرينيسي 23 Nov 2008 07:09 PM

لقد انتهت المده المحدده لحل الألغاز

ولا حياة لمن تنادي00

غدا باذن الله سوف أطرح امحلول0
0

حاتم الشدادي 23 Nov 2008 08:43 PM

أعذرنا يا شاعرنا القدير
ولا يزال العتب على شعراء منتدانا الأفاضل على وجه الخصوص والأعضاء على العموم

وأعذرني أنا على عدم حضوري
لأنشغالي بالأختبارات عسى الله يسهلها علينا


لكن عندي أجوبة على الطاير وأتمنى أنك تتقبلها :)
حتى لو الوقت انتهى

اللغز الأول :
ضرس العقل وألا البصل :D

اللغز الثاني :
أتوقع أنه السكر
حيث أنه حلال ويشذ أذا كان في الخمر وغيرها

اللغز الثالث :
للأسف ماله في العقل حل
وهو سهلً صعب :)

البرينيسي 24 Nov 2008 06:23 PM

اقتباس:

المشاركة الأصلية بواسطة : حاتم الشدادي (المشاركة 508412)
أعذرنا يا شاعرنا القدير
ولا يزال العتب على شعراء منتدانا الأفاضل على وجه الخصوص والأعضاء على العموم
وأعذرني أنا على عدم حضوري
لأنشغالي بالأختبارات عسى الله يسهلها علينا
لكن عندي أجوبة على الطاير وأتمنى أنك تتقبلها :)
حتى لو الوقت انتهى
اللغز الأول :
ضرس العقل وألا البصل :D
اللغز الثاني :
أتوقع أنه السكر
حيث أنه حلال ويشذ أذا كان في الخمر وغيرها
اللغز الثالث :
للأسف ماله في العقل حل
وهو سهلً صعب :)

اللهم سهل الاختبارات ويسرها على أخي حاتم

اللهم لاسهل الا ما جعلته سهلا

اللهم وفقه في جميع اختباراته واجعله من الناجحين المتفوقين

اللهم آآآآآآآآآآآآآآآآآمين

بالنسبه للحلول أخوي حاتم مالك لوى

اذا تريد ان اتاخر في طرح الحلول وانتظرك

حتى تنتهي الأختبارات فليس لدي أي مانع 0

دمت بود

حاتم الشدادي 24 Nov 2008 07:26 PM

أوما عاد
رمعاتنا ما صابت << لا تلومه الأختبارات قفلت مخه :D


يعطيك العافية أخوي البرينيسي
وماقصرت يالذيب وبيض الله وجهك


عطيتنا مهلة أسبوع وما عاد فيه مجال للتمديد
عطنا الحل الله يحفظك

ابوسلطان 24 Nov 2008 08:51 PM

اخوي البرينيسي عندي رمعه وان شاء الله تكون صحيحه:)

الحل الاول: الكشاف

الحل الثاتي:الرجيم

الحل الثالث:؟؟؟؟:080402ask

بنتظار ردك:wink5:

البرينيسي 28 Nov 2008 02:28 PM

تصيب المرات الجايه ان شاء الله

الله يعافيك يا حاتم ولا يهينك

وشكرااا على اهتمامك رغم انشغالك بالاختبارات

ما أقول الا الله يوفقك
ودمت بود

البرينيسي 28 Nov 2008 03:16 PM

أخوي أبو سلطان رمعاتك في الصميم

وجبتها يوم الله جابها يا ذيبان

رميتها وخليت روسها طشان

بيض الله وجهك والله لا يهينك

ويعطيك العافيه






نعم يا أخوان الحلول مثل ما قال اخوي أبوسلطان 0


حل اللغز الأول هو: الكشاف


وبناته الحجر " البطاريات"


ولسانه الوصله اللي يضغط عليها الحجر عند تركيبه0





وحل اللغز الثاني هو: الريجيم


وسميه اللي تتبعه الشواذ هو الشيطان الرجيم0






شكرااا جزيلاا لاخي أبو سلطان على حلوله الصحيحه


ولكن نبغى حماس أكثر ما فيه الاانت وحاتم وابو راكان


والباقين لا حياة لمن تنادي






باقي اللغز الثالث يا ذيبان أذا ودك تحله


بأعطيك مهله لأن المده المحدده انتهت


وأخوي حاتم طلبني أعطيه الحل


ونقفل هذا الجزء


لأن الجزء السادس


جاهز


دمتم بود

ابوسلطان 28 Nov 2008 05:46 PM

اخوي البرينيسي لغزك الاخير فيه شوية صعوبه:080402ask


خلاص كلام حاتم اوامر عطنى الحل ;)


ونزل لغزك قصدي جزئك السادس

البرينيسي 28 Nov 2008 06:57 PM

بانشد هل العرف عن رجـال مالـه نفـوع=مامنـه نفعـه كـلام الـصـدق مـابـه جــدال
هـذا ليـا صــار بــارد كـبـد عـمـه تـلـوع=ولا احتر خده فعولـه تضـرب ابهـا مثـال
تسوية ما فـي طريقـه شغلتـه و الطبـوع=معروف عند البشر مختص في ذا المجال
أربع حروف اسمه و يجيك من كـل نـوع=فعله من اسمـه ويأخـذ منـه كـل الخصـال

أخواني الأعضاء لم يتوصل

أحد من الأعضاء لحل هذا اللغز0

والحل الصحيح هو : المكوى

فليس منه أي فائده اذا كان بارد

أما اذا احتر وسخن فانه ذو فائده

وشغلته هي تسوية ما في طريقه من التعرجات

التي في الملابس أوغيرها0





شكرااا جزيلااا للمبدع / أبو سلطان على حله للغزين الأول والثاني

والشكر موصول لمشرفنا الغالي / حاتم الشدادي

والى اللقاء في الجزء السادس

بأذن الله ودمتم بود


05:42 PM

Powered by vBulletin® developed by Tar3q.com