شبكة الشدادين - قصيده للشاعر مطلق الحارثي

السلام عليكم ورحمة الله وبركاته

هذه القصيده بمناسبة مبدأ الشدادين على قبيلة المذاهبه بمناسبة الولد المسمى على محماس بن مزيد الشدادي..
هلا يامرحبا في حفل قومن ترخص الترحيب=عدد مالاحت بروق المخايل وانتثر ماءها
ارحب بااسم ربعي كاسبين المعرفه والطيب=ذوي نفيز النشاما عزوتي يوم اتعزاوها
ابو مستور عيد اللي على الجزلات دوم يصيب=يدير المعرفه يأهل الفكر ويعزز ابناها
ترا مستور ليا نادى المنادي عز كل اصحيب=زبون الكاديه وأعلى القهاوي بيتهقواها
نسمي باسم شيخن في الشدايد حل كل اصعيب=من اللي شقت التاريخ بالافعال وأسماها
الا يامشعل انت غايتك ومناك كل اتعيب=على الجمه تشل الدلو منت قاصر رشاها
من اللي في القبايل وافيه ماتبغى التجريب=هل الطاله نشاما من يدورها بيلقاها
شدادينٍ قديم وحاضرنٍ تنزل بكل اشعيب=ومن هيباتها ترعى الجهامه روس مفلاها
من اللي صيتها مثل العلم بين العرب ومهيب=بني الحارث ذرا اللي خايفن ويلوذ بحماها
تفرج يالمواطن في الدول منها القلوب ارعيب=وحنا نحمد الله وكل عينٍ شافت امناها
قبائل مملكتنا مع بعض شبانها والشيب=نبذنا التفرقه والعنصريه بنتحداها
تحت ظل الملوك اللي يروح الأمن لو أتغيب=عيال ملوكنا اللي ياعسى الفردوس مثواها
وابختمها صلاة الله على الي هذبه تهذيب=نبين سيرته للناس تمشيها وترضاها
...وسلامتكم..