19 May 2012, 01:33 PM
|
|
القلب ماهو بيد راعيه يامال
القلب ماهو بيد راعيه يامال=ماهو عقال ان مال بيده يرده
والحب مر بناس زالوا ولازال=يفك طنب وطنب مرخي يشده
مثل القمر في كل حزه على حال=اشقى البحر في كثر جزره ومده
اوله كنه شاعق البرق يانخال=واتلاه خير او شر محدٍ يصده
اما يجي همال للخير حمال=او سيلٍ يحدك على ماتوده
والجرح مايبرا لو ان الزمن طال=لا صار عين الي تحبه مصده
المشكله ياجاك طيفه على البال=الوهم خده والحقيقه مخده
والليل كله وانت للدمع همال=وصاحبك نايم ويد غيرك تهده
اعجبني القلب اللي بتوقيع ابو نايف وركبت هالقصيدة عليه
عسى ان تنال إعجابكم. |
توقيع : خيال الشدادين | |
|