يـاراكـب الـلـي لامـشــى يـقـطـع الـــلال=جــديــد دوبــــه طــالــع مــــن الـوكــالــة
ســـواق الـلــي مـادخــل قـلـبـه إجــفــال=ســــواق مــاهــر مـايــســوق ابـهـبـالــه
سالـوا هـل اقيـا ويـن بيـت ابـن هــلال=بـيـت الـكــرم مـاهــوب بـيــت البـخـالـه
إلفـوا مــع المـغـرب عـلـى بـيـت رجــال=مـــاهــــوب رجـــالــــن بــلــيـــا رجـــالــــه
تـلـقـون كـيـفــن يـبـهــج الــبــال ودلال=كـيـفـن بـجــال الــنــار تـنـحــر ادلالــــه
يقـطـع ظـمـأ شـرابـة الكـيـف الأبـطــال=مـاهـوب كـيــف الـغــاز جـعــل بـزوالــه
ومفطحـاتـن ماتـنـوضـى إمـــن اذيـــال=سمـر النجـادى قــدر ضيـفـه لا جـالـه
وإن جاه معسورن علاه العسـر طـال=مــايـــاجـــد ألا مــايــعــشـــي عـــيـــالـــه
يعـطـي بــدون حــدود مـاحـط مـيـحـال=يـعـطـيــه مـطـلــوبــه وكــــــرم ســبــالــه
قـلـوا سـعـد مـاهـوب نـاسـي التـجـمـال=-ياكـيـف بأنـسـى مــن لحقـنـي جمـالـه
جيته وأنا محتاج أبـى أهـرج ومحتـال=الـــرجـــل مـابـيــنــي وبــيــنــه عــمــالــه
قـال أنـت عنـدك علـم مخفيـه وســوال=مــاكـــامـــل إلأا الله جـــــــــلا جــــلالـــــه
إهـرج تـرى مافالطلـب عيـب وإخـجـال=الـرجــل أعـرفــه قــبــل يــبــدي ســوالــه
قلـت أنـا أبالـي مـوتـر إيشـيـل الـعـوال=والــلـــي مـــــع الله مـاتـقـطــع حــبــالــه
لـكــن مـاعـنـدي مـــن الـسـلـم مـثـقــال=وضحـك ولاأدري ويـش علـمـن طـرالـه
قـــال أبـشــر الـدنـيــا لــهــا حــــق دلال=وهــــــذا دلــيــلــه يــاســعــد وإحـتـفــالــه
إخـــذ طـلـبــك بــيــدك يـاطـيــب الــفــال=ويـفــداك مكسـبـنـا عــلــى رأس مــالــه
نـفــداك ياأبـوسـعـود بـالـحـال والــمــال=الــمـــال يــفـــدى والـجـمـيـلــه ابـــدالـــه
ريح ضــمــيــرك لــوقــعــد عـــشـــرة أحــــــوال=مـاأجـيـك وألا أرســـل عـلاكــم رسـالــة
مانـي بجـرف إن حفـه السيـل ينـهـال=وألا أقـشـرن مــن قـاربـه عــاف جـالـه
أنـــا عــريــب الــجــد والأبــــو والــخــال=والــحــمـــل مـايـشـتــالــه ألا جــمـــالـــه
شايـب وإلـك فـي داخـل القـلـب مـنـزال=والله مــانــطــلــب عــــــــلاك الــكــفــالــه
مــانــي بـكـاتــب كـنـبـيـالات وأمــهـــال=حـشـى مـاأقـول وقــع عـلـى الكنبيـالـه

رحمة الله عليه واسكنه اعلى جنانه " وصح لسان الشاعر :(F): وابدعت بما قدمت لنا من اختيار ، :(F):

حياك الله يا أبو زياد والله يبارك فيك ويبيض وجهك كفيت ووفيت وما قصرت والله يرحم أبو سعد ويسكنه فسيح جناته ويرحم جميع أمواتنا وأموات المسلمين والله يبيض وجه الشاعر سعد الصلاخي