الله من قلبٍ همومه فردها=قلبٍ طواريق الولع فيه عذروب
ضلوع صدري منه يرزم رعدها=لين الضماير لاعبت كل ملعوب
هات القلم ما دام فكري وردها=هاتوه وصل الله بوديه مكتوب
حلو المعاني ما تموت بلحدها=وصل الله الليلة ولو غاب مطلوب
بشكي له العلة وسبة وقدها=مثل الهدف قدامه العلم منصوب
وش حيلة اللي كل ليلة نشدها؟=عن جادل كن الحلا فيه مصبوب
غرياف يطوي الثوب طية جسدها=في مجتمع جنسه بالأخلاق محبوب
له لبةٍ بين الكتوف ونهدها=من هي بصدره يندهونه برعبوب
أبو ثمان مثل صافي بردها=في مبسمٍ كن العسل فيه مسكوب
وعيون خدرة هو بنفسه حسدها=وخدٍ حماره داخلٍ فيه باسلوب
أتلى العهد قدام ترحل بلدها=قالت: تراك بداخل القلب محبوب