يالله عسى غر المزون المراويح=تمطر على قبر سكن فيه غالي
ظلى يجيني في المسا والمصابيح=واليوم منه الدار والحي خالي
لا للمزا في حزة الموت لا صيح=وأحيا وأموت وصورته في خيالي
دمعي يفيح وجرّح الخد تجريح=وهذي السنه ياشينها من ليالي
ظليت بين أخواني اللي طحاطيح= اللي على يمناي واللي شمالي
واليوم بين اثنين من خوف لا طيح= على العصا واللي ما هو من عيالي
محدٍ يناديني على هبه الريح= تنكروا حتى الرفيق الموالي
وبيوتهم صكت بليا مفاتيح=ما عاد به مكسب ولا راس مالي
وياددسني اللي شلحها شليويح=عطابها درب من الأمن خالي
مايعرف المحمي ولا يعرف البيح=يبا يجمعها حلال وحرامي
أما انقلب والا يجي له سواميح=يقدر عليه الله عزيز الجلالي
أزريت عنها يوم مالي مشابيح= والشوف مابه شوف والعمر بالي
وأنا من أول داله البال ومريح=واللي طرى لاهل الردى ما طرا لي