ياجوهرة مكنونة (ن) في دجى ليل = في قصر محروسه دراجه وبابه
مصونة (ن) عن غش والا بهاذيل = وعن سنا برق (ن) لمع في سحابه
لك شكل متميّز ولك طلة سهيل = بين النجوم الخافتة في رحابه
لك نور يبهر جملة البيد والغيل = والبدر يكهل في حضورك شبابه
لك في وسط قلبي غلا ملتصق حيل = حب (ن) ملك قلبي غدى به وجابه
الله عطان إياك رحمه وتفضيل = وارتاح بك قلبي وحقق صوابه
حمدته اللي يُعقب الغيث بالسيل = والطير غرّد للغدق وارتوى به
عليك من ربي حصانه وتضليل = ضل (ن) تأمنى في حجابه
هذا وأنا صادق وماهي تقاويل = أدعيك ياربي ومنك الاجابه
حقق لها رحمتك يامُلهم الفيل = ان ابرهه موته رُهن في ايابه
وام القرى حفَيتها بالتهاليل = في وقت مابان النبي والصحابه
تمت وصلى الله عدد الهذاليل = غيث (ن) هني (ن) مايكل انصبابه
على الذي مابشّر الا بتنزيل = نرجيك يارحمن تجزل ثوابه

وَ لـ الحضوُر بَعد الغيِابْ خَتمْ تَميَّز + فَايِفْ ستارز