يا جوهرة
. . من أرشيفي
ياجوهرة مكنونة (ن) في دجى ليل = في قصر محروسه دراجه وبابه مصونة (ن) عن غش والا بهاذيل = وعن سنا برق (ن) لمع في سحابه لك شكل متميّز ولك طلة سهيل = بين النجوم الخافتة في رحابه لك نور يبهر جملة البيد والغيل = والبدر يكهل في حضورك شبابه لك في وسط قلبي غلا ملتصق حيل = حب (ن) ملك قلبي غدى به وجابه الله عطان إياك رحمه وتفضيل = وارتاح بك قلبي وحقق صوابه حمدته اللي يُعقب الغيث بالسيل = والطير غرّد للغدق وارتوى به عليك من ربي حصانه وتضليل = ضل (ن) تأمنى في حجابه هذا وأنا صادق وماهي تقاويل = أدعيك ياربي ومنك الاجابه حقق لها رحمتك يامُلهم الفيل = ان ابرهه موته رُهن في ايابه وام القرى حفَيتها بالتهاليل = في وقت مابان النبي والصحابه تمت وصلى الله عدد الهذاليل = غيث (ن) هني (ن) مايكل انصبابه على الذي مابشّر الا بتنزيل = نرجيك يارحمن تجزل ثوابه |
رد: ياجوهرة
صح لسانك
واعتلى بالخير شانك ولاهنت شاعرنا على القصيدة الرائعة |
رد: ياجوهرة
صح بدنك بنت النشامى والله يجعلكِ من أهل الخير ..
شاكر لكِ الحضور الجميل وقواكِ الله .. |
رد: ياجوهرة
أوووف غريبه مازارها الا عضو واحد!
منحوسه غاليتي حتى في القصائد كان الله بعونها والله يحفظها.. |
رد: ياجوهرة
:)
لا تستعجل رزقك يا ذيبان اللي يجي بسرعة يروح بسرعة وما أبطى بالسيل إلا كبره وأنت بعد يا شاعرنا لازم تنسق قصائدك :) كفو والله يمدك بالصحة والعافية والله أبدعت وأنت راعي الجزال واحسنت النظم وما فيك حيلة |
رد: يا جوهرة
ابو عبدالله ..
القصيدة وانا اخوك من اليوم الصباح والامر سهالة مجرد كنت ابي الفت انتباه الاخوة .. وحول التنسيق انا الان استخدم الفايرفوكس لان المتصفحات الاخرى لاتتناسب مع الوندوس القديم واعاني منها بالذات الاكسبلورر ولهذا يعلق الجهاز عندي لانه قديم ايام الشباب .. ـــــــــ شاكر لك حضورك أخوي وقواك الله .. |
رد: يا جوهرة
ارحب ياممثل عبس
صح السانك وقلبك مليون ابدعت بماء كتبت يالقرم ولاهنت ولاهان راسك يالبواردي ااعذب التحايا |
رد: يا جوهرة
صح لسانك يا البواردي وبيض الله وجهك جزل ولا تحب الهزل
|
رد: يا جوهرة
البواردي صح لسانك ملايين ولاتكفي والله قدام هاالجوهره وهاالدره لاهنت والله ياالغالي وتقبل مروري ولك احترامي وتقديري..
|
رد: يا جوهرة
. . بِدايَّةً حيَّ هَلا بكْ يَ البوَارديَّْ فيْ بحوُر القوافيْ وَ أهلاً بِعوُدتكْ وَحيَّ قَافُكْ وَ جَوُهرتكْ المَصوُنة وَ المُتِمَركِزة فيْ الاَفقْ موُازيَّةُ لـ السَحابْ صَّح البوُح وَ عشتْ وَ لا هِنتْ يَ كريِمْ ’ وَ لـ الحضوُر بَعد الغيِابْ خَتمْ تَميَّز + فَايِفْ ستارز |
05:44 PM |
Powered by vBulletin® developed by Tar3q.com