شبكة الشدادين - في تالي الايام محد يبالي

شبكة الشدادين (http://www.shdadeen.com/vbq/index.php)

- بحور القوافي (http://www.shdadeen.com/vbq/forumdisplay.php?f=34)

- - في تالي الايام محد يبالي (http://www.shdadeen.com/vbq/showthread.php?t=88805)

في تالي الايام محد يبالي

في تالي الايام محد يبالي
كم محزمً مليان محداً يعده

والي منول كان فالعين غالي
اصدوف بقعا بيحت كل سده

دنيا الفنا متعرضه لزوالي
ان طعتني فرضك مع الوقت بده

لاتختبر صبري وقو احتمالي
ماعاد بي طاقه ولا في شده

ماقمت الا بعد ماضاق بالي
من مجلس مافيه وضده ورده

فيه الشحم من بعد صفر الدلالي
و مابيننا غير الوفا والموده

لاكن قلبي قام يصلاه صالي
من حر مايونس ومن ما يلده

طلعه يوم الصبر في النفس طالي
من خاطرً لقصاه ضيقه يحده

وسجيت رجلي يبن عمي لحالي
مبغى العرب في عيوني تشوف صده

عيني على رجم طويل وعالي
اخيل برق لاح واروح قده

لاجيت في وادي به الفيض سالي
يرتاح بالي والنسم استرده

ودرب المراجل بين مر وحالي
مثل البحر مابين جزره ومده

ماني بخيل ولاحفظت الريالي
بالعكس دايم داعسً فوق خده

طبع الكرم فينا من اول وتالي
لضيف مثل الطير لحظه مهده

اصدورنا لضيف صدرً الشمالي
وعيوننا سيف لراعيه حده

امعربين اجدودنا والخوالي
وماحن من الي لافعل شي عده

افعولنا مذكوره لرجالي
واليا بنينا شي محدا يهده