لابوك حبٍ مايجي فيه تقدير=ولا بو غرامٍ ينتهي في ثواني
عليت شانك لين حد المشاهير=لين اصبح اسمك بين قاصي وداني
لاتحسبني بنكر الحب تنكير=اغليت حبك لين عشقك خذاني
والحب مثل النفط يحتاج تكرير=لابد يصفي من شوايب زماني
حبك خيانه مايبي فك تشفير=خنت الامانه والعهد يا أناني
اسقيتني مرك بشين التدابير=اكبر مصيبه تنكتب في كياني
لاتذرف الدمعه علشان تبرير=اقُسم بربي ماتثنى بثاني
حل الفراق وموقعك جمة البير=لا عاد ترجي حب والا حناني
ياصاحبي روّح ودور على الغير=ارحل ودور في ضياعك اماني
لكن خذها كاش من دون تفكير=لا بو غرامك دام ينزل طماني
وانا اببقي في شموخي كما النير=ماهزني ريح الزمن لو عصاني

صح لسآن الشاعر / عبدالرحمن

و سلمت ذآئقتكِ أختي النايفه



دمتِ بهذا التميز و أكثر



رسام