مهداه الى
اتقدم بالعذر لاعضاء وزوار منتدانا الغالي بسبب انقطاعي وذلك بسبب ظروف صحيه واضع بين ايديكم هذه القصيده المهداه للشيخ /مطلق عواض دهيران الحارثي وارجو ان تنال رضاكم يامطلق الايام دايم بين ميله وعتدال=والناس واجد والليالي يعلم الله غيبها الشمس تبدي من فجر والليل يطويها الزوال=ولا الجبال الراسيه ترسي ويقنب ذيبها والغترة اللي ماثبت من فوقها لبس العقال=لاخير في الغتره ولا من جابها يوميبها والعالم اللي شغلها في المال وتعبد الريال=بكره تموت ولادخل من مالها في جيبها وانا لواحسب وش مكاسيبي على طول الليال=خوه نشاما كل شي يهون لجل صحيبها عزا الله اني قد خذيت امن السنين اجمل سؤال=حاول تغلب اهل الوفا قبل تغلبك بطيبها وانا لقيتك قمتنا فيها الملاجي والظلال=مانته بمره تخطي الجرة ومر تصيبها وانا تراني ماعتبرك الا جمل ضمن الجمال=مادام مثلك صاحبي فالناس ويش ابغي بها وناصر زبون المرجله ومعربآ جدآ وخال=الطيبه يحريبها قدام لانحري بها وكم كن صحيبآ كنت احسب انه بدر واصبح هلال=وكم من رجلآ هرجها عن فعلها منحي بها وقصر السوالف ياولد عواض خير امن الطوال=ماني بخبلآ لاسرد له سالفه يسري بها ابوي وصاني وقال احفظ ثلاث امن الخصال=بكرة لابدك تحفظ وصاياي وتغني بها الاوله مد اليمين اخير من مد الشمال=وليا وعدت اوف الوعد والناس لاتقفي بها وليا بغيت الصحبه اصحب من شغاميم العيال=والكلمه اللي تنقص الرجال لا يحكي بها وان كان هقواتي حسب ماهقا فحققت المحال=اشوف فيكم فزعتآ عسى الزمن يبطي بها البيت بيتي والخوان خوان والهرج الزلال=والطيبه من حظكم من شبها لاشيبها ويامرحبا وقلط على طيب وكرم يابن الحلال=في حلتآ كل العلوم الغانمه تلفي بها الشاعر/ محمد بن سعيد الحارثي |
رد: مهداه الى
اقتباس:
صح لسانك وعلا شانك والحمدلله على سلامتك , وماتشوف شر إن شاءالله وعوداً حميداً بهذه الدرة الراقية والمميّزة دمت بخير ,,, |
رد: مهداه الى
ونعم بالمادح ونعم بالممدوح ..
ويا هلا والله يا شاعرنا محمد والحمد لله على سلامتك وماتشوف شر ونقبل العذر إن وعدتنا بالتواصل الدائم يا صاحبي وصح إلسانك مدد بلا عدد . |
رد: مهداه الى
صح لسانك يامحمد وبيض الله وجهك
ويستاهل ابو عواض اكثر والله الرجال معروف ومواقيفه معروفه احترامي وتقديري |
رد: مهداه الى
يامرحبا تراحيب السيل
ونتشرف بحضورك وقصيدك |
رد: مهداه الى
اهلا وسهلا بمن قدم الينا بعد هالغيبه
وعساك ماتشوف شر والف لا باس عليك وعوداً حميداً صح لسانك نص متميز والنعم بك والنعم بمن مدحت ومن يفعل العلم الغانم يحصل على الذكر والسمعه الطيبه واتمنى الا تغيب عنا دمت بخير |
رد: مهداه الى
اقتباس:
وصح لسااااانك يامحمد وبيض الله وجهك شاعر جزل وتستحق المتابعه |
رد: مهداه الى
صح لسااانك وعلا شانك
الحمد لله على سلامتك لاهنت |
رد: مهداه الى
اقتباس:
ولو مايستاهل ابو عواض ماقصدو فيه الشعار |
رد: مهداه الى
حياك الله يا شاعرنا
ويا هلا بك ويا هلا بكل مشاركاتك سعدنا بحضورك وتواصلك معنا ونتمنى لك كل توفيق وسداد |
09:26 AM |
Powered by vBulletin® developed by Tar3q.com