قصيدة ( النخوة ) موجهة للعميد مرزوق بن مبيريك الحربي
بسم الله الرحمن الرحيم
السلام عليكم ورحمة الله وبركاته هذه إحدى القصائد موجهه للعميد:مرزوق بن مبيريك الحربي رئيس المرافقين للنائب الثاني ووزير الداخليه صاحب السمو الملكي الأمير نايف بن عبدالعزيز .. نصيت مدهال الرجال المناعير=اللي من بعيد الديار نعني له مايدهله غير الرجال المسافير=اللي ليا جار الحمل يرتكي له محل أبو ناصر زبون المخاسير=مرزوق لاضاقت علينا نجي له من ساس حرب أهل السيوف الشواطير=يانعم بالحربي ونعم القبيله تكفى يابو ناصر كلونا الهوامير=في سوق الأسهم مالنا اليوم حيله مقابلين النت في صبح وعصير=سوقٍ عسى المولى عنا يشيله شوف المؤشر منه ماشفت أنا خير=وليا أرتفع جاب الزياده قليله اللون الأخضر فيه فرحه وتبشير=واللون الأحمر منه روحي عليله موضوعنا نبيه ياصل للأمير=أميرنا اللي يرتكي للثقيله وصلاة ربي عد وبل المزابير=لاهلّ وبله يسقي الأرض سيله الشاعر ممدوح بن بنيدر الشدادي |
ممدوح
أشكرك على جزاله قصيدتك وبيض الله وجهك ويستاهل الحربي ولك تحياتي |
حياك الله أخوي أبو مشعل
ووجهك أبيض لاهنت |
الله الله يا شاعرنا أبو بنيدر
كفيت يا الذيب وما قصرت وأكيد ما مدحت إلا من يستحق المدح صح لسانك وعاش بنانك |
أرحب أخوي سلطان
وصح بدنك طال عمرك لاهنت |
صح لسانك ياممدوح روعة في النظم
تحياتي لك |
صح بدنك أخوي رعد
ولاهنت طال عمرك |
10:41 PM |
Powered by vBulletin® developed by Tar3q.com