كل الوجيه
الاخوه الكرام اداري واعضاء ( شبكة الشدادين الرسميه) اسعد الله اوقاتكم بكل خير اطرح على انظاركم هذه القصيده المتواضعه وعسى ان تنال اعجابكم والسلام عليكم ورحمة الله وبركاته إن جادت الدنيا بصاحب هلا به=وإن راحت الدنيا بصاحب فداها وحق السؤال اللي فراسي جوابه=يبشر بها وارقى على مستواها كل الوجيه اليوم صارت تشابه=ما تختلف للمحتزي لا حزاها يقوله اللي داب الأيام دابه=وكيف خياراته بعد ما قراها عن الخطأ دل الطريق وصوابه=ومن القدى مد القدى لا وفاها ما عاد فالدنيا حقيقي غرابة=لا خابت الهقوى على من هقاها الرجل لا عايش من أول شبابه=متاعب الدنيا عرف مقتضاها يعرف مساراته ويحسب حسابه=ويغنيه فال الطيبة عن قفاها دنياك لو سدت جناح الذبابة=ما كانت الخيبة على من رجاها دنيا مصالح تفتقدها الذرابة=اصلح وصالح ما تجنب عداها ريال يفقدها مقام المهابة=وريال بامكانه يبيع اشتراها اقل ما فيها يزيدك كآبة=وأخير ما فيها بزيد بغثاها والسيف أبو حدين داخل جرابه=والغانمة ما تنقص اللي رعاها وأن بخلت الدنيا بصاحب محابه=هذي عوايدها وذلك كفاها |
رد: كـــــل الوجيـــــــــه!؟
صح لسانك شاعرنا الكبير جزل البيان
وتسلم على هذه القصيدة المميزة وهذا العطاء الرائع |
رد: كل الوجيه
يا هلا ويا مرحبا تراحيب المطر يا أبو محمد
والله يحييك ويصبحك بكل خير وبيض الله وجهك على هذه القصيدة وعلى هذا التواصل المميز دائماً |
رد: كل الوجيه
سلمت وسلم غاليك يا شاعرنا المتميز أبو محمد
وبيض الله وجهك على هالقصيدة الجزلة وأنت راعي العلوم الغانمة كلها |
رد: كل الوجيه
صح لسانك جزل البيان شاعر جزل متمكن
في تصوير الأبيات الشعرية ومفرداتها العذبة |
04:11 AM |
Powered by vBulletin® developed by Tar3q.com