على هامش الذكرى
بعد مرور عام كامل اسجل لكم هذه الابيات على هامش الذكرى على هامش الذكرى نسجل حضور القاف=يموت بغـلاه وطيـف ذكـراه يحيابـه صرح عرش قلبي من بعد كامل الاوصاف=عن العالـم الموجـود مغلقـة ٍ ابوابـه إلى اليوم محد عقبها في خيالـي طـاف=محاجر عيوني بـاازرق الدمـع صبابـه لا...مر بخياله طيفهـا خافقـه ينـلاف=ويسج وعلى اصابع يده عضـت انيابـه من الموق يسبق كلمتي دمعـي الـذراف=لاجابوا مجـال عـلاج فرقـاه واطبابـه لو ان الغلا فاالدم وسط العروق يشـاف=ماكان العذول يجيب طـاري لمـا جابـه يبقى طاري الذكرى لنبض الحياه اسعاف=في روح ٍ بعد فرقى هوى البال منصابـه يختم طاري الذكرى سلاميٍ عدد من طاف=لقبر ٍ ياجعـل يعجعـج المسـك بترابـه تركي الشدادي |
الله يرحمها ويغفر لها ويدخلها فسيح جناته
وعسى الله يجمعك بها في مستقر رحمته ووسيع لطفه وامتنانه |
صح لسانك ياتركي الله يرحمها
ويسكنها فسيح جنانـــ :) ــه يارب قصيدة نالت اعجابي كثيرآ |
الله يرحمها ويجعل الجنة مثواها ..:(
قصيدة أحزنتني كثيراً زفرت من أبياتها كل ماهو موجع .. طواري ذكرى ودموع حرّاقه وفراق غالين .. لم أستطع أن أقف على أبياتها لعدم رغبتي في أن أشرب الألم وتنزف آهاتي لكل من فارقتهم .. ولكن .. كما عودتنا دائماً شاعرنا المبدع : تـــركي قصائدك تكسر كل الحواجز وتستقر بالأعماق وتلامس مكنونات خالجتنا .. وتعزف على أوتار كل الشعور ... وستبقى الذكرى قيمة جميلة في حياة كل البشر .. *** وصح لسانك ,, وسلم قلبك ,, وعلا شانك |
مآآحب آلمرثيآت بس مآآقآوم مرثيآت تركي وشعره
رغبه دآخليه تجبرني آدخل وآشوف آلله يرحم غآليك يآتركي ويسكنهآ فسيح جنآته |
تحيه طيبه
أخي العزيز تركي الشدادي على هامش الذكرى أسم جميل وقصيده أجمل أقسم بالله أني ذرفت عيني من البيت الاخير بس الله يعينك ويرحم قلبك ويسكنها فسيح الجنان ولك الود |
اقتباس:
الله يجزا ك خير اخوي السلطان ويسمع منك انشاء الله |
الله يرحمها ويسكنها الجنة
مرثية رائعه جدآ سلم أحساسك وإن شاء الله آخر الأحزان .. دمت بود |
صح لسانك يا عم ولاهنت
والله يرحمها ويغفر لها ويسكنها فسيح جناته عوافي على هالمرثيه |
اقتباس:
الله يجزاك خير ويرحمها ويسكنها فسيح جناته دعوة اهل الخير لامواتنا بالعفو والغفران هي مانتمناه وصح بدنك اخوي رعد ويعطيك الف عافيه |
02:41 PM |
Powered by vBulletin® developed by Tar3q.com