دارت الدنيا وطب الطب مايعرف دواها=لا الزمن نفس الزمان ولا يعود لي واجي له
ماعرف جور الليالي غير من جرب كراها=ولا درى عن دورة الايام غير اللي تميله
مدة اليمنى يحير ردها باللي سواها=والعباد اجناس وابن ادم حشى مافيه حيله
الرجال مقدره والناس تشري من شراها=والجمايل غاليه ماسدها رد الجميله
والنفوس مخيره والنفس تشنى من شناها=والعوامل بينت ماللعميل الا عميله
نعتزي وقت اللزوم ونعرف البير وغطاها=ماوردنا للهماج ولا نعاف السلسبيله
يابيوت العز صدي عن غثا الدنيا واذاها=لا تطفين السراج ولاتشبين الفتيله
انتحي يم الجزال اللي يذرينا ذراها=لاتخطين الحدود ولا تعدين الدليله
عودي يم النقا والعز وانسي ما وراها=وارفعي الرايه ورزيها على راس الطويله
وانثري عطر المعاني لين ينعشنا شذاها=استشفي من هجوسي يالبيوت المستحيله
طيبها الجوري ووارد عدها يرويه ماها=ينتقي منها حسب ما شف مما ننتقي له