الـعذر ما يـعذر بـاحـتكام المساق=سايق الخير حول الشر باحمايقه
كيف نضحك وحنا نحتفي بالفراق؟=كيف نبكي بنفس الوقت ونسايقه؟
الحقيقة تقول انا نعيش اختناق=والدقيقة تزيـد الـخنق بخنايقه
ما بقي للمشاعر من خلال المذاق=طعم حمض المرارة علقم عمايقه
والله انا بفضل الله ثبوت اتفاق=قـاهريـن الـحسد والكذب والبايقه
بانقياد التحضر ما نخالف وفاق=وبانقياد المراجـعية ثبوت طرايقه
أن لزمنا شيمنا وللسمو بالخـلاق=وأن نـخينـا قيمـنا خــابت العـايقه
اعتبار المكارم والشيم بالنطاق=من أصـول الـحضاره تعتمد لايقه
السعة مدبرة ياكل خاطر وضاق=بالخواطر عـظيم الـضيق ودقايقه
أبتغينا التوسع بانفـلات السياق=وافتقدنا السعـة بـاحلال بالضايقه
ما البقاء فالحياة الا تعب ما يطاق=لو نـجامـل بكذب الكذب من طايقه
من رضينا المذلة وأنطلقنا نفاق=احتضرنا تخلف يحرج الذايقه
خل زور النتايج يدعي بالصداق=سايق الغيث حوله رعد وبرايقه
ليت للماضي الطيب أمل بالتلاق=وننتظر يا شموخ الحق لوثايقه