شبكة الشدادين - عروسة مالها رجلين...!

قرأت قصيدة اليوم وأثرت فيني ..
من وجهة نظري أن المعـآق ليس من فقد نعمة الحركه او البصر أو ..غيرها ...
المعاق .. من أنعم الله عليه بنعمة العقل وأساء استخدامه ..!!

اترككم مع القصيدة..

يجينا الفرج بكرا.. يا بنتي بس لا تبكين

أنا مااستحمل دموعك .. وهمساتك تبكيني

نشف دمعي على خدي يابنتي من ثلاث اسنين

وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين

حرام الدمعة في عينك تعانق ماضي سنيني

تعالي واحضني فرحي .. وقولي للفرح أهلين

وخلي حزنك بقلبي .. دخيلك يابعـد عيني

أشوف الدنيا بعيونك .. وأشوف الفرحة بك يا زين

وأنا مالي سواك إنتِ .. وإنتِ شمعة تضويني

علام الهم في قلبك .. يابنتي ليه ماتحكين

ابيك تكسري همك وأنا أمك قولي حاكيني

يايمـه حالتي صعبة أنا.. والفقر صرنا اخوين

أعيش بظلمة همومي والاقي الهم يكويني

(معاقة ) يمه من صغري .. معاقة اشتكي حق مين

مدام ان البشر تنظر لحالي بعطف يعميني

أناظرهالبشر واسأل ..انا وش موقعي الحيــن؟؟

وش اللي يميز الأعمى عن اللي شوفهم زيني

فقيرة حظ يا يمـه وحالي تعمي العينين

من اللي يعشق ويهوى (معاقة) حظها شيني

سألتيني وش اتمنى يايمه منيتي شيين

يكون الفرح اولهم بعدها تعيش رجليني

أنا ودي ومنا عيني يكون لجسمي بس ( رجلين)

تساعدني على برك .. وبرك غايتي وديني

يا ليت الناس ترحمني وترحم حالة المسكين

ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين

وألاقي الهم والحسرة وسم هاالوقت بجبيني

معاقة يمه قوليلي علامك ساكتة تبكين

كلامي ازعجك ادري .. وادري الدمع يشكيني

دخيلك يمـه لي رجوة مدامك قادرة تكفين

ابي لي لعبة يا يمه تكون الصادقة بعيني !!

(طلبتك يمه هاتيلي عروسة مالها رجلين)

وابيها تكون في كرسي .. ( معاقة ) مثلي ترثيني؟؟

آتـمنى آن تـنـآل على استحسـآنكمـ

لكم / ودي