مرحوم ياوقت الرجال المشاكيل=ماعاد له في عين الايام قيمه
ولى زمانن فيه توفي الرياجيل=واقبل زمان اهل الردى والنميمه
ياعين ماتنفع كثير المناديل=كثر البكا ياعين ذنب وظليمه
تجبري بالله لون وقتنا بخيل=ورجي عطا ربً يدينه كريمه
انا الذي ذقت العنى والغرابيل=والوقت عاري مايعرف الحشيمه
رحنا من الدنيا سوات المهابيل=واهنيكم ياهل العقول الحكيمه
يابوي شفني كل مايقبل الليل=كني غريبً متهم في جريمه
انا الذي ذقت العنى والغرابيل=والوقت عاري مايعرف الحشيمه